Kolosiya 3:20 - Tennet

²⁰ Aanycik dooli kiziyet ti̱lo̱wi̱ne̱t ci be̱e̱ti̱gge̱k ki e̱e̱ti̱gge̱k, eci Manyi atalne zo̱ze̱ necu.

Kolosiya 3:20 ပူးပေါင်းရင်းမြစ်များ

Kananet 28:7

kar zin Ya̱ko̱bo̱ kizik zoz ci baatinne ki yaatinne kar kuk ngati malotinne Paddan Arama.

Lu̱ge̱z 20:12

“To̱ngo̱o̱lle̱ baatunne ki yaatunne, kar bak u̱u̱mu̱c lo̱o̱ce̱ ci aanyi Manyi Ta̱mu̱ta̱dde̱n cunne ko̱.

Ma̱te̱yo̱ 19:19

to̱ngo̱o̱lle̱ baatunne ki yaatunne, irez e̱e̱t ci locariyo ki i̱yo̱ko̱ ming irezi i̱nna̱ ele cunne ko̱.’”

Evesos 5:24

Anyik ngaa kizik zoz ci e̱e̱t cinne arrak oowa odohize, ki i̱yo̱ko̱ ol wak a̱tu̱we̱ ming aziye zoz ci Ki̱ri̱sto̱ arrak oowa odohize.

Vilipia 4:18

I̱yo̱ko̱ zin, kuruba kaal cik korongi anna do̱o̱k, otorte abarik, aanya e̱e̱ti̱ ci een Epaphroditus muci balik i̱tto̱na̱kka̱ng niga ke̱. Ongooli muci ne̱ke̱ mediz ci aanyik Ta̱mu̱ta̱dde̱n katalo.

Kolosiya 1:10

Kalayya Ta̱mu̱ta̱dde̱n kar niga abait baiz ci abunna orong Manyi, kar enne katalo kaale cik ogonnu niga do̱o̱k: Anyak zoz ci a̱li̱ngli̱ngnyu̱ niga kaale cik abunna, amudannu zoz ci a̱gga̱yyu̱ Ta̱mu̱ta̱dde̱n ju̱rru̱m.

Kolosiya 3:22

Imma niga ol cik e̱e̱ggi̱nnu̱ du̱cca̱k ko̱, abunna ming o̱ngo̱o̱li̱nnu̱ ma̱ci̱gi̱ ce̱e̱zi̱; kar u̱tu̱gu̱z li̱ngli̱ngo̱n ju̱rru̱m, ma ogonnu li̱ngli̱ngo̱n ming acinnu ebere cigge̱k do̱ kar nege katalttung, abarik i̱li̱ngli̱nge̱t zi̱nze̱tti̱nne̱ cik alali de̱de̱ ngati o̱ngo̱o̱li̱nnu̱ Manyi, iróng een e̱e̱t ci diiri.

Ti̱to̱ 2:9

Aanycik du̱cca̱k wak a̱li̱ngli̱ng ce̱e̱za̱ ollin kiziyet zoz ci ol wak e̱e̱ggi̱n ma̱ci̱gi̱ ce̱e̱zi̱ kaale do̱o̱k kar nege katalit. Gerze du̱cca̱ha̱ ming a̱ddi̱la̱nne̱k nogo zoz.

I̱bu̱ru̱ 13:21

nonno ci a̱a̱nyu̱ng kaal do̱o̱k eci niga a̱li̱ngli̱ngnyu̱ zoz cinne, kanycik bai nonno ki̱li̱ngli̱ng baize cinna kaale cik orong enne, go̱o̱le̱ ci Ye̱su̱ Ki̱ri̱sto̱, kanycik nonno ki̱di̱ngdi̱nga̱ne̱ udut. Amen.

Buk ci ozoz zoz ci ngaa ci een Ruz 3:5

Abarizek zin Ruzi nonno, a̱nne̱k ne, “Kogonni atin anna zoz ci a̱du̱wa̱ i̱nna̱ ko̱ do̱o̱k.”