Kolosiya 3:17 - Tennet

¹⁷ Kar ming ogonnu gi̱i̱ imma, ming ozozu u̱tu̱ge̱tti̱ne̱ icima ogonnu azzine, u̱tu̱gu̱z kaal ne̱ke̱ do̱o̱k zare cik Manyi Ye̱su̱. Kar bo̱do̱k go̱o̱le̱ cinne, aanycik Ta̱mu̱ta̱dde̱n Baba zany kaale do̱o̱k.

Kolosiya 3:17 ပူးပေါင်းရင်းမြစ်များ

Ma̱te̱yo̱ 28:19

I̱yo̱ko̱, oot ngati ol cik lo̱o̱tu̱ do̱o̱k komize cinanni, aanycik booryyok do̱o̱k kizeto nuyak, a̱gga̱mte̱k nogo ba̱ti̱ti̱mo̱ zare cik Baba ki cik Ngerinne ki Vongiz ci A̱li̱le̱,

Buk wa To̱ni̱a̱u̱ 19:17

Baling iziyyet Ya̱u̱di̱ ki Gi̱ri̱k cik aavtte Ephesuskte zoz neci, o̱to̱ngo̱o̱ltte̱ nege lo̱o̱c oroot kar ol ko̱to̱ngo̱o̱ltte̱ zar cik Manyi Ye̱su̱ oroot.

Buk wa To̱ni̱a̱u̱ 4:30

I̱tto̱n a̱zzi̱t cunne kar kangaru kar tu̱gu̱ kaal cik a̱vu̱la̱ ki cik aanyik ol ku̱ku̱lte̱k je̱e̱n zare cik du̱ca̱i̱t cunne a̱li̱le̱ Ye̱su̱.”

Roma 1:8

Arrak oowa, kanyike anna Ta̱mu̱ta̱dde̱n zany zare cik Ye̱su̱ Ki̱ri̱sto̱ zo̱ze̱ cunno̱ng ol wak a̱tu̱we̱ Roma; eci ol do̱o̱k lo̱o̱co̱we̱ ozoz tu̱we̱ne̱t cunno̱ng.

1 Ko̱ri̱nto̱ 10:31

Ka̱nne̱kku̱ng zin anna i̱ge̱t ne, ming adakce icima aude icima ogoni gi̱i̱ imma ci aave do̱, tu̱gu̱ kize ci a̱di̱ngdi̱nga̱ni̱ Ta̱mu̱ta̱dde̱n.

Evesos 1:17

Ka̱jji̱nni̱ Ta̱mu̱ta̱dde̱n wa Manyitinna Ye̱su̱ Ki̱ri̱sto̱ kar Be̱e̱ti̱nna̱ wa a̱di̱ngdi̱nge̱ ka̱a̱nyu̱ng Vongiz cinne ci atin a̱a̱nyu̱ng genyiz kar a̱gga̱c zoz ci riili obod ki Ta̱mu̱ta̱dde̱n.

Evesos 5:20

Aanycik Ta̱mu̱ta̱dde̱n Be̱e̱ti̱nna̱ zany kaale do̱o̱k odohize zare cik Manyitinna Ye̱su̱ Ki̱ri̱sto̱.

Vilipia 1:11

a̱a̱nyu̱ng atin Ye̱su̱ Ki̱ri̱sto̱ i̱li̱ngli̱nge̱t u̱tu̱gu̱z kaal cik abunna cik aanyik ol ki̱di̱ngdi̱nga̱ni̱t kar bo̱do̱k kinnatit Ta̱mu̱ta̱dde̱n.

Vilipia 2:11

kar ol do̱o̱k u̱tu̱ge̱tti̱ne̱ cigge̱k kizeto ne, een Ye̱su̱ Ki̱ri̱sto̱ Manyi, imma zin zo̱ze̱ necu a̱di̱ngdi̱nga̱n nege Ta̱mu̱ta̱dde̱n Baba.

Kolosiya 1:12

Kar aanycik Baba zany ci elemannu̱ng i̱ge̱t kar ozolit zoz ci u̱du̱wa̱k enne ol cik Ta̱mu̱ta̱dde̱no̱ ba̱a̱li̱ne̱t ci abahe ol vooritena.

Kolosiya 2:7

U̱ru̱ktte̱k zo̱o̱ lo̱o̱c ngati Ki̱ri̱sto̱ kar enne kize e̱e̱t ci aanyik tu̱we̱ne̱t cunno̱ng kokkom ki ba̱li̱ye̱ edemezung ol ke̱, kar aanycik Ta̱mu̱ta̱dde̱n zany odohize oroot.

Kolosiya 3:15

Anyik gano ci Ki̱ri̱sto̱ kabal zi̱nze̱tti̱ cuggo̱k, eci Ta̱mu̱ta̱dde̱n a̱a̱nyu̱ng izet ol co̱de̱ kar anyait gano necu. Kar aanycik nonno zany.

Kolosiya 3:23

Abunna zin ming a̱gga̱yyu̱ kaale cik ogonnu niga ko̱, i̱li̱ngli̱nge̱t zi̱nze̱tti̱nne̱ cik abunna, ki ci a̱li̱ngli̱ngngo̱ni̱ku̱ niga Manyi Ye̱su̱ do̱ niko, amire ki ol cik diirik.

1 Te̱se̱lo̱ni̱ka̱ 1:1

Keherikung anna Pa̱u̱lo̱, ki Silas, ki Ti̱mo̱te̱yo̱ waraga cu i̱ge̱t ol wak a̱tu̱we̱ ke̱le̱ci̱a̱k o̱rge̱ ci Te̱se̱lo̱ni̱ka̱, i̱ge̱t ol wak e̱e̱ggi̱nnu̱ ol cik Ta̱mu̱ta̱dde̱n wa een Be̱e̱ti̱nna̱ bali eenycanetta ki Manyi Ye̱su̱ Ki̱ri̱sto̱. Anyait deten ki baiz yahe tu̱we̱nte̱ ci zoz ci Ta̱mu̱ta̱dde̱no̱.

1 Te̱se̱lo̱ni̱ka̱ 5:18

aanycik Ta̱mu̱ta̱dde̱n odohize zany kaale do̱o̱k, eci een necu zoz ci odola Manyi kize cunno̱ng ngati a̱tu̱yyu̱ Ye̱su̱ Ki̱ri̱sto̱ wa atahalai.

2 Te̱se̱lo̱ni̱ka̱ 2:17

kar ki̱ti̱lo̱u̱ng ka̱a̱nyu̱ng komiz odohize kar u̱tu̱gu̱z kaal icima a̱du̱wa̱nnu̱ zoz ci abunna.

I̱bu̱ru̱ 1:5

Ngen Ta̱mu̱ta̱dde̱n i̱i̱te̱n imma kizek anjilo co̱de̱ anjilonyai ne, “E̱e̱ni̱ i̱nna̱ Ngeranni; kiize anna wazin cu Baatunne.” Icima bo̱do̱k, a̱nne̱k anjilonya u̱gge̱ ngatinne̱ng ne, “Ke̱e̱ni̱ anna Baatunne, Okko i̱nna̱ e̱e̱ni̱ Ngeranni.”

I̱bu̱ru̱ 13:15

Abunna zin naga kinnat Ta̱mu̱ta̱dde̱n odohize zo̱ze̱ ci Ye̱su̱. Ogon inatinnet cinna ci kinnate Manyi ko̱ atubo ki muci ci kanyike naga nonno.

1 Peturu 2:5

I̱yo̱ko̱ zin, niga bu̱k izetu biyen wak abak udut wak eenyconik kize ce̱e̱z ci abahe Vongizi ci Ta̱mu̱ta̱dde̱no̱. Izetu niga olli wawaco wak a̱li̱le̱ bu̱k. Ma go̱o̱le̱ ci a̱ti̱ri̱zu̱ng Ye̱su̱ Ki̱ri̱sto̱ ko̱, ovvo atin niga anyikku Ta̱mu̱ta̱dde̱n muci ci atin aanyik nonno katalo.

1 Peturu 2:9

Abarik e̱e̱ggi̱nnu̱ niga zu̱we̱ ci atahala Ta̱mu̱ta̱dde̱n, olli wawaco ce̱e̱ze̱ cinne, zu̱we̱ ci a̱li̱le̱, ol cik Ta̱mu̱ta̱dde̱no̱, kar inatit nonno eci anyahaung ngati mu̱hu̱ri̱ kar icinnet ngintinne voori.

1 Peturu 4:11

Ming anyak e̱e̱ti̱ arizet zoza, aanyik nonno kuwahek ol zoz ci Ta̱mu̱ta̱dde̱no̱ wa een nonno ele. Ming anyak e̱e̱ti̱ zinin ci kar keela ol, anyik nonno keela ol doize bali aanyik nonno Ta̱mu̱ta̱dde̱n la̱du̱n ke̱. Kar ol kinnatit Ta̱mu̱ta̱dde̱n kaale do̱o̱k zo̱ze̱ ci Ye̱su̱ Ki̱ri̱sto̱. Imma zin zo̱ze̱ cinne aave di̱ngdi̱ngo̱ni̱ ki komiz atin udut. Amen.

1 Jon 2:23

Ming abure e̱e̱ti̱ Ngerinne, abure enne Baatinne bu̱k. Ming elemi e̱e̱ti̱ Ngerinne, elemi enne Baatinne bu̱k.

1 Jon 3:18

Niga dooli wagannik tu̱we̱nta̱, abunna kirez ol rezinet ci een de̱de̱ ngati kogonne kaal cik abunna baize cinna, iróng een zoza utuga.