Kolosiya 3:16 - Tennet

¹⁶ Aanycik zoz ci Ki̱ri̱sto̱ kabak zi̱nze̱tti̱nne̱ cuggo̱k oroot ming i̱lo̱ttu̱ niga e̱le̱tti̱ do̱o̱k genyiza, ki be̱ni̱ne̱t be̱ni̱nno̱k cik a̱di̱ngdi̱nga̱nnu̱ Ta̱mu̱ta̱dde̱n, anyikku nonno zany be̱ni̱no̱we̱ zi̱nze̱tti̱nne̱ cuggo̱k do̱o̱k.

Kolosiya 3:16 ပူးပေါင်းရင်းမြစ်များ

Ma̱te̱yo̱ 26:30

Baling e̱be̱nni̱t nege tegel kar zin koot Biye ci I̱ngi̱ro̱u̱.

Lu̱ka̱ 2:51

Uk zin enne rok Nazareth ki nogo kar kelema zoz cinne̱ng. Ma̱i̱je̱ yaatinne azunne kaal ne̱ke̱ do̱o̱k zinine cinne.

Kaviyak wak Abunna Ta̱mu̱ta̱dde̱no̱ eher Joni 15:7

Ming karume ko̱do̱ye̱ kar zin niga u̱zu̱tte̱ zoz cinanni, i̱jji̱nne̱t gi̱i̱ ci ette orongnyu niga kar Ta̱mu̱ta̱dde̱n ka̱a̱nyu̱ng.

Roma 10:17

A̱kku̱ tu̱we̱ne̱t ming aziye e̱e̱ti̱ kaviyak, kaziye kaviyak ne̱ko̱ zo̱ze̱ ci Ki̱ri̱sto̱.

Roma 15:14

Gotonogga ki ngonogga tu̱we̱nta̱, ka̱gga̱yyu̱ng abunnanu niga go̱o̱lo̱we̱ do̱o̱k, eci a̱gga̱yyu̱ zoz ci Ta̱mu̱ta̱dde̱n wa een de̱de̱ ju̱rru̱m, anyakku arizet ci edemezu e̱le̱tti̱ cuggo̱k.

1 Ko̱ri̱nto̱ 14:15

I̱yo̱ko̱ zin, ku̱tu̱gu̱ nya? Kala atin anna Ta̱mu̱ta̱dde̱n vongize cinanni, ma̱i̱je̱ atin bo̱do̱k kala anna nonno bu̱k zinine cinanni; ke̱be̱ne̱ atin vongize cinanni, imma ngatu ke̱be̱ne̱ atin bo̱do̱k zinina.

1 Ko̱ri̱nto̱ 14:26

Gotonogga ki ngonogga tu̱we̱nta̱, kazi zin naga ne? Ming urumteu niga nga̱to̱de̱, anyak e̱e̱t ci orong keben lo̱ng, icima zoz ci ti̱lo̱wi̱nto̱, icima zoz ci i̱ye̱le̱k Ta̱mu̱ta̱dde̱n nonno, icima zoz ci iróng ol a̱gga̱, icima arizet ci a̱du̱wa̱ne̱ u̱nge̱tti̱ cik zozzak. Abunna kaala ne̱ko̱ do̱o̱k ming ogone kar keela ol cik een e̱re̱nno̱k ke̱le̱ci̱a̱.

Evesos 1:17

Ka̱jji̱nni̱ Ta̱mu̱ta̱dde̱n wa Manyitinna Ye̱su̱ Ki̱ri̱sto̱ kar Be̱e̱ti̱nna̱ wa a̱di̱ngdi̱nge̱ ka̱a̱nyu̱ng Vongiz cinne ci atin a̱a̱nyu̱ng genyiz kar a̱gga̱c zoz ci riili obod ki Ta̱mu̱ta̱dde̱n.

Evesos 5:17

Ma e̱e̱ggi̱nnu̱ tarbale, abarik a̱gga̱c kaal cik orong Manyi i̱ge̱t u̱tu̱gu̱z baize cunno̱ng.

Evesos 5:19

Ming urumteu niga nga̱to̱de̱, e̱be̱nni̱t be̱ni̱nno̱k wak e̱he̱rye̱ warage ci Caliwono ki be̱ni̱nno̱k cik olli Manyi inatu nonno zi̱nze̱tti̱nne̱ cuggo̱k.

Evesos 5:26

Ogon enne zoz necu abunna nege ovvo e̱e̱ggi̱n ol cik abunna doize ci zoz cinne, idiman zin enne nogo kizeto ol cik a̱li̱le̱ ngati unye nogo maame.

Kolosiya 1:28

Kuwaheka zin naga ol zoz ci Ki̱ri̱sto̱, ki̱lo̱tta̱ ol kar bo̱do̱k kedemezta nogo kaal cik aanyik nogo genyiz, kar atin ol cik meelek ka̱gga̱c Ta̱mu̱ta̱dde̱n ju̱rru̱m zo̱ze̱ ci Ki̱ri̱sto̱.

Kolosiya 1:9

Imma zin zo̱ze̱ necu, baling kizikta zoz cunno̱ng, ngen naga kibilizta lawinet Ta̱mu̱ta̱dde̱n zo̱ze̱ cunno̱ng kar ka̱a̱nyu̱ng genyiz ci Vongizo ki gga̱wa̱ne̱t zoz.

Kolosiya 4:6

Ming ozozonnu ki ol, aanycik zo̱zzo̱k cuggo̱k kizeto zo̱zzo̱k cik abunna atalne ol, kar wo̱ye̱ niga a̱gga̱c gool ci abarizekku ol do̱o̱k.

1 Te̱se̱lo̱ni̱ka̱ 1:8

Eci a̱tu̱we̱nu̱ niga zo̱ze̱ ci Manyi Ye̱su̱, iróng zin zoz neci atakuza lo̱o̱c ci Macedonia ki ci Achaia do̱, abarik edera lo̱o̱c do̱o̱k zo̱ze̱ ci a̱tu̱yyu̱ niga zoz ci Ta̱mu̱ta̱dde̱no̱, ki̱zzi̱ rok zoz imma ci ka̱du̱wa̱kka̱ nogo.

1 Te̱se̱lo̱ni̱ka̱ 4:18

I̱ti̱lo̱zzo̱ kar eelta e̱le̱tti̱ cuggo̱k zo̱ze̱ necu.

2 Te̱se̱lo̱ni̱ka̱ 3:15

Ma zin anyikku ku̱tu̱gu̱zzo̱ ki mo̱ddo̱, abarik i̱ti̱lo̱zzo̱ ki ming i̱lo̱ttu̱ ol u̱gge̱ ko̱.

1 Ti̱mo̱te̱yo̱ 6:17

Ti̱lo̱ ol wak e̱e̱ggi̱n bo̱to̱ro̱ lo̱o̱ta̱ ko̱, gerza ming aarik zi̱nze̱tti̱ kaal ne̱k anyak nege ke̱. Abarik du̱wa̱k nogo kartik zi̱nze̱tti̱ Ta̱mu̱ta̱dde̱n wa een bo̱to̱ro̱c aanyyet kaal do̱o̱k kar naga katalte baiz.

2 Ti̱mo̱te̱yo̱ 3:15

A̱gga̱ ri̱t i̱nna̱ Waraga ci Ta̱mu̱ta̱dde̱no̱ baling ngen e̱e̱ni̱ idica. Aanyi zoz cinne genyiz ki ti̱ri̱ze̱ne̱t go̱o̱le̱ ci a̱tu̱we̱ Ye̱su̱ Ki̱ri̱sto̱ kar ruba baiz wa aave udut.

Ti̱to̱ 3:6

I̱tto̱na̱i̱t Ta̱mu̱ta̱dde̱n Ye̱su̱ Ki̱ri̱sto̱ Ti̱ri̱zo̱i̱t cinna kar kaanyyet Vongiz cinne.

Je̱mi̱s 1:5

Ming anyak e̱e̱t imma ngatinno̱ng ci iróng anyak genyiz, anyik nonno ki̱jji̱n Ta̱mu̱ta̱dde̱n wa i̱i̱rke̱, aanyik enne ol do̱o̱k genyiz ci iróng enne bu̱k a̱jji̱nni̱ i̱nne̱t ming a̱jji̱nni̱ i̱nna̱ nonno.

Je̱mi̱s 3:17

Imma zin genyizi ci a̱kku̱ ta̱mu̱-kenga een caala paz; kar zin kirez gano, alali mului, a̱gga̱ zoz ju̱rru̱m, aziye zoz ju̱rru̱m, anyak deten ki zoz ci abunna, iróng enger ol kar kanyak zoz ci een de̱de̱.

Je̱mi̱s 5:13

Ming anyak e̱e̱t imma ngatinno̱ng no̱ngi̱tto̱n cik apirnane enne, anyik kala Ta̱mu̱ta̱dde̱n. Ming anyak e̱e̱t imma ngatinno̱ng ci atalne, anyik nonno keben lo̱ngnyo̱k cik innate Ta̱mu̱ta̱dde̱n.

1 Jon 2:14

Niga be̱e̱ti̱ga̱ni̱k, keherakkung anna i̱ge̱t zoz cu, eci niga a̱gga̱yyu̱ aave enne kanante ci lo̱o̱tu̱. Keherakkung zin anna i̱ge̱ta̱ bo̱do̱k logoz zoz cu, eci okkomnu niga, kar zoz ci Ta̱mu̱ta̱dde̱no̱ kabak ngatinno̱ng, kar bo̱do̱k niga ommogtu lo̱rye̱ni̱t.

1 Jon 2:24

Imma niga, anyik zoz bali iziktu niga oowa ke̱ ka̱vvu̱ ngatinno̱ng. Ming a̱vvu̱ zoz bali iziktu niga arrak oowa ke̱ ngatinno̱ng, aavtiyyu zin niga bu̱k ngati Ngerinne ki Baatinne.

1 Jon 2:27

Imma ngatinno̱ng, erahek Vongizi ci A̱li̱le̱ bali amudannu niga ngati Ki̱ri̱sto̱ ke̱ ki i̱ge̱ta̱. Iróng niga ngen orongnyu e̱e̱t imma kedemezung eci edemezung atin Vongizi ci A̱li̱le̱ kaal do̱o̱k. Eci enne een zoz ci een de̱de̱, i̱llo̱i̱ volong ngatinne, ki baling edemezung Vongizi ko̱, a̱vvu̱t zin nga̱to̱de̱ ki Ki̱ri̱sto̱.

2 Jon 1:2

eci zoz ci een de̱de̱ ko̱, aave ngatinna, kar atin ka̱vvu̱ ngatinna udut.

O̱no̱zzo̱k 14:3

E̱be̱nte̱k nege lo̱ng ci een jor lecer ci alaano ki kaal we̱c wak aruge ko̱ ki lo̱ddi̱ki̱re̱. I̱llo̱i̱ rok e̱e̱t imma ci edemez lo̱ng neci kize ol cik e̱e̱ggi̱n i̱bbo̱nge̱t o̱bo̱n co̱de̱ ki i̱bbo̱nge̱t moten we̱c ki i̱bbo̱nge̱t we̱c (144,000) do̱ niko cik a̱gga̱ lo̱ng neci, ol balik a̱ti̱ri̱z Ta̱mu̱ta̱dde̱n nogo lo̱o̱ta̱ ngatu.

O̱no̱zzo̱k 15:3

kar zin ke̱be̱ni̱t lo̱ng ci Musesi du̱ca̱i̱t ci Ta̱mu̱ta̱dde̱no̱ ki lo̱ng ci Nyoono. Azi ne, “A̱ddi̱ki̱re̱ kar ki̱zi̱ze̱c kaala cigunnek do̱o̱k oroot, Manyi Ta̱mu̱ta̱dde̱n wa anyak Komiz do̱o̱k, een bunnati ki zoz ci een de̱de̱ kaal cigunnek ogoni i̱nna̱, Alaan ci lo̱o̱cco̱k do̱o̱k.

O̱no̱zzo̱k 19:10

Imma ngatu kakateya anna nonno u̱zu̱ngti̱nne̱ zoone ciginnek kar ki̱di̱ngdi̱nga̱n nonno. Ma̱i̱je̱ enne a̱nne̱ka̱ ne, “Ma ogoni niko! Ke̱e̱ni̱ anna du̱ca̱i̱t ki i̱nne̱t ki gonoggu wak a̱gga̱m zoz ci Ye̱su̱. Di̱ngdi̱nga̱n Ta̱mu̱ta̱dde̱n do̱ niko! Eci zoz ci obod ki Ye̱su̱ ko̱ ci ozoz a̱ri̱tto̱wa̱ ko̱.”

O̱no̱zzo̱k 5:9

Kar zin ke̱be̱ni̱t lo̱ng ci een jor, azi ne, “Aganonu i̱nna̱ ming adima waraga kar du̱l mutula ne̱ke̱, eci i̱nna̱ u̱ru̱we̱ ba̱li̱ye̱, kar bi̱ye̱te̱ cigunnek, atalau i̱nna̱ ol Ta̱mu̱ta̱dde̱n olle cik lo̱o̱tu̱ ki u̱tu̱ge̱tti̱ cik ozoz ol do̱o̱k lo̱o̱ta̱ ngatu do̱ do̱.