Kolosiya 3:1 - Tennet

¹ A̱gga̱yyu̱ itingtau niga ki Ki̱ri̱sto̱ daiza, abunna ming arikku zi̱nze̱tti̱ cuggo̱k kaal cik aavtte ta̱mu̱-kenga, ngati aave Ki̱ri̱sto̱ a̱tte̱ ci a̱zzo̱ Ta̱mu̱ta̱dde̱no̱ ngati doizo.

Kolosiya 3:1 ပူးပေါင်းရင်းမြစ်များ

Ma̱te̱yo̱ 22:44

“‘A̱nne̱k Manyi Manyi cinanni ne: “A̱vvu̱ a̱tte̱ cinanni a̱zzo̱ ngati a̱di̱ngdi̱nga̱ni̱ ol, zee ku̱tu̱gu̱ anna mo̱ddo̱ wagunnek, ka̱vvu̱to̱ zoone cigunnek.”’

Ma̱te̱yo̱ 26:64

O̱bo̱de̱k zin Ye̱su̱ nonno, a̱nne̱k ne, “I̱i̱ny, ogon ki i̱yo̱ko̱ ming a̱du̱wa̱ i̱nna̱ ko̱. Abarik ka̱du̱wa̱kku̱ng, acinnang atin annita Ngerrti E̱e̱to̱ aave a̱tte̱ ci a̱zzo̱ Ta̱mu̱ta̱dde̱no̱, nginti anyak doiz, kar koboda di̱i̱za̱ ta̱mu̱-kenga.”

Ma̱te̱yo̱ 6:20

Abarik adazzek i̱to̱kze̱t cunno̱ng ta̱mu̱-keng ngati iróng ngazengaze ki zizac egerzan, ngati bo̱do̱k iróng wo̱ye̱ ogoryaha amuda gool ci ogorzine.

Ma̱te̱yo̱ 6:33

Abarik zin orongtta arrak oowa ba̱a̱li̱ne̱t ci Ta̱mu̱ta̱dde̱no̱ ki bunnat cinne, kar bo̱do̱k atin Ta̱mu̱ta̱dde̱n ka̱a̱nyu̱ng kaal ne̱k orongnyu niga ke̱ do̱o̱k.

Marko 12:36

Ozoz Da̱vi̱de̱ enne eliya Vongize ci A̱li̱le̱ ize ne: “‘A̱nne̱k Manyi Manyi cinanni ne: “A̱vvu̱ a̱tte̱ cinanni a̱zzo̱ ngati a̱di̱ngdi̱nga̱ni̱ ol, zee ku̱tu̱gu̱ anna mo̱ddo̱ wagunnek, ka̱vvu̱to̱ zoone cigunnek.”’

Marko 14:62

O̱bo̱de̱k zin Ye̱su̱ nonno, a̱nne̱k ne, “I̱i̱ny, Ke̱e̱ni̱, acinni atin Ngerrti E̱e̱to̱ ming aave a̱tte̱ ci a̱zzo̱ Ta̱mu̱ta̱dde̱no̱, kar atin ki̱ki̱ya̱ di̱i̱zo̱ca̱ ta̱mu̱-kenga.”

Marko 16:19

Baling ozozek Manyi Ye̱su̱ zoz ki nogo, odonge zin enne uk ta̱mu̱-kenga kar ka̱vvu̱ ngati doizo a̱tte̱ ci Ta̱mu̱ta̱dde̱no̱ a̱zzo̱.

Lu̱ka̱ 12:33

U̱tu̱yye̱k kaal cik anyakku niga ko̱, kar anycik o̱ro̱bi̱ya̱ ol cik amati. Idimantek e̱le̱tti̱ cuggo̱k de̱he̱rwa̱ cik iróng egerzanne, eezet ci aave ta̱mu̱-kenga ci iróng atin edeccai, nginti iróng anyak ogoryak cik a̱vvu̱ ojonun kar bo̱do̱k i̱llo̱i̱ ngazengaze cik egerzanni.

Lu̱ka̱ 20:42

Eci Da̱vi̱de̱ ele ci eher buwe ci Caliwono, azi ne, “‘A̱nne̱k Manyi, Manyi cinanni ne: “A̱vvu̱ a̱tte̱ cinanni a̱zzo̱ ngati a̱di̱ngdi̱nga̱ni̱ ol i̱nne̱ta̱,

Lu̱ka̱ 22:69

Ma̱i̱je̱ i̱yo̱ko̱ kuk, aave atin Ngerrti E̱e̱to̱ a̱tte̱ ci a̱zzo̱ Ta̱mu̱ta̱dde̱no̱ wa anyak komiz do̱o̱k.”

Buk wa To̱ni̱a̱u̱ 2:34

Ngen bali Da̱vi̱de̱ kuk rok ta̱mu̱-keng, abarik enne u̱du̱wa̱ zoz ci obod ki Ye̱su̱, azi ne, “‘A̱nne̱k Manyi, Manyi cinanni ne, “A̱vvu̱ a̱tte̱ cinanni a̱zzo̱ ngati a̱di̱ngdi̱nga̱ni̱ ol,

Buk wa To̱ni̱a̱u̱ 7:55

Imma bali Stepheni anyak Vongiz ci A̱li̱le̱ ju̱rru̱m, egelem ta̱mu̱-keng kar kicin di̱ngdi̱ngo̱n ci Ta̱mu̱ta̱dde̱no̱, ki Ye̱su̱ ming abile ngati Ta̱mu̱ta̱dde̱no̱ a̱tte̱ ci a̱zzo̱.

Roma 8:34

Baling a̱da̱k Ye̱su̱ Ki̱ri̱sto̱, kitinga daiza kar naga ka̱vvu̱ta̱ labak zo̱ze̱ ci ettedekket Ta̱mu̱ta̱dde̱n lo̱ki̱ko̱, ngene wo̱ye̱ ci anyak komiz ci edezetta? Iróng Ye̱su̱ a̱da̱i̱ zo̱ze̱ cinna do̱, abarik itinga daiza kar ka̱vvu̱ a̱tte̱ ci a̱zzo̱ Ta̱mu̱ta̱dde̱no̱, ngati anyahe enne komiz, alawakket Ta̱mu̱ta̱dde̱n.

Roma 8:6

Ming kabal naga e̱le̱tti̱ kaale ci gerzek balik reentik amin zi̱nze̱tti̱ ke̱, kamuda atin daiz. Imma ming kabal e̱le̱tti̱ Vongize ci Ta̱mu̱ta̱dde̱no̱, kanyak atin baiz ci abunna ki gano.

2 Ko̱ri̱nto̱ 4:18

Iróng ngen ki̱no̱n zoz ci kapirnane naga i̱yo̱ko̱ niko, imma kaala ne̱k kacin naga eberene i̱yo̱ko̱ niko ko̱, iróng aavtte udut. Abunna ki̱no̱n karike zi̱nze̱tti̱ zoz ci iróng kacin eberene adimanekket Manyi aavtte ta̱mu̱-kenga, abak atin udut.

Evesos 4:10

Azi keng ci zoz necu ne, Ye̱su̱ bali ci okko todowai, nonno ci bo̱do̱k dee ci okko ta̱mu̱-kenga, ta̱dde̱na̱, kar enne kibbizitan ta̱mu̱-keng ki lo̱o̱c veelek.

Evesos 5:22

Ngaai, iziyyet macwa cuggo̱k ki i̱yo̱ko̱ ming aziknnu niga Manyi Ki̱ri̱sto̱ ko̱.

Kolosiya 2:20

Urumteziu niga Ki̱ri̱sto̱ daize cinne, kar aarta e̱le̱tti̱ baize ci lo̱o̱tu̱ ko̱. Nya bo̱do̱k ming abakku ki ci ngen o̱ngo̱o̱li̱nnu̱ kaal cik lo̱o̱tu̱ ogon ki ne̱ko̱ ko̱:

Kolosiya 3:2

Aartik zi̱nze̱tti̱ cuggo̱k kaal cik aavtte ta̱mu̱-kenga, iróng een kaal cik aavtte lo̱o̱ta̱ ngatu.

I̱bu̱ru̱ 1:13

Ngen Ta̱mu̱ta̱dde̱n i̱i̱te̱n imma ku̱du̱wa̱k anjilonya ciginnek zoz imma ci azi ne, “A̱vvu̱ a̱tte̱ cinanni a̱zzo̱ ngati a̱di̱ngdi̱nga̱ni̱ ol, zee kanyik anna mo̱ddo̱ wagunnek, ka̱vvu̱to̱ zoone cigunnek.”

I̱bu̱ru̱ 1:3

I̱ye̱la̱ Ngerinne doiz ki di̱ngdi̱ngo̱n ci Ta̱mu̱ta̱dde̱no̱, ogon enne odohize ki Ta̱mu̱ta̱dde̱n. A̱gga̱m zin enne lo̱o̱c doize cinne. Baling utunya Ngerinne mu̱nye̱n cigga̱c do̱o̱k, a̱vvu̱ zin lo̱o̱ta̱ a̱tte̱ ci a̱zzo̱ di̱ngdi̱ngo̱nte̱ ci Ta̱mu̱ta̱dde̱no̱, ta̱mu̱-kenga.

I̱bu̱ru̱ 10:12

Imma e̱e̱ti̱ ci wawaco wa aanyik ele cinne Ta̱mu̱ta̱dde̱n kize wawac ci aara ol mu̱nye̱n do̱o̱k. Kar Ta̱mu̱ta̱dde̱n kaanyik nonno ka̱vvu̱ ngatinne a̱tte̱ ci a̱zzo̱ ta̱mu̱-kenga.

I̱bu̱ru̱ 12:2

Abunna karike zi̱nze̱tti̱ do̱o̱k Ye̱su̱ wa anyahakket tu̱we̱ne̱t kar kidiman tu̱we̱ne̱t cinna kubunna ju̱rru̱m. Eci enne ere talninet ci okko enne a̱ti̱ri̱ze̱t agita, inim zin enne daiz keete ci een ta̱la̱ke̱c zo̱ze̱ ci talninet neci, iróng enne ngen o̱ngo̱o̱le̱ gi̱i̱ imma. I̱yo̱ko̱ aanyik Ta̱mu̱ta̱dde̱n nonno ka̱vvu̱ ngatinne a̱tte̱ ci a̱zzo̱ ta̱mu̱-kenga.

I̱bu̱ru̱ 8:1

Ungec ci kaal cik riili ka̱du̱wa̱nna̱ ko̱ iciko: Kanyak naga do̱o̱k alaan ci a̱ddi̱ki̱re̱ wawaco Ce̱e̱ze̱ wa Ta̱mu̱ta̱dde̱no̱ ta̱mu̱-kenga, a̱vvu̱ lo̱o̱ta̱ a̱tte̱ ci Ta̱mu̱ta̱dde̱n a̱zzo̱ ta̱mu̱-kenga,

1 Peturu 3:22

I̱yo̱ko̱ zin, uk Ki̱ri̱sto̱ a̱vvu̱ ta̱mu̱-kenga kar kuk ka̱vvu̱ ngati Ta̱mu̱ta̱dde̱no̱ a̱tte̱ ci a̱zzo̱, urumte ki anjilonya ki alaat wak ta̱mu̱-kengo ki alaanzet do̱o̱k a̱gga̱m enne.