Kolosiya 2:8 - Tennet

⁸ Ka̱du̱wa̱kku̱ng, ebeit e̱le̱tti̱ ju̱rru̱m, kar i̱llo̱i̱ e̱e̱t imma ci alabanung genyize ci anyak volong a̱kku̱ ngati ol cik diirik, de̱mzi̱ne̱t ci olli lo̱o̱tu̱, iróng ozoz zoz ci obod ki Ki̱ri̱sto̱.

Kolosiya 2:8 ပူးပေါင်းရင်းမြစ်များ

Ma̱te̱yo̱ 10:17

Igenyit zin olle wak ovvoyyung atin lo̱ki̱ka̱ kar kecebtung lagama kar ki̱bi̱ccu̱ng Ce̱e̱zi̱nne̱ wak Lawinto alutene nege.

Ma̱te̱yo̱ 16:6

Kar zin Ye̱su̱ kizek nogo ne, “U̱zu̱tte̱ e̱le̱tti̱, zo̱ze̱ ci kidikidir ci adakku da̱i̱ne̱t cik anyak nyigit cik meertak olli Varacis ki Saddocis.”

Ma̱te̱yo̱ 7:15

“Igenyit zo̱ze̱ ci a̱ri̱tto̱k wak een volongnyok. A̱vvu̱na̱kku̱ng nege gunune ogon ki i̱yo̱ko̱ a̱zza̱ ko̱, imma zi̱nze̱tti̱ ogon ki i̱yo̱ko̱ u̱du̱ma̱na̱ ko̱.

Buk wa To̱ni̱a̱u̱ 17:18

A̱ka̱tte̱ zin koole ci Epicurean ki Stoic wak a̱gga̱ zoz ko̱ adangto ki nonno. I̱jji̱nto̱ uggak ngatinne̱ng, “Orong e̱e̱ti̱ ci ozoz darace ko̱ kize ne?” Ovvo uggak azi ne, “Ogon ki e̱e̱ti̱ ci ozoz ta̱mu̱ta̱dde̱ne̱t cik i̱do̱ngi̱nnu̱.” A̱du̱wa̱ nege zoz necu eci Pa̱u̱lo̱ uwahek ol kaviyak cik abunna obod ki Ye̱su̱ ki ngazi daiza.

Buk wa To̱ni̱a̱u̱ 17:32

Baling ovvo aziye Pa̱u̱lo̱ ming ozoz tingawinet daiza, atararit ol uggak, ma̱i̱je̱ uggak azi ne, “Korongnya kizikta zoz necu atidic dee.”

Roma 16:17

Gotonogga ki ngonogga tu̱we̱nta̱, kilalekkung kar icinnet ju̱rru̱m ol wak adiryung zoza baiza, anyaha ngero orgene cunno̱ng, kar bo̱do̱k ki̱ti̱tu̱ng tu̱ go̱o̱le̱ ci de̱mzi̱ne̱t ci tu̱we̱nto̱. A̱vvu̱t reena ngatinne̱ng.

1 Ko̱ri̱nto̱ 10:12

Ming i̱no̱n e̱e̱ti̱ azi ne okkomi enne tu̱we̱nta̱ kak, zuute ele ju̱rru̱m, gerza ming okko a̱yu̱we̱.

1 Ko̱ri̱nto̱ 8:9

Abunna zin ming egenyyu, u̱tu̱gu̱z kaal cik acinnu niga abunna ngatinno̱ng go̱o̱le̱ ci iróng anyike ol cik amuje o̱o̱tti̱ ku̱tu̱gu̱zzo̱ mu̱nye̱n.

2 Ko̱ri̱nto̱ 10:5

bak aditai zoz ci odonge nege e̱le̱tti̱ gon go̱o̱le̱ ci alame ol abunna iróng a̱gga̱ Ta̱mu̱ta̱dde̱n. Kommogta ol wak adangnyyet zo̱ze̱ ci Ta̱mu̱ta̱dde̱no̱ ko̱, kar zin ko̱to̱ngo̱o̱ltte̱ Ki̱ri̱sto̱.

Ga̱la̱ti̱a̱ 1:14

Ka̱gga̱ keer ci Ya̱u̱do̱ oroot kommog bu̱u̱l cigannik veelek. Kirezi keer ci ji̱ji̱ti̱ga̱nni̱k oroot.

Ga̱la̱ti̱a̱ 4:3

Kabak naga bu̱k go̱o̱le̱ neci baling ngen Ye̱su̱ ki̱ki̱ya̱. Kogonna ki dooli cikidik ke̱, ke̱e̱ggi̱n du̱cca̱k cik kanu kaal cik lo̱o̱tu̱.

Ga̱la̱ti̱a̱ 4:9

I̱yo̱ko̱ zin, a̱gga̱yyu̱ niga Ta̱mu̱ta̱dde̱n, abarik Ta̱mu̱ta̱dde̱n a̱gga̱yyu̱ng oroot, ma ngen a̱mi̱re̱nnu̱ ki vu̱rru̱t, izet bo̱do̱k du̱cca̱k wak lo̱ti̱nno̱u̱, iróng atin a̱ti̱ri̱zu̱ng.

Ga̱la̱ti̱a̱ 5:15

Ma̱i̱je̱ ming oronnu niga e̱le̱tti̱ne̱ adawanu gonoggu, u̱zu̱tte̱ e̱le̱tti̱, ma egerzannu gonoggu.

Evesos 2:2

Ogonnu kaal cik gerzek, annuyu olli lo̱o̱tu̱, irezzu lo̱rye̱ni̱t wa een alaan ci abal lo̱o̱c kaale do̱o̱k cik iróng nege irez Ta̱mu̱ta̱dde̱n.

Evesos 4:20

Abarik zin niga ngati Ki̱ri̱sto̱ ngen bali edemezit kaal cik ogon niko.

Evesos 5:6

Ma anyikku e̱e̱t imma kalabaung zo̱ze̱ ci iróng een de̱de̱. Eci Ta̱mu̱ta̱dde̱n abure nong zo̱ze̱ ci een volong, a̱kku̱ de̱zi̱ne̱t ci Ta̱mu̱ta̱dde̱no̱ i̱i̱na̱k e̱e̱t ci iróng o̱ngo̱o̱le̱ nonno ming ozoz zoz ci iróng een de̱de̱.

Vilipia 3:2

Egenyyit ngati ol cik gerzek ogon kiwagon urzi. Ogon nege mu̱nye̱n, irez te̱di̱ne̱t vi̱ca̱vi̱cce̱t cik ollu azi ne abunna ming amuda e̱e̱ti̱ ti̱ri̱ze̱ne̱t.

Kolosiya 2:18

Ma anyikku e̱e̱t imma ci ozoz volonga a̱ru̱k talaben ngati alawe anjilonya kar ka̱a̱nyu̱ng i̱ge̱t imiret zo̱ze̱ ci Ki̱ri̱sto̱. Imma e̱e̱ti̱ ci ogon niko oob ke̱ngti̱ cik zo̱zzo̱k ne̱k icin enne ko̱ oroot, kar kodong ele, kar kozoz darace.

Kolosiya 2:20

Urumteziu niga Ki̱ri̱sto̱ daize cinne, kar aarta e̱le̱tti̱ baize ci lo̱o̱tu̱ ko̱. Nya bo̱do̱k ming abakku ki ci ngen o̱ngo̱o̱li̱nnu̱ kaal cik lo̱o̱tu̱ ogon ki ne̱ko̱ ko̱:

Kolosiya 2:22

Ovvo kaala ne̱ko̱ do̱o̱k edeccai ngati a̱li̱ngli̱nge̱ ol, eci e̱e̱ggi̱n ne̱ko̱ do̱o̱k de̱mzi̱ne̱t ki lo̱ti̱nno̱k cik anyaha e̱e̱ti̱ ci diiri o̱o̱we̱ cinne.

Kolosiya 2:23

Ogon lo̱ti̱nno̱wa̱ ne̱ko̱ ki ci anyak genyiz, go̱o̱le̱ ci ommogek nege ol ki̱di̱ngdi̱nga̱ni̱t, ki ci a̱ru̱we̱ nege talaben azi ne ke̱e̱ggi̱nna̱ gunune, ki gool ci adimane nege e̱le̱tti̱ cigge̱k gerzet. Abarik i̱llo̱i̱ gi̱i̱ imma ci abunna kar kalamte zoz ci gerze amin zinin ci e̱e̱to̱.

1 Ti̱mo̱te̱yo̱ 6:20

Ti̱mo̱te̱yo̱, zuute zoz bali aanyi Ta̱mu̱ta̱dde̱n ke̱, bek ju̱rru̱m. Ma edeconik ta̱mu̱ta̱dde̱ne̱t wak zozak ki zoz wa volongo awu ol kize genyiz,

2 Ti̱mo̱te̱yo̱ 3:13

Ma̱i̱je̱ ol wak gerzek ki ol wak een volongnyok, gerza atin zoz cinne̱ng oroot, ovolongek ol kar bo̱do̱k ol kovolongttek nogo.

I̱bu̱ru̱ 13:9

Ma anyikku de̱mzi̱ne̱t ci aave do̱ kuwe o̱o̱tti̱ cuggo̱k. Anyik deten ci Ta̱mu̱ta̱dde̱no̱ ka̱a̱nyu̱ng komiz, iróng een ti̱lo̱wi̱ne̱t ci Musesi ko̱ icima á̱há̱t ci adakku kwo̱o̱ra̱ ko̱ ci a̱a̱nyu̱ng komiz, iróng á̱há̱ta̱ neci eelannung.

I̱bu̱ru̱ 3:12

Artta iin, gotonogga ki ngonogga, ma i̱zzo̱yu̱ mu̱nye̱n cik iróng a̱a̱nyu̱ng u̱tu̱we̱t Ta̱mu̱ta̱dde̱n bak a̱ti̱kku̱ tu̱.

1 Peturu 1:18

Eci a̱gga̱yyu̱ niga iróng Ta̱mu̱ta̱dde̱n eelanung ba̱li̱ye̱ baize ci gerze ji̱ji̱tu̱ggo̱k ke̱ kaale cik aditai ki i̱yo̱ko̱ o̱ro̱bi̱ya̱na̱ icima zu̱rte̱ne̱n cik een dhahab ko̱,

2 Peturu 3:17

Gotonogga ki ngonogga tu̱we̱nta̱, i̱yo̱ko̱ zin, eci niga a̱gga̱yyu̱ de̱mzi̱ne̱t ci ol wak e̱e̱ggi̱n volongnyok ko̱ la̱du̱n, abunna ming ebekku e̱le̱tti̱ ju̱rru̱m kar iróng nege alabanung i̱ge̱t kar urubta mu̱nye̱n cik ol wak abure Ta̱mu̱ta̱dde̱n bak kacin utuburtu tu̱we̱ne̱t cunno̱ng.

2 Jon 1:8

U̱zu̱tte̱ li̱ngli̱ngo̱n bali a̱li̱ngli̱ngnyu̱ niga ke̱. Ming u̱zu̱ttu̱, kar abunna atin a̱ma̱yu̱kku̱ng Ta̱mu̱ta̱dde̱n kar ka̱a̱nyu̱ng kaal cik orong enne ka̱a̱nyu̱ng i̱ge̱ta̱.