Kolosiya 2:4 - Tennet

⁴ Ka̱du̱wa̱kku̱ng zoz neci abunna iróng e̱e̱ti̱ imma alabanung zo̱ze̱ ci a̱lu̱te̱ nege ol dangonte ci okkomi.

Kolosiya 2:4 ပူးပေါင်းရင်းမြစ်များ

Ma̱te̱yo̱ 24:24

Eci a̱vvu̱ atin ol cik volongak azi ne ke̱e̱ggi̱nna̱ Ki̱ri̱sto̱, ovvo uggak azi ne ke̱e̱ggi̱nna̱ a̱ri̱tto̱k cik zoz ci Ta̱mu̱ta̱dde̱no̱, ovvo atin ogon kaal cik a̱vu̱la̱ abunna a̱lu̱t ol cik atahala Ta̱mu̱ta̱dde̱n, iróng zin uuta o̱o̱tti̱ cik ol ne̱ke̱.

Ma̱te̱yo̱ 24:4

Abariz Ye̱su̱: “Icinnet ju̱rru̱m, ma anyikku e̱e̱t imma ku̱lu̱ttu̱ng.

Marko 13:22

A̱vvu̱ atin Ki̱ri̱sto̱nya̱ cik iróng een de̱de̱ ki a̱ri̱tto̱k wak iróng een de̱de̱, ogon kaal cik a̱vu̱la̱ kar ku̱lu̱te̱t ol balik atahala Ta̱mu̱ta̱dde̱n ming amuda nege gool ci alabane nogo.

Buk wa To̱ni̱a̱u̱ 20:30

Anyak atin ol orgene cunno̱ng cik ovvo uhu zoz wa een de̱de̱ kize volong, kar ku̱lu̱te̱t ol cik Ta̱mu̱ta̱dde̱no̱.

1 Ko̱ri̱nto̱ 2:4

Okko zoz bali Ta̱mu̱ta̱dde̱no̱ kuwahekkung anna i̱ge̱t ke̱, iróng anyak genyiz ki zoz ci kommogekung zoz neci, abarik ka̱du̱wa̱kku̱ng go̱o̱le̱ ci doiz ci Vongiz ci A̱li̱le̱,

2 Ko̱ri̱nto̱ 11:3

Ma̱i̱je̱ i̱yo̱ko̱, ko̱ngo̱o̱le̱ anna alabanung atin uwat ki bali ming alaba ogonikket Eva, ngaa ci Adami nyaate ci een Eden ke̱. Kar i̱yo̱ko̱, ecebannung atin uwat o̱o̱tti̱ kar iróng ngen arikku zi̱nze̱tti̱ Ki̱ri̱sto̱ de̱de̱ ki ba̱li̱ye̱.

Ga̱la̱ti̱a̱ 2:4

Ize gerza zoz neci eci ol wak a̱ti̱yye̱ ol tu̱ i̱tto̱zzo̱ orgen cinna, a̱vvu̱ kize ro̱tto̱k, a̱ru̱k talaben, kar kicinnet baiz ci abunna kanyaka ngati ka̱tu̱yya̱ Ye̱su̱ Ki̱ri̱sto̱, abarik orong nege kutuhuyyet kizet du̱cca̱k.

Evesos 4:14

Abunna kabiliz baiz ci kabahe ki i̱yo̱ko̱ dooli cikidik ko̱. Gerza ming kelemi ol cik volongak kecebtaet o̱o̱tti̱ de̱mzi̱nte̱ cinne̱ng volongo. Ogon ki ngooti ci odong kaal okkoye gon ngati okkoye ngooti.

Evesos 4:17

Eci anna ke̱e̱ni̱ nuyait ci Manyi, ki̱lo̱tu̱ng oroot, ma ngen abakku ki ol wak iróng e̱e̱ggi̱n Ya̱u̱d a̱zze̱ o̱o̱tti̱ ki ol wak iróng a̱gga̱ Ta̱mu̱ta̱dde̱n.

Evesos 5:6

Ma anyikku e̱e̱t imma kalabaung zo̱ze̱ ci iróng een de̱de̱. Eci Ta̱mu̱ta̱dde̱n abure nong zo̱ze̱ ci een volong, a̱kku̱ de̱zi̱ne̱t ci Ta̱mu̱ta̱dde̱no̱ i̱i̱na̱k e̱e̱t ci iróng o̱ngo̱o̱le̱ nonno ming ozoz zoz ci iróng een de̱de̱.

Kolosiya 2:18

Ma anyikku e̱e̱t imma ci ozoz volonga a̱ru̱k talaben ngati alawe anjilonya kar ka̱a̱nyu̱ng i̱ge̱t imiret zo̱ze̱ ci Ki̱ri̱sto̱. Imma e̱e̱ti̱ ci ogon niko oob ke̱ngti̱ cik zo̱zzo̱k ne̱k icin enne ko̱ oroot, kar kodong ele, kar kozoz darace.

Kolosiya 2:8

Ka̱du̱wa̱kku̱ng, ebeit e̱le̱tti̱ ju̱rru̱m, kar i̱llo̱i̱ e̱e̱t imma ci alabanung genyize ci anyak volong a̱kku̱ ngati ol cik diirik, de̱mzi̱ne̱t ci olli lo̱o̱tu̱, iróng ozoz zoz ci obod ki Ki̱ri̱sto̱.

2 Ti̱mo̱te̱yo̱ 2:16

Ma i̱i̱zo̱ dangonet ci een li̱i̱k, eci zoz neci eceba ol o̱o̱tti̱ ki̱ti̱yye̱t tu̱ go̱o̱le̱ ci Ta̱mu̱ta̱dde̱no̱.

2 Ti̱mo̱te̱yo̱ 3:13

Ma̱i̱je̱ ol wak gerzek ki ol wak een volongnyok, gerza atin zoz cinne̱ng oroot, ovolongek ol kar bo̱do̱k ol kovolongttek nogo.

1 Jon 2:18

Izikto niga dooli wagannik tu̱we̱nta̱, i̱ki̱ya̱ ṯurnenet ci lo̱o̱tu̱. Iziktu niga ba̱li̱ye̱ zoz ci azi ne, a̱kku̱ atin mo̱dde̱nti̱ ci amarine Ki̱ri̱sto̱. I̱yo̱ko̱ zin i̱ye̱ltta̱i̱ mo̱ddo̱ cik Ki̱ri̱sto̱ cik meelek. Imma zin zo̱ze̱ neci ka̱gga̱ i̱ki̱ya̱ ṯurnenet ci lo̱o̱tu̱.

1 Jon 2:26

Keherakkung zin anna i̱ge̱t zoz necu, akati ol wak a̱ti̱kku̱ng tu̱.

1 Jon 4:1

Gotonogga ki ngonogga tu̱we̱nta̱, ma a̱tu̱yyu̱ zoz ci ol cik azi ne kanyaka Vongiz ci Ta̱mu̱ta̱dde̱no̱, abarik abunna ming atimanu vongizzok ming e̱e̱ggi̱n cik Ta̱mu̱ta̱dde̱no̱ de̱de̱, eci anyak a̱ri̱tto̱k cik meelek volongak i̱vi̱tta̱k lo̱o̱c cu.

2 Jon 1:7

Anyak volongnyok cik meelek azantozik lo̱o̱c, iróng nege elemi ming een Ye̱su̱ Ki̱ri̱sto̱ e̱e̱t ci diiri. A̱ti̱ye̱ nege ol tu̱, e̱e̱ggi̱n nege mo̱ddo̱ cik Ki̱ri̱sto̱.

O̱no̱zzo̱k 12:9

U̱ju̱ko̱zi̱k u̱ggu̱li̱ ci a̱ddi̱ki̱re̱ lo̱o̱c, awu ol nonno bu̱k azi ne uwat wa reeni icima lo̱rye̱n, icima Sitan, nonno ci a̱ti̱ye̱ lo̱o̱c do̱o̱k tu̱. U̱ju̱ke̱k Ta̱mu̱ta̱dde̱n nonno lo̱o̱c, ki anjilonya ciginnek bu̱k.

O̱no̱zzo̱k 13:8

Ovvo atin olli lo̱o̱tu̱ do̱o̱k a̱di̱ngdi̱nga̱n e̱le̱gi̱t, ol wak iróng zara cigge̱k e̱he̱rye̱ buwe ci rugeto baling ngen looci keteehenye, een bui necu ci Nyoon wa bali a̱ru̱we̱ ke̱.

O̱no̱zzo̱k 20:3

U̱ju̱ke̱k zin anjilo nonno lo̱o̱k neci wu̱u̱ni̱ ke̱, kar zin kunyug utug ci lo̱o̱k neci joorone, kar zin iróng Sitani bo̱do̱k a̱lu̱t olli lo̱o̱tu̱ zee kedeccai e̱rki̱to̱wa̱ i̱bbo̱ng co̱de̱. Baling utubte e̱rki̱to̱wa̱ ne̱ke̱, kar zin atin koogjai koto arrak do̱yo̱i̱t.

O̱no̱zzo̱k 20:8

Kar atin enne kuk ku̱lu̱t olli lo̱o̱tu̱, vatanine: i̱do̱, i̱do̱li̱ya̱, je̱e̱n, ki nyege cik lo̱o̱tu̱ e̱e̱ggi̱n we̱c. Okko alaba ciko Gog ki Magog kar kuwe illawa. E̱e̱ggi̱n nege koole ci atubo ki azac ti̱ti̱me̱ ci liil ci a̱ddi̱ki̱re̱.