Kolosiya 2:23 - Tennet

²³ Ogon lo̱ti̱nno̱wa̱ ne̱ko̱ ki ci anyak genyiz, go̱o̱le̱ ci ommogek nege ol ki̱di̱ngdi̱nga̱ni̱t, ki ci a̱ru̱we̱ nege talaben azi ne ke̱e̱ggi̱nna̱ gunune, ki gool ci adimane nege e̱le̱tti̱ cigge̱k gerzet. Abarik i̱llo̱i̱ gi̱i̱ imma ci abunna kar kalamte zoz ci gerze amin zinin ci e̱e̱to̱.

Kolosiya 2:23 ပူးပေါင်းရင်းမြစ်များ

Roma 13:14

Abarik abunna ming arikku baiz ci Manyi Ye̱su̱ Ki̱ri̱sto̱ zi̱nze̱tti̱ cuggo̱k, kar abait baiz ci abunna, ma i̱no̱nnu̱ kaal cik lo̱o̱tu̱ gerzek orong e̱le̱tti̱ cuggo̱k wak anyaha mu̱nye̱n.

Evesos 5:29

I̱llo̱i̱ zin e̱e̱t imma ci abure ele cinne manyi, abarik azunne ele cinne ju̱rru̱m, ki i̱yo̱ko̱ Ki̱ri̱sto̱ ming azunne ol wak a̱tu̱we̱,

Kolosiya 2:18

Ma anyikku e̱e̱t imma ci ozoz volonga a̱ru̱k talaben ngati alawe anjilonya kar ka̱a̱nyu̱ng i̱ge̱t imiret zo̱ze̱ ci Ki̱ri̱sto̱. Imma e̱e̱ti̱ ci ogon niko oob ke̱ngti̱ cik zo̱zzo̱k ne̱k icin enne ko̱ oroot, kar kodong ele, kar kozoz darace.

Kolosiya 2:22

Ovvo kaala ne̱ko̱ do̱o̱k edeccai ngati a̱li̱ngli̱nge̱ ol, eci e̱e̱ggi̱n ne̱ko̱ do̱o̱k de̱mzi̱ne̱t ki lo̱ti̱nno̱k cik anyaha e̱e̱ti̱ ci diiri o̱o̱we̱ cinne.

Kolosiya 2:8

Ka̱du̱wa̱kku̱ng, ebeit e̱le̱tti̱ ju̱rru̱m, kar i̱llo̱i̱ e̱e̱t imma ci alabanung genyize ci anyak volong a̱kku̱ ngati ol cik diirik, de̱mzi̱ne̱t ci olli lo̱o̱tu̱, iróng ozoz zoz ci obod ki Ki̱ri̱sto̱.

1 Ti̱mo̱te̱yo̱ 4:3

Edemez nege ol azi ne gerza rucenet, kar bo̱do̱k ma adakku da̱i̱ne̱t u̱gge̱. Abarik ka̱gga̱ eenycak Ta̱mu̱ta̱dde̱n da̱i̱ne̱t ne̱ke̱ ol cik diirik kar ol wak a̱tu̱we̱ a̱gga̱ zoz ci een de̱de̱ ko̱, ka̱gga̱mta̱ ngati anyike nonno zany.

1 Ti̱mo̱te̱yo̱ 4:8

Ming edemezi i̱nna̱ vi̱ra̱ ele abunna oroot, imma de̱mzi̱ne̱t baiz ci Ta̱mu̱ta̱dde̱no̱ eelannet go̱o̱lo̱we̱ cik meelek. Anyak baizi ci Ta̱mu̱ta̱dde̱no̱ bunnat oroot, eci aanyyet i̱yo̱ko̱ baiz ci abunna ki ci atin reena.