Kolosiya 2:19 - Tennet

¹⁹ Okko e̱e̱ti̱ ci ogon niko ko̱, iróng enne ngen arume ki Ki̱ri̱sto̱ wa een oo ngati ol wak a̱tu̱ nonno ko̱ do̱o̱k. Kar ele do̱o̱k ka̱gga̱mo̱zi̱k oo, kaanyik ele kurumte nga̱to̱de̱, kar Ta̱mu̱ta̱dde̱n kaanyik kitilizet ki ci orong enne.

Kolosiya 2:19 ပူးပေါင်းရင်းမြစ်များ

Lu̱ka̱ 5:38

A̱zze̱to̱, anyik merte ci een jor ku̱du̱to̱zi̱k í̱jjó̱ ci een jor.

Kaviyak wak Abunna Ta̱mu̱ta̱dde̱no̱ eher Joni 17:21

kar nege do̱o̱k kurumte ko̱do̱ye̱, Baba ki i̱yo̱ko̱ ming ko̱do̱ye̱ anna ki i̱nne̱t ko̱. Iróng ucca nege bu̱k o̱do̱ye̱ kar ol cik lo̱o̱tu̱ ko̱ kelemit ming een i̱nne̱t ci da̱ i̱tto̱na̱na̱ annit!

Buk wa To̱ni̱a̱u̱ 4:32

O̱do̱ye̱ da̱ ol wak a̱tu̱we̱ zi̱nze̱tti̱ cigge̱k ne ṯok. I̱llo̱i̱ rok e̱e̱t co̱de̱ ci azi ne, een ba̱li̱ye̱ i̱jjo̱ ne̱ke̱ ciginnek, abarik nege ozol kaal cik anyak do̱o̱k.

Roma 11:17

Ming u̱du̱lte̱ alawo uggak cik keet ci i̱ngi̱ro̱u̱, ogon olli Ya̱u̱do̱ ki alawo wak ettedonik tu̱. Ovvo zin alawo wak alize ko̱, aragiz gonoggi u̱tu̱gu̱zzo̱ nege ki ol wak iróng een Ya̱u̱d, i̱yo̱ko̱ zin, u̱mu̱dda̱ ma̱yu̱we̱ne̱t keete necu nege bu̱k,

1 Ko̱ri̱nto̱ 1:10

Kilalekkung gotonogga ki ngonogga tu̱we̱nta̱, zare cik Manyitinna Ye̱su̱ Ki̱ri̱sto̱, abunna ming owowonu niga do̱o̱k kar ki̱zzi̱ zoz ci anyaha ngero orgen cunno̱ng kar abait baiz ngati arumenu nga̱to̱de̱ ki i̱no̱ni̱ co̱de̱.

1 Ko̱ri̱nto̱ 11:3

I̱yo̱ko̱ zin, korongi ku̱du̱wa̱u̱ng, Ki̱ri̱sto̱ ci abal ol cik macik do̱o̱k, okko e̱e̱ti̱ ci maci abal ngaa, ma̱i̱je̱ Ta̱mu̱ta̱dde̱n nonno ci abal Ki̱ri̱sto̱.

1 Ko̱ri̱nto̱ 3:6

Kirira ba̱li̱ye̱ anna ma̱na̱, okko Apollosi a̱ddu̱te̱k maam, ma̱i̱je̱ Ta̱mu̱ta̱dde̱n anyak li̱ngli̱ngo̱n ci riili oroot, eci enne aanyik ma̱na̱ kitiliz.

Evesos 1:22

Aanyik Ta̱mu̱ta̱dde̱n Ki̱ri̱sto̱ kabal kaal do̱o̱k, adima zin Ye̱su̱ kize alaan ci a̱ddi̱ki̱re̱ ngati ol wak ke̱le̱ci̱a̱k a̱tu̱ nonno do̱o̱k.

Evesos 1:23

E̱e̱ggi̱n ol wak a̱tu̱we̱ ke̱le̱ci̱a̱ ko̱ ele ci Ki̱ri̱sto̱, abak enne ngatinne̱ng, aanyik enne nogo doiz cinne, nonno zin ci adiman kaal do̱o̱k kubunnta.

Evesos 2:21

Imma niga ol wak a̱tu̱yyu̱ Ta̱mu̱ta̱dde̱n ki Ki̱ri̱sto̱, urumteu izetu ol co̱de̱ kar zin a̱gga̱mi̱t Ce̱e̱z wa Ta̱mu̱ta̱dde̱no̱ kokkom kak ki i̱yo̱ko̱ biyena ne̱k eenyce ol ce̱e̱z ko̱, kar izet niga e̱le̱tti̱ne̱ ce̱e̱z ci Manyi a̱li̱le̱.

Evesos 4:3

U̱tu̱gu̱z kaal do̱o̱k ju̱rru̱m kar Vongizi ci Ta̱mu̱ta̱dde̱no̱ ka̱a̱nyu̱ng zi̱nze̱tti̱ cik abakku nga̱to̱de̱. U̱tu̱gu̱z zoz necu ngati abakku labak.

Evesos 5:29

I̱llo̱i̱ zin e̱e̱t imma ci abure ele cinne manyi, abarik azunne ele cinne ju̱rru̱m, ki i̱yo̱ko̱ Ki̱ri̱sto̱ ming azunne ol wak a̱tu̱we̱,

Vilipia 1:27

Ming i̱na̱ku̱ng no̱ngi̱tto̱na̱ uggak, abait baiz ci abunna anyahak bunnat kaviyaha cik Ki̱ri̱sto̱. Ming ki̱vo̱nnu̱ng icima iróng ka̱kku̱ni̱, ka̱gga̱ atin anna abakku niga baiz ju̱rru̱m nga̱to̱de̱, okkomnu kak, ogon ki e̱e̱ti̱ co̱de̱ ming a̱tu̱ kaviyak cik abunna.

Kolosiya 1:10

Kalayya Ta̱mu̱ta̱dde̱n kar niga abait baiz ci abunna orong Manyi, kar enne katalo kaale cik ogonnu niga do̱o̱k: Anyak zoz ci a̱li̱ngli̱ngnyu̱ niga kaale cik abunna, amudannu zoz ci a̱gga̱yyu̱ Ta̱mu̱ta̱dde̱n ju̱rru̱m.

Kolosiya 1:18

Kar zin i̱yo̱ko̱, nonno ci een oo ci eliyo veelek ki ke̱le̱ci̱a̱; nonno ci akanane kaala kar kize a̱bu̱ ci ol cik a̱da̱i̱to̱, kar enne kanyak doiz ci abale kaal do̱o̱k.

Kolosiya 2:2

Korongi anna ki̱ti̱lo̱ nogo kokkomit zi̱nze̱tti̱ kar urumte nga̱to̱de̱ rezinta, kar zin anyait genyiz ci a̱gga̱yyu̱ zoz ju̱rru̱m, kar a̱gga̱c zoz ci Ta̱mu̱ta̱dde̱no̱ a̱lu̱gnye̱ ci een Ki̱ri̱sto̱ ele.

1 Te̱se̱lo̱ni̱ka̱ 3:12

Kala bo̱do̱k Manyi Ye̱su̱ kar ka̱a̱nyu̱ng irezzit e̱le̱tti̱ cuggo̱k ki ol do̱o̱k oroot ki i̱yo̱ko̱ ming kirezzung ko̱.

1 Te̱se̱lo̱ni̱ka̱ 4:10

Irezttu de̱de̱ gotonogget ki ngonogget tu̱we̱nta̱ wak abak lo̱o̱ce̱ ci een Macedonia veelek. Ngen naga kilalekkung dee kar otortek rezinet neci kize a̱ppwa̱.

2 Te̱se̱lo̱ni̱ka̱ 1:3

Gotonogga ki ngonogga tu̱we̱nta̱, kaanyika Ta̱mu̱ta̱dde̱n zany ngati a̱tu̱we̱nu̱ kar bo̱do̱k rezinet ci irezonnu e̱le̱tti̱ ju̱rru̱m.

1 Peturu 3:8

I̱yo̱ko̱ zin, abunna niga do̱o̱k ming elemannu zoz necu. Irezit e̱le̱tti̱ kiwagon gotonoggeti ki ngonogget wak a̱tu̱we̱, izet ol cik i̱rrke̱nu̱, ma odongnyu e̱le̱tti̱ ciggo̱k.

2 Peturu 3:18

Abarik e̱me̱dda̱ niga abait baiz ci abunna gi̱i̱ye̱ wa a̱a̱nyu̱ng Manyitinna Ti̱ri̱zo̱i̱t Ye̱su̱ Ki̱ri̱sto̱ i̱ge̱t deten cinne ki zoz ci a̱gga̱yyu̱ nonno. Abunna ka̱di̱ngdi̱nga̱n zar cik Manyi udut. Nonno nenen.