Kolosiya 2:18 - Tennet

¹⁸ Ma anyikku e̱e̱t imma ci ozoz volonga a̱ru̱k talaben ngati alawe anjilonya kar ka̱a̱nyu̱ng i̱ge̱t imiret zo̱ze̱ ci Ki̱ri̱sto̱. Imma e̱e̱ti̱ ci ogon niko oob ke̱ngti̱ cik zo̱zzo̱k ne̱k icin enne ko̱ oroot, kar kodong ele, kar kozoz darace.

Kolosiya 2:18 ပူးပေါင်းရင်းမြစ်များ

Kananet 3:13

Iizek zin Manyi Ta̱mu̱ta̱dde̱n ngaa ne, “Nya ming ogoni niko ko̱?” O̱bo̱de̱k zin bo̱do̱k ngaa Ta̱mu̱ta̱dde̱n a̱nne̱k ne, “Uwat ci alabekan kar kadak o̱ya̱u̱ cik keet neci.”

Ma̱te̱yo̱ 24:24

Eci a̱vvu̱ atin ol cik volongak azi ne ke̱e̱ggi̱nna̱ Ki̱ri̱sto̱, ovvo uggak azi ne ke̱e̱ggi̱nna̱ a̱ri̱tto̱k cik zoz ci Ta̱mu̱ta̱dde̱no̱, ovvo atin ogon kaal cik a̱vu̱la̱ abunna a̱lu̱t ol cik atahala Ta̱mu̱ta̱dde̱n, iróng zin uuta o̱o̱tti̱ cik ol ne̱ke̱.

Roma 1:25

Eci utuhuwet nege zoz ci Ta̱mu̱ta̱dde̱no̱ wa een de̱de̱ kize volong, ala kaal wak eenyca Ta̱mu̱ta̱dde̱n, abarik weda nege innat Manyi udut. Nonno nenen.

Roma 16:18

Iróng ol ne̱k ogon niko ko̱ a̱li̱ngli̱nge̱k Manyitinna Ki̱ri̱sto̱, abarik a̱li̱ngli̱ng gi̱i̱ ci orong zi̱nze̱tti̱ cigge̱k. A̱lu̱t ol zo̱ze̱ ci a̱ru̱we̱ nege muluk lo̱o̱c kar ku̱lu̱te̱t ol wak iróng a̱gga̱ zoz.

1 Ko̱ri̱nto̱ 13:4

Ming anyak e̱e̱ti̱ rezinet zinina, rezinet ci aanyik zinin ci e̱e̱to̱ kalal, een rezinet bunnat. Iróng rezinet aanyik e̱e̱t kaarik zinin cinne kaal cik ollu, okko e̱e̱ti̱ ci anyak rezinet, iróng odong ele icima a̱ppi̱k ele.

1 Ko̱ri̱nto̱ 3:3

Ngen zin niga abakku baiz ci olli lo̱o̱tu̱, eci ngen anyakku meder, adangonu e̱le̱tti̱ne̱ cuggo̱k. Imma zin go̱o̱le̱ necu abakku ko̱, o̱do̱wi̱nu̱ niga ki olli lo̱o̱tu̱. Ogonnu kaal cik ogon olli lo̱o̱tu̱.

1 Ko̱ri̱nto̱ 4:18

Izeto ol uggak ngatinno̱ng moote, ogon ki ci iróng atin anna ka̱kku̱na̱ku̱ng.

1 Ko̱ri̱nto̱ 4:6

I̱yo̱ko̱, gotonogga ki ngonogga tu̱we̱nta̱, kozozi anna zoz ci obod ki ele cinanni ki Apollos, eci korongnyung i̱ge̱t a̱gga̱c ke̱ngti̱ cik zo̱zzo̱k cik ka̱du̱wa̱ anna ko̱ ju̱rru̱m, kar zin a̱gga̱c keng ci zoz cu, “Unuwet lo̱ti̱nno̱k cik e̱he̱rye̱ ko̱.” Kar atin iróng odongnyu e̱le̱tti̱ zo̱ze̱ ci e̱e̱t co̱de̱ kommog gooni co̱de̱ ke̱.

1 Ko̱ri̱nto̱ 8:1

Korongi ku̱du̱wa̱u̱ng zoz ci obod ki da̱i̱ne̱t wak aanyik ol ta̱mu̱ta̱dde̱ne̱t wak adimanai azzine. Ka̱gga̱ naga do̱o̱k kanyak naga genyiz. Aanyyet genyizi kodongit e̱le̱tti̱. Ma̱i̱je̱ rezinet aanyyet ka̱vvu̱t labak kodoit kak.

1 Ko̱ri̱nto̱ 9:24

A̱gga̱yyu̱ niga ming ovvo ol a̱vi̱ri̱, a̱vi̱r ol do̱o̱k, okko zin e̱e̱ti̱ co̱de̱ ijar ol do̱o̱k. Imma zin bu̱k go̱o̱le̱ necu abunna ming a̱vi̱ri̱ kar ize oo kar ruba muci.

2 Ko̱ri̱nto̱ 11:3

Ma̱i̱je̱ i̱yo̱ko̱, ko̱ngo̱o̱le̱ anna alabanung atin uwat ki bali ming alaba ogonikket Eva, ngaa ci Adami nyaate ci een Eden ke̱. Kar i̱yo̱ko̱, ecebannung atin uwat o̱o̱tti̱ kar iróng ngen arikku zi̱nze̱tti̱ Ki̱ri̱sto̱ de̱de̱ ki ba̱li̱ye̱.

2 Ko̱ri̱nto̱ 12:20

Abile zinin je̱e̱na̱, ming kokko anna keronakkung, kamudannung iróng ol uggak abak baiz ci korongi anna. Ko̱ngo̱o̱le̱ anyak ol u̱gge̱ ngatinno̱ng cik adang e̱le̱tti̱, icima een mederyok, icima adunye zi̱nze̱tti̱, icima irez e̱le̱tti̱ cigge̱k do̱, icima ozoz ol, icima odom ol u̱gge̱. Odong uggak e̱le̱tti̱, ovvo uggak ogon kaal cabak.

Evesos 4:17

Eci anna ke̱e̱ni̱ nuyait ci Manyi, ki̱lo̱tu̱ng oroot, ma ngen abakku ki ol wak iróng e̱e̱ggi̱n Ya̱u̱d a̱zze̱ o̱o̱tti̱ ki ol wak iróng a̱gga̱ Ta̱mu̱ta̱dde̱n.

Evesos 5:6

Ma anyikku e̱e̱t imma kalabaung zo̱ze̱ ci iróng een de̱de̱. Eci Ta̱mu̱ta̱dde̱n abure nong zo̱ze̱ ci een volong, a̱kku̱ de̱zi̱ne̱t ci Ta̱mu̱ta̱dde̱no̱ i̱i̱na̱k e̱e̱t ci iróng o̱ngo̱o̱le̱ nonno ming ozoz zoz ci iróng een de̱de̱.

Vilipia 3:14

I̱yo̱ko̱ zin ka̱vi̱ri̱ anna kokko rugeta, kar atin kuruba muci ci awuya Ta̱mu̱ta̱dde̱n ta̱mu̱-kenga zo̱ze̱ ci Ye̱su̱ Ki̱ri̱sto̱.

Kolosiya 2:23

Ogon lo̱ti̱nno̱wa̱ ne̱ko̱ ki ci anyak genyiz, go̱o̱le̱ ci ommogek nege ol ki̱di̱ngdi̱nga̱ni̱t, ki ci a̱ru̱we̱ nege talaben azi ne ke̱e̱ggi̱nna̱ gunune, ki gool ci adimane nege e̱le̱tti̱ cigge̱k gerzet. Abarik i̱llo̱i̱ gi̱i̱ imma ci abunna kar kalamte zoz ci gerze amin zinin ci e̱e̱to̱.

Kolosiya 2:4

Ka̱du̱wa̱kku̱ng zoz neci abunna iróng e̱e̱ti̱ imma alabanung zo̱ze̱ ci a̱lu̱te̱ nege ol dangonte ci okkomi.

Kolosiya 2:8

Ka̱du̱wa̱kku̱ng, ebeit e̱le̱tti̱ ju̱rru̱m, kar i̱llo̱i̱ e̱e̱t imma ci alabanung genyize ci anyak volong a̱kku̱ ngati ol cik diirik, de̱mzi̱ne̱t ci olli lo̱o̱tu̱, iróng ozoz zoz ci obod ki Ki̱ri̱sto̱.

1 Ti̱mo̱te̱yo̱ 1:7

Orong kizeto de̱me̱zzo̱k cik lo̱ti̱nno̱k cik Musesi, iróng zin nege e̱le̱tti̱ne̱ a̱gga̱ zo̱zzo̱k cik a̱du̱wa̱ ko̱, iróng bo̱do̱k a̱gga̱ u̱nge̱tti̱ cik de̱mzi̱ne̱t neci.

1 Ti̱mo̱te̱yo̱ 4:1

U̱du̱wa̱ Vongizi ci A̱li̱le̱ zoz de̱de̱, anyak atin vu̱rrta̱ ol cik odotik lo̱o̱c de̱mzi̱ne̱t ci a̱tu̱we̱ ol Ye̱su̱ ki Ta̱mu̱ta̱dde̱n, abarik ovvo azunne de̱mzi̱ne̱t ci een volong anyaha kuulo cik lo̱rye̱nta̱k.

2 Peturu 2:14

I̱no̱n nege zoz ci gerze orongit kimice ngaai, ovvo ngaai orong ol cik macik. Orong ku̱lu̱ta̱ ol cik amuje o̱o̱tti̱. Abbize zi̱nze̱tti̱ cigge̱k gerziten do̱ niko.

1 Jon 2:26

Keherakkung zin anna i̱ge̱t zoz necu, akati ol wak a̱ti̱kku̱ng tu̱.

O̱no̱zzo̱k 12:9

U̱ju̱ko̱zi̱k u̱ggu̱li̱ ci a̱ddi̱ki̱re̱ lo̱o̱c, awu ol nonno bu̱k azi ne uwat wa reeni icima lo̱rye̱n, icima Sitan, nonno ci a̱ti̱ye̱ lo̱o̱c do̱o̱k tu̱. U̱ju̱ke̱k Ta̱mu̱ta̱dde̱n nonno lo̱o̱c, ki anjilonya ciginnek bu̱k.

O̱no̱zzo̱k 13:14

Ma̱rri̱t enne ogon kaal cik a̱vu̱la̱, anyozik zin nonno komizi ci ogone kaal zare cik e̱le̱gi̱t bali o̱o̱wu̱ ke̱, u̱lu̱t zin enne olli lo̱o̱tu̱. Kar ku̱du̱wa̱k ol kokovanta ngu̱m ci e̱le̱gto̱ biya kize gool ci o̱ngo̱o̱li̱nne̱ nege nonno, e̱le̱gi̱t bali abucane nyazuwata ke̱, imma ngatu ngen aruge dee.

O̱no̱zzo̱k 13:8

Ovvo atin olli lo̱o̱tu̱ do̱o̱k a̱di̱ngdi̱nga̱n e̱le̱gi̱t, ol wak iróng zara cigge̱k e̱he̱rye̱ buwe ci rugeto baling ngen looci keteehenye, een bui necu ci Nyoon wa bali a̱ru̱we̱ ke̱.

O̱no̱zzo̱k 19:10

Imma ngatu kakateya anna nonno u̱zu̱ngti̱nne̱ zoone ciginnek kar ki̱di̱ngdi̱nga̱n nonno. Ma̱i̱je̱ enne a̱nne̱ka̱ ne, “Ma ogoni niko! Ke̱e̱ni̱ anna du̱ca̱i̱t ki i̱nne̱t ki gonoggu wak a̱gga̱m zoz ci Ye̱su̱. Di̱ngdi̱nga̱n Ta̱mu̱ta̱dde̱n do̱ niko! Eci zoz ci obod ki Ye̱su̱ ko̱ ci ozoz a̱ri̱tto̱wa̱ ko̱.”

O̱no̱zzo̱k 3:11

Ka̱kku̱ni̱ anna ataman. U̱zu̱tte̱ zoz ci anyakku niga ko̱, kar atin iróng e̱e̱ti̱ imma okkoye lulukwa cuggo̱k alaanzetinu.