Kolosiya 2:16 - Tennet

¹⁶ I̱yo̱ko̱ zin, ma anyikku e̱e̱t imma kettedeung zoz zo̱ze̱ ci obod ki da̱i̱ne̱t cik adakku icima kaal cik auddu, icima zoz ci obod ki kwo̱o̱rnya̱ cik Ya̱u̱do̱, icima i̱i̱te̱n ci iyowane nyelowi jor icima I̱i̱te̱n wa Yu̱bze̱nto̱.

Kolosiya 2:16 ပူးပေါင်းရင်းမြစ်များ

Ma̱te̱yo̱ 15:11

Iróng da̱i̱ne̱t cik adak e̱e̱ti̱ ko̱, cik aanyik e̱e̱t kize gerza icima kize ngoronya, abarik zoz ci iyowa utuge ci e̱e̱to̱ ko̱ ci anyike e̱e̱t kize gerza icima kize ngoronya ngu̱me̱ ci Ta̱mu̱ta̱dde̱no̱.”

Marko 7:19

Eci iróng gi̱i̱ neci okko zinine cinne, abarik okko kenga kar kiyowa eliye cinne.” Ma baling u̱du̱wa̱ zoz necu, ozorowozik Ye̱su̱ zoz ize ne, “Caale da̱i̱ne̱t do̱o̱k.”

Buk wa To̱ni̱a̱u̱ 15:20

Abarik ku̱du̱kta̱k nogo gerza ming adak da̱i̱ne̱t cik aanyik ol to̱do̱yyo̱k ki bo̱do̱k a̱li̱ya̱kze̱t, ki da̱i̱ne̱t e̱le̱gi̱t ci adale icima ci anyak bi̱ye̱.

Roma 14:10

I̱nne̱t ele, nya ming apahek i̱nna̱ gonoggu wak a̱tu̱we̱ ki i̱nna̱ zoz ko̱? Icima nya ming ibbezi i̱nna̱ goonu? A̱kku̱ atin i̱i̱te̱ni̱ ci kovvo naga do̱o̱k kabile ngu̱me̱ ci Ta̱mu̱ta̱dde̱no̱, kar kapahekket agit do̱o̱k lo̱ki̱ko̱.

Ga̱la̱ti̱a̱ 4:10

Nya ming adakku kwo̱o̱r ci Ya̱u̱do̱ nyelowine, icima e̱rki̱nya̱i̱, icima lo̱lo̱yo̱we̱ ko̱?

Kolosiya 2:20

Urumteziu niga Ki̱ri̱sto̱ daize cinne, kar aarta e̱le̱tti̱ baize ci lo̱o̱tu̱ ko̱. Nya bo̱do̱k ming abakku ki ci ngen o̱ngo̱o̱li̱nnu̱ kaal cik lo̱o̱tu̱ ogon ki ne̱ko̱ ko̱:

I̱bu̱ru̱ 13:9

Ma anyikku de̱mzi̱ne̱t ci aave do̱ kuwe o̱o̱tti̱ cuggo̱k. Anyik deten ci Ta̱mu̱ta̱dde̱no̱ ka̱a̱nyu̱ng komiz, iróng een ti̱lo̱wi̱ne̱t ci Musesi ko̱ icima á̱há̱t ci adakku kwo̱o̱ra̱ ko̱ ci a̱a̱nyu̱ng komiz, iróng á̱há̱ta̱ neci eelannung.

I̱bu̱ru̱ 9:10

Eci gool ci unuk ogone nege kaal ko̱ een da̱i̱ne̱t, ki gool ci aburuce nege e̱le̱tti̱. Ogon nege kaal ne̱ko̱ zee ki̱ki̱ya̱ i̱i̱te̱ni̱ ci een jor ming okko Ye̱su̱ anyaha olom ci een jor, kar ku̱tu̱gu̱zzo̱ keer neci go̱o̱le̱ ci aave do̱.

Je̱mi̱s 4:11

Gotonogga ki ngonogga tu̱we̱nta̱, ma ozozu gonoggu gerzet. Ming ozoz e̱e̱ti̱ imma gooni gerzet icima apahek nonno lo̱ki̱ko̱, abarik ozoz enne gerzet zo̱ze̱ ci lo̱ti̱nno̱k kar kapahek lo̱ki̱ko̱. Ming apahek i̱nna̱ lo̱ki̱ko̱ lo̱ti̱nno̱k, iróng i̱nna̱ azunne nogo, abarik i̱nna̱ odongi ele ngati lo̱ti̱nno̱k ne̱ke̱.