Kolosiya 2:12 - Tennet

¹² Eci ogon ki ci a̱da̱yo̱zi̱u̱ng ol lo̱o̱k ki bali Ki̱ri̱sto̱ ngati a̱gga̱mnyu̱ niga ba̱ti̱ti̱mo̱, kar itingta ki nonno daiza tu̱we̱nta̱ doize ci Ta̱mu̱ta̱dde̱no̱ bali ingane nonno daiza ke̱.

Kolosiya 2:12 ပူးပေါင်းရင်းမြစ်များ

Lu̱ka̱ 17:5

A̱nne̱k to̱ni̱a̱ha̱ Manyi ne, “Anyik tu̱we̱ne̱t cinna kize a̱ppwa̱!”

Buk wa To̱ni̱a̱u̱ 14:27

Baling a̱ra̱yya̱ nege Antiyok, u̱tu̱yya̱ ol wak a̱tu̱we̱ do̱o̱k kar ku̱du̱kta̱k kaal cik u̱tu̱gu̱we̱k Ta̱mu̱ta̱dde̱n nogo ki bo̱do̱k ol wak iróng een Ya̱u̱d u̱tu̱we̱t Ye̱su̱.

Buk wa To̱ni̱a̱u̱ 2:24

Abarik zin Ta̱mu̱ta̱dde̱n itingai nonno daiza, aara wu̱ce̱z ci daizo ngatinne, eci daizi iróng anyak doiz ci a̱gga̱me̱ nonno.

Buk wa To̱ni̱a̱u̱ 2:32

Itingawe zin Ta̱mu̱ta̱dde̱n Ye̱su̱ daiza de̱de̱. I̱yo̱ko̱ zin naga do̱o̱k kizetta bbacak zo̱ze̱ necu.

Roma 4:24

abarik Ta̱mu̱ta̱dde̱n elemnyet kizet ol cik abunna ming karike naga nonno zinin, e̱e̱t bali ingane Manyitinna Ye̱su̱ Ki̱ri̱sto̱ daiza.

Roma 7:4

Gotonogga ki ngonogga tu̱we̱nta̱, aave baizi ci ogon niko bu̱k ngatinno̱ng. Iróng lo̱ti̱nno̱wa̱ bo̱do̱k anyak ngatinno̱ng komiz ci kar kabalung, eci bali a̱da̱kne̱ Ye̱su̱ ke̱, ogon ki i̱yo̱ko̱ bu̱k a̱da̱kttu̱ niga ki nonno lo̱ti̱nno̱we̱. Anyakku zin niga gool ci arumenu ki Ki̱ri̱sto̱ bali ingazi daiza kurug ke̱, abunna zin ka̱li̱ngli̱nge̱k Ta̱mu̱ta̱dde̱n.

1 Ko̱ri̱nto̱ 12:13

Kogon naga bu̱k niko. A̱gga̱mto̱zi̱k ba̱li̱ye̱ ol ba̱ti̱ti̱mo̱ Vongize co̱de̱ ki ele co̱de̱, ming e̱e̱ggi̱nnu̱ Ya̱u̱d icima Gi̱ri̱k, ol cik e̱e̱ggi̱n du̱cca̱k icima ol cik iróng e̱e̱ggi̱n du̱cca̱k. Abarik Vongizi ci Ta̱mu̱ta̱dde̱no̱ a̱gga̱me̱t ba̱ti̱ti̱mo̱ eliye ci Ki̱ri̱sto̱, Vongize co̱de̱. I̱yo̱ko̱ kaude naga do̱o̱k Vongize co̱de̱.

1 Ko̱ri̱nto̱ 15:20

Abarik itingawe Ta̱mu̱ta̱dde̱n Ki̱ri̱sto̱ de̱de̱ daiza. I̱ye̱le̱kke̱t ingazi atin ol balik a̱da̱i̱to̱ ke̱ daiza bu̱k kuruget.

Ga̱la̱ti̱a̱ 3:27

Ming a̱gga̱mtta̱u̱ ba̱ti̱ti̱mo̱, izetu ol cik Ki̱ri̱sto̱, u̱tu̱gu̱zzu̱ ki enne, ogon ki ci aim e̱e̱ti̱ ru̱u̱m ci een jor.

Evesos 2:8

Kar zin zo̱ze̱ necu, urubtau niga ruget bunnate ci Ta̱mu̱ta̱dde̱no̱ tu̱we̱nta̱, nonno ci a̱ti̱ri̱zu̱ng oroot kommog baiz cunno̱ng. Een necu muci ci Ta̱mu̱ta̱dde̱no̱ ci aanyik e̱e̱t ci diiri, iróng aanyik go̱o̱le̱ ci ogone e̱e̱ti̱ kaal.

Evesos 3:17

Kar zin bu̱k Ki̱ri̱sto̱ kabak zi̱nze̱tti̱nne̱ cuggo̱k zo̱ze̱ ci a̱tu̱yyu̱ niga nonno. Inimet no̱ngi̱tto̱n kar anyait rezinet cinne.

Evesos 3:7

Imma anna bunnate ci a̱ddi̱ki̱re̱ Ta̱mu̱ta̱dde̱no̱ aanya enne ko̱, kiize du̱ca̱i̱t ci kar kuwahek ol kaviyak cik abunna. Aanya enne annit doiz kar ki̱li̱ngli̱ng li̱ngli̱ngo̱n necu.

Evesos 4:5

Anyakku niga Manyi co̱de̱ ṯok niko, ki tu̱we̱ne̱t co̱de̱, ki ba̱ti̱ti̱mo̱ co̱de̱.

Evesos 5:14

Eci vooriteni aanyik kaal do̱o̱k ki̱ye̱lta̱i̱. Zoz zin ci u̱du̱ya̱i̱ azi ne: “Tinga je̱e̱na̱ i̱nna̱ e̱e̱ti̱ ci adungi ko̱, tinga daiza, kar atin vooriten ci Ki̱ri̱sto̱ kataranin.”

Vilipia 1:29

A̱a̱nyu̱ng enne baiz ci ogon niko zo̱ze̱ ci Ki̱ri̱sto̱, ma a̱tu̱yyu̱ nonno do̱ niko, abarik bo̱do̱k amudannu atin pirnanet zo̱ze̱ cinne,

Kolosiya 1:29

Kar atin zoz necu ku̱tu̱gu̱we̱, kokko anna kapirna, kar ki̱li̱ngli̱ng oroot doize ci aanya enne annita.

Kolosiya 2:13

U̱tu̱gu̱zzu̱ niga ba̱li̱ye̱ ki ol cik a̱da̱i̱to̱ mu̱nye̱ne̱ cuggo̱k, ogonnu niga ki ci ngen mu̱nye̱na̱ cuggo̱k kaartai, a̱a̱nyu̱ng zin Ta̱mu̱ta̱dde̱n ruget zo̱ze̱ ci Ki̱ri̱sto̱. Alalek enne mu̱nye̱n cigga̱c agit do̱o̱k.

I̱bu̱ru̱ 12:2

Abunna karike zi̱nze̱tti̱ do̱o̱k Ye̱su̱ wa anyahakket tu̱we̱ne̱t kar kidiman tu̱we̱ne̱t cinna kubunna ju̱rru̱m. Eci enne ere talninet ci okko enne a̱ti̱ri̱ze̱t agita, inim zin enne daiz keete ci een ta̱la̱ke̱c zo̱ze̱ ci talninet neci, iróng enne ngen o̱ngo̱o̱le̱ gi̱i̱ imma. I̱yo̱ko̱ aanyik Ta̱mu̱ta̱dde̱n nonno ka̱vvu̱ ngatinne a̱tte̱ ci a̱zzo̱ ta̱mu̱-kenga.

I̱bu̱ru̱ 6:2

ka̱gga̱ naga zoz ci a̱gga̱me̱ ol ba̱ti̱ti̱mo̱ ki azzin cik a̱ta̱dde̱k o̱o̱tti̱ cik ollu alawek Ta̱mu̱ta̱dde̱n ka̱mu̱yu̱k nogo, ki zoz ci ingane enne ol daiza, kar bo̱do̱k enne kettedek ol lo̱ki̱ko̱ ci aave udut.

1 Peturu 3:21

Ogon zin maama ne̱k balik tawan neci ki ba̱ti̱ti̱mo̱ ci a̱gga̱me̱ke̱ ol, nonno nenen ci i̱yo̱ko̱ aruguzanung ko̱. Abarik zin ba̱ti̱ti̱mo̱ ommog maam cik arane e̱e̱ti̱ ele. I̱ye̱le̱kke̱t zoz necu gool ci kar naga kubunnta ngu̱me̱ ci Ta̱mu̱ta̱dde̱no̱ zi̱nze̱tti̱nne̱ cik abunna eci bali enne itingai Ye̱su̱ Ki̱ri̱sto̱ daiza.