Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Kolosiya 1:23 - Tennet

23 Abarik abunna ming aalnannu tu̱we̱nte̱ cunno̱ng, abilnnu ṯop, ma ungneku kaviyak cik abunna arikku niga zi̱nze̱tti̱ ko̱. E̱e̱ggi̱n ne̱ko̱ kaviyak cik abunna iziktu niga ba̱li̱ye̱, uwaktozik ol do̱o̱k lo̱o̱ta̱ ngatu. Ke̱e̱ni̱ zin anna Pa̱u̱lo̱ du̱ca̱i̱t ci ka̱li̱ngli̱ngi̱ li̱ngli̱ngo̱n ci kaviyak ne̱ke̱.

အခန်းကိုကြည့်ပါ။ ကော်ပီ




Kolosiya 1:23
72 ပူးပေါင်းရင်းမြစ်များ  

A̱nne̱k zin Ye̱su̱ nogo ne, “Oot lo̱o̱co̱we̱ do̱o̱k uwaktek ol veelek kaviyak cik abunna.


Ma̱i̱je̱ anna kalawei i̱nne̱t Ta̱mu̱ta̱dde̱n, Si̱mo̱ne̱, kar wo̱ye̱ tu̱we̱ne̱t cunne iróng a̱zze̱. Kar ming okko i̱nna̱ uukce, eela gotonoggu tu̱we̱nta̱ kokkomit kak.”


Ogon enne ki e̱e̱ti̱ ci eenyet ce̱e̱z, a̱da̱ enne lo̱o̱c kuk lo̱o̱ta̱ kar keteheenyek ce̱e̱z nginti een bee. Ming okko tawani a̱kku̱ rok ce̱e̱z, ma̱i̱je̱ ngatu iróng ce̱e̱z omoti, eci eenyce ce̱e̱z neci ju̱rru̱m.


Ming iróng e̱e̱ti̱ imma arumonika annit, ogon enne ki alawoci ci u̱ju̱ko̱zi̱k tu̱ kar zin kodok. Idimttai alawo ne̱ko̱, u̱lu̱to̱zi̱k kar zin kutuzze gwo̱o̱ya̱.


een bali enne e̱e̱t cinna ci ka̱li̱ngli̱ng ki agit nga̱to̱de̱ ba̱li̱ye̱.”


kar karagiz li̱ngli̱ngo̱n bali abure Judasi kar kuk ngati orong enne ke̱.”


Abarik atin niga arubannu komiz ming i̱ki̱ya̱u̱ng Vongizi ci A̱li̱le̱ i̱ge̱ta̱; kar atin niga izet bbacak cigannik Jerusalema, ki lo̱o̱ce̱ ci Ju̱de̱ya̱ ki Samariya do̱o̱k zee rok nginti aṯurneke looci.”


Baling arawa enne kar kicin deten ci Ta̱mu̱ta̱dde̱no̱, atal oroot kar zin ku̱du̱wa̱k nogo abunna ming abile de̱de̱ zo̱ze̱ ci Manyi zi̱nze̱tti̱nne̱ cigge̱k do̱o̱k.


edemez nuyak kar bo̱do̱k ku̱du̱kta̱k nogo kokkomit kak tu̱we̱nte̱ cinne̱ng. A̱nne̱k nege nuyak ne, “Abunna la̱du̱n ming kamuda pirnanet ci a̱ppwe̱ kar ki̱tto̱z ba̱a̱li̱ne̱t ci Ta̱mu̱ta̱dde̱no̱.”


Aavtte da̱ Ya̱u̱di̱ cik o̱ngo̱o̱le̱ Ta̱mu̱ta̱dde̱n lo̱o̱co̱we̱ do̱o̱k Jerusalema.


Abarik zin anna iróng karik zinin zoz ci atin okko i̱i̱na̱k baiz cinanni, ming kedeca anna li̱ngli̱ngo̱n bali aanya Manyi Ye̱su̱ ke̱, kar kuwahek ol kaviyak cik abunna anyak deten ci Ta̱mu̱ta̱dde̱no̱.


I̱yo̱ko̱ tinga je̱e̱na̱ bil zoone cigunnek. Ka̱kku̱nna̱ki̱ anna i̱nne̱t kar katahalai ize du̱ca̱i̱t ki bbacait ci kaal ne̱k icinnu i̱nna̱ ko̱ ngatinanni ki kaal cik kokko anna ki̱ye̱le̱ki̱ i̱nne̱ta̱.


A̱zze̱ e̱e̱ti̱ imma ci a̱ti̱ri̱ze̱t wo̱ye̱ agit to, eci i̱llo̱i̱ e̱e̱t imma ci kamuda naga ta̱mu̱-kenga kar wo̱ye̱ ki̱ti̱ri̱z ol, een Ye̱su̱ do̱ niko.”


Abarik ka̱jji̱ne̱: Ngen olli Israilo kiziyet kaviyak? Iziyyet zin ba̱li̱ye̱: “Uzuca mului cinne̱ng lo̱o̱cco̱k do̱o̱k, ki zo̱zzo̱k cigge̱k bu̱k.”


Ahalana Ta̱mu̱ta̱dde̱n kar abunna ka̱li̱ngli̱nge̱k Ye̱su̱ Ki̱ri̱sto̱ kize tuwayoit orgene ci ol wak iróng een Ya̱u̱d, kar ki̱ye̱le̱k nogo kaviyak cik abunna. Ogon Ta̱mu̱ta̱dde̱n niko kar ol wak iróng een Ya̱u̱d kumucet Ta̱mu̱ta̱dde̱n, bak elemi enne muci ci aanyik nogo Vongizi ci A̱li̱le̱.


Aanyik atin enne baiz ci aave udut e̱e̱t wa anime no̱ngi̱tto̱n, ogon kaal cik abunna, kar atin enne ki̱tto̱ di̱ngdi̱ngo̱n ci Ta̱mu̱ta̱dde̱no̱, ki baiz ci aave udut.


Iróng zoz ci karike naga zi̱nze̱tti̱ Ta̱mu̱ta̱dde̱n ko̱ unyaneta, eci Ta̱mu̱ta̱dde̱n aanyyet agit rezinet cinne zi̱nze̱tti̱nne̱ cigga̱c go̱o̱le̱ ci Vongiz ci A̱li̱le̱, ci aanyet enne agita.


Gotonogga ki ngonogga tu̱we̱nta̱, ibilet ju̱rru̱m ci iróng gi̱i̱ imma omonung tu̱we̱nta̱. Abunna ming anyikku e̱le̱tti̱ cuggo̱k li̱ngli̱ngo̱n ci Manyi, eci li̱ngli̱ngo̱ni̱ cunno̱ng ngati Manyi iróng e̱de̱nye̱.


Ma i̱yo̱ko̱ ming ki̱no̱n ju̱rru̱m, een Apollos ngene? Ma Pa̱u̱lo̱ een ngene? Ke̱e̱ggi̱n naga do̱o̱k du̱cca̱k, i̱tto̱na̱ne̱t Manyi kar ki̱vi̱ta̱ kaanycung i̱ge̱t elemtta zoz ci Ki̱ri̱sto̱. Imma gon e̱e̱ti̱ imma ngatinna̱ng a̱li̱ngli̱ng li̱ngli̱ngo̱n ci aanyik Manyi nonno ki̱li̱ngli̱ng.


I̱yo̱ko̱, kilalekkung anna Pa̱u̱lo̱ eliya i̱ge̱t go̱o̱le̱ ci kozoze muluwe ci alali abunna kiwagon Ki̱ri̱sto̱. Ming kaave anna ki i̱ge̱ta̱, kozozi “dalanzeta” ma̱i̱je̱ ming kaave reena ngatinno̱ng kozozi iróng “ko̱ngo̱o̱le̱” zoz!


E̱e̱ggi̱n nege de̱de̱ to̱ni̱a̱k cik Ki̱ri̱sto̱? Ke̱e̱ni̱ anna e̱e̱t ci adaka ngamoni ming kozozi niko ko̱, abarik ka̱li̱ngli̱ngo̱ni̱k nonno kommog nogo do̱o̱k. Ki̱li̱ngli̱nga̱ oroot, a̱ju̱ke̱ka̱ ol lagam lak cik meelek giir zo̱ze̱ ci Ki̱ri̱sto̱. Ki̱bi̱ce̱ a̱lle̱ne̱ kize daizoit.


Aanyyet enne kizet ol cik ka̱li̱ngli̱ng olom ci een jor Ta̱mu̱ta̱dde̱no̱, iróng een lo̱ti̱nno̱k balik e̱he̱rye̱ ke̱. Imma kaale do̱o̱k, aanyyet lo̱ti̱nno̱wa̱ ne̱ke̱ daiz, okko Vongizi ci a̱li̱le̱ aanyyet ruget.


I̱yo̱ko̱ zin eci Ta̱mu̱ta̱dde̱n edete kar kaanya gool ci kedemzike ol kaviyak cik abunna, ngen i̱i̱te̱n imma kutubur nong kar kibiliz de̱mzi̱ne̱t ol.


Imma gi̱i̱ye̱ wa ka̱li̱ngli̱ngo̱ni̱kka̱ naga Ta̱mu̱ta̱dde̱n, kilalekkung zin zo̱ze̱ cu: Abunna ming a̱li̱ngli̱ngnyu̱ bunnate ci Ta̱mu̱ta̱dde̱no̱ ju̱rru̱m.


Ko̱to̱ngo̱o̱le̱u̱ng, kicina umurya li̱ngli̱ngo̱ni̱ cinanni ngatinno̱ng.


Imma tu̱we̱nta̱, kerewina naga talninta go̱o̱le̱ ci Vongiz ci A̱li̱le̱, bunnate ci karike naga zi̱nze̱tti̱ ko̱.


Azunnu ba̱li̱ye̱ niga zoz ci Ye̱su̱ ju̱rru̱m, nya ci uhu o̱o̱tti̱ cuggo̱k bak odotekku zoz ci een de̱de̱ lo̱o̱c?


Ma arnannu ngati ogonnu zoz ci abunna. Ming emenannu li̱ngli̱ngo̱ne̱ ci Ta̱mu̱ta̱dde̱no̱, amuccu̱ng atin Ta̱mu̱ta̱dde̱n i̱i̱te̱ne̱ ci a̱gga̱ enne.


Kalaye anna abunna zi̱nze̱tti̱ cuggo̱k ming o̱o̱ye̱ kar a̱gga̱c zoz ci arikku niga zi̱nze̱tti̱ bali atahalaung enne i̱ge̱t ko̱, eezet ki di̱ngdi̱ngo̱n ci okko Ta̱mu̱ta̱dde̱n aragiz ngati ol wak a̱tu̱ nonno,


Imma niga ol wak a̱tu̱yyu̱ Ta̱mu̱ta̱dde̱n ki Ki̱ri̱sto̱, urumteu izetu ol co̱de̱ kar zin a̱gga̱mi̱t Ce̱e̱z wa Ta̱mu̱ta̱dde̱no̱ kokkom kak ki i̱yo̱ko̱ biyena ne̱k eenyce ol ce̱e̱z ko̱, kar izet niga e̱le̱tti̱ne̱ ce̱e̱z ci Manyi a̱li̱le̱.


Kar zin bu̱k Ki̱ri̱sto̱ kabak zi̱nze̱tti̱nne̱ cuggo̱k zo̱ze̱ ci a̱tu̱yyu̱ niga nonno. Inimet no̱ngi̱tto̱n kar anyait rezinet cinne.


ci eliyo, Ki̱ri̱sto̱ zin ci a̱gga̱ ele do̱o̱k kar kaanyik ki̱li̱ngli̱nge̱t ju̱rru̱m, ngati ingane e̱e̱ti̱ kokkom eci enne anyak rezinet.


Kiize anna du̱ca̱i̱t ci ol wak a̱tu̱we̱ eci Ta̱mu̱ta̱dde̱n atahala annita, kar kaanya li̱ngli̱ngo̱n necu kar ku̱du̱wa̱u̱ng zoz cinne do̱o̱k.


U̱ru̱ktte̱k zo̱o̱ lo̱o̱c ngati Ki̱ri̱sto̱ kar enne kize e̱e̱t ci aanyik tu̱we̱ne̱t cunno̱ng kokkom ki ba̱li̱ye̱ edemezung ol ke̱, kar aanycik Ta̱mu̱ta̱dde̱n zany odohize oroot.


Abunna bo̱do̱k ming iróng e̱e̱ti̱ imma ngatinno̱ng a̱mi̱re̱ ki vu̱rru̱t zo̱ze̱ ci amarinnung ol zee ipirta ko̱. A̱gga̱c ju̱rru̱m een pirnanet cu talninet cinna ol wak a̱tu̱ zoz ci Ye̱su̱.


Gi̱i̱ ci zin bali ki̱tto̱na̱ne̱ Ti̱mo̱te̱yo̱ ko̱ nenen necu, baling ommoga zoz ci kengerone u̱u̱mu̱c, okko atin enne acinnung ogonnu ku̱ tu̱we̱nte̱ ci a̱tu̱yyu̱ Ye̱su̱ wa atahalai. A̱wu̱ce̱ gon zinin kazi ne icima lo̱rye̱nti̱ alabaung i̱ti̱ku̱ng tu̱, kar kumurya li̱ngli̱ngo̱ni̱ bali nang ke̱.


Imma naga ke̱e̱ggi̱n ol cik kogon kaal waz, abunna zin kanyak urutoit baiza, kar ki̱ti̱me̱t zoz ci tu̱we̱nto̱ ki rezinet, ogon ki i̱li̱b ci abil zi̱nze̱tti̱, ki zoz ci karike naga zi̱nze̱tti̱ aanyet ti̱ri̱ze̱ne̱t ki luluk ci abil oo illawa.


Kalayya Manyi Ye̱su̱ Ki̱ri̱sto̱ ele ki Ta̱mu̱ta̱dde̱n Be̱e̱ti̱nna̱ wa irezet kar kaanyyet deten ci aave udut, kar ke̱re̱yye̱ zoz ci abunna a̱kku̱ loza,


Kanyik zin anna zany Manyitinna Ye̱su̱ Ki̱ri̱sto̱. Kanyik bo̱do̱k zany ngati a̱gga̱we̱ zinin cinanni ming karike nonno. Kar zin a̱gga̱ya̱ annit ke̱e̱ni̱ e̱e̱t ci kabunna kar kaanya komiz ci ka̱li̱ngli̱nge̱ li̱ngli̱ngo̱n wainne.


Atahala Ta̱mu̱ta̱dde̱n annit kize zoc ki to̱ni̱a̱t ci kedemezek ol cik iróng een Ya̱u̱d tu̱we̱ne̱t ci een de̱de̱. Iróng kovolongi, ka̱du̱wa̱ zoz ci een de̱de̱.


I̱llo̱i̱ gi̱i̱ imma ci ommog li̱ngli̱ngo̱n wa obod ki gool wa Ta̱mu̱ta̱dde̱no̱ bali arrak a̱lu̱gnye̱ ke̱. I̱ye̱la̱i̱ Ye̱su̱ wa atahalai lo̱o̱ta̱ kize e̱e̱t ci diiri. Kar Vongizi ci Ta̱mu̱ta̱dde̱no̱ ki̱ye̱la̱ een enne de̱de̱ Ngerrti Ta̱mu̱ta̱dde̱no̱. Kar zin anjilonya wak Ta̱mu̱ta̱dde̱no̱ bu̱k kicinnet nonno. Uwakttek ol zoz wa obod ki nonno lo̱o̱cco̱k do̱o̱k. U̱tu̱we̱t zin ol cik meelek nonno lo̱o̱cco̱k do̱o̱k, kar zin Ta̱mu̱ta̱dde̱n kodong nonno kuuwe ta̱mu̱-kenga.


I̱ti̱ri̱zze̱t Ye̱su̱ agit kubunnta ju̱rru̱m detene cinne kommog kaal do̱o̱k. Aanyet gool ci elemannet Ta̱mu̱ta̱dde̱n kar zoz ci karike naga zi̱nze̱tti̱ ko̱ kamuda atin baize ci aave udut.


Imma e̱e̱ti̱ cinanni abunna abak atin tu̱we̱nta̱. Ming a̱mi̱re̱ enne ki vu̱rru̱t, iróng anna kirezi kaal ne̱k ogon enne ke̱.”


Kozol naga li̱ngli̱ngo̱n ci Ki̱ri̱sto̱ nga̱to̱de̱. Abunna ka̱tu̱ naga nonno de̱de̱ udut ki baling ka̱tu̱ arrak oowa ke̱.


Ma̱i̱je̱ Ye̱su̱ Ki̱ri̱sto̱ Ngerrti Ta̱mu̱ta̱dde̱no̱ odohize a̱li̱ngli̱nge̱k ol cik Ta̱mu̱ta̱dde̱no̱. Ke̱e̱ggi̱n naga Ce̱e̱z wa Ta̱mu̱ta̱dde̱no̱, ming karike naga zi̱nze̱tti̱ zoz Ta̱mu̱ta̱dde̱no̱ kere naga ko̱.


I̱yo̱ko̱ zin, kanyak naga alaan ci a̱ddi̱ki̱re̱ wawaco, een enne Ye̱su̱, Ngerrti Ta̱mu̱ta̱dde̱no̱ bali okko ta̱mu̱-kenga ke̱. Abunna zin ming kazunne tu̱we̱ne̱t cinna wa bali obod ki nonno.


Aanyyet zoz ci u̱du̱wa̱ Ta̱mu̱ta̱dde̱n ko̱ komiz. Okko zoz neci rok ru̱u̱m ci enger Ce̱e̱z wa Ta̱mu̱ta̱dde̱no̱ Ngati A̱li̱le̱ Oroot.


Kinnatit Ta̱mu̱ta̱dde̱n wa een Be̱e̱ti̱ Manyitinna Ye̱su̱ Ki̱ri̱sto̱. Aanyyet enne agit ti̱ra̱ne̱t ci een jor detente cinne a̱ppwe̱ ci karike naga zi̱nze̱tti̱ go̱o̱le̱ ci ingane Ye̱su̱ Ki̱ri̱sto̱ daiza.


eci tu̱we̱nte̱ cunno̱ng azunnung atin doizi ci Ta̱mu̱ta̱dde̱no̱ ki̱ki̱ya̱ ti̱ri̱ze̱ne̱t ci okko i̱ye̱la̱ ming okko looci aṯurneke.


Imma ngatinno̱ng, erahek Vongizi ci A̱li̱le̱ bali amudannu niga ngati Ki̱ri̱sto̱ ke̱ ki i̱ge̱ta̱. Iróng niga ngen orongnyu e̱e̱t imma kedemezung eci edemezung atin Vongizi ci A̱li̱le̱ kaal do̱o̱k. Eci enne een zoz ci een de̱de̱, i̱llo̱i̱ volong ngatinne, ki baling edemezung Vongizi ko̱, a̱vvu̱t zin nga̱to̱de̱ ki Ki̱ri̱sto̱.


Ma zin o̱ngo̱o̱li̱nnu̱ gi̱i̱ imma zo̱ze̱ ci ovvo niga apirnannu. Ka̱du̱wa̱kku̱ng, arik atin lo̱rye̱nti̱ ol u̱gge̱ ngatinno̱ng lagam kar kitimanung, ovvo atin apirnannu gi̱de̱ne̱t i̱i̱nya̱ omoto. Izet ol cik abunnanu, u̱zu̱tte̱ zoz ci Ta̱mu̱ta̱dde̱no̱ ming a̱kku̱ daizi nu̱nu̱n, ka̱a̱nyu̱ng atin anna lulukwa cik alaanzetinu abakku udut.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ