Kolosiya 1:13 - Tennet

¹³ Eci enne eelawet agit baize ci mu̱hu̱ri̱ kar kanyait ba̱a̱li̱ne̱t ci Ngerinne irez enne ko̱,

Kolosiya 1:13 ပူးပေါင်းရင်းမြစ်များ

Ma̱te̱yo̱ 17:5

Imma baling ngen enne ozozi, i̱ki̱ya̱k zin nogo di̱i̱z ci voori, kar zin mului kize di̱i̱za̱ ne, “Een necu Ngeranni wa kirezi; katalne anna oroot ngatinne. Iziyyet zoz cinne.”

Ma̱te̱yo̱ 25:34

“Kar zin alaani atin kizek ol wak aavtte a̱tte̱ ci a̱zzo̱ ko̱ ne, ‘I̱vi̱ta̱, niga ol balik u̱mu̱yu̱ng Baba ke̱, o̱o̱tte̱ kaal cik aragizu niga ba̱a̱li̱nte̱ ci ta̱mu̱-kengo bali adimanekkung enne baling ngen eenyce enne lo̱o̱c ke̱.

Ma̱te̱yo̱ 3:17

Iyowa zin mului ci a̱kku̱ ta̱mu̱-kenga, ize ne, “Een necu Ngeranni, kirezi nonno oroot; katalne anna zo̱ze̱ cinne.”

Lu̱ka̱ 13:24

“U̱tu̱gu̱z li̱ngli̱ngo̱n do̱o̱k kar i̱tto̱z tatug ci luduci, ka̱du̱wa̱kku̱ng anna i̱ge̱ta̱, eci ol cik meelek orong atin ki̱tto̱zo̱, iróng zin nege uule ki̱tto̱zo̱.

Lu̱ka̱ 22:53

Kaave anna ki i̱ge̱t odohize reene ci Ce̱e̱z wa Ta̱mu̱ta̱dde̱no̱, iróng zin niga atadikang a̱zzi̱t. Ma̱i̱je̱ i̱yo̱ko̱ een necu i̱i̱ cunno̱ng ci ogone kaala mu̱hu̱ra̱.”

Kaviyak wak Abunna Ta̱mu̱ta̱dde̱no̱ eher Joni 17:24

“Baba, korongi ol ne̱k aanya ko̱ koot ka̱vvu̱to̱ nginati kokko kaave anna ke̱, kar kicinnet bu̱le̱ne̱t cinanni bali aanya i̱nna̱ ke̱ ma̱rri̱t ireza i̱nna̱ annit baling ngen keteehenyai looci.”

Kaviyak wak Abunna Ta̱mu̱ta̱dde̱no̱ eher Joni 3:35

Irez Be̱e̱ti̱ do̱le̱co̱ Ngerinne kar zin karik kaal do̱o̱k azzin ciginnek.

Kaviyak wak Abunna Ta̱mu̱ta̱dde̱no̱ eher Joni 5:24

Emena Ye̱su̱ zoza dee, azi ne, “Ka̱du̱wa̱kku̱ng zoz ci een de̱de̱, ming aziye e̱e̱ti̱ zoz cinanni kar ku̱tu̱ Baba bali i̱tto̱na̱na̱ ke̱, amuda atin enne ruget wa aave udut. Iróng atin lo̱ki̱ko̱ ci gerze ettedonik oo cinne. Utungek enne daiz lo̱o̱c uk rugeta.

Buk wa To̱ni̱a̱u̱ 26:18

kar oo ebere cigge̱k, tuhu nogo ngati mu̱hu̱ri̱ kicinnet nginti voori. Ooga nogo komize ci Sitano ki̱vi̱ta̱k Ta̱mu̱ta̱dde̱n, kar enne kalalek nogo mu̱nye̱n cigge̱k kar nege kidongte ki ol cik Ta̱mu̱ta̱dde̱no̱ a̱li̱le̱ zo̱ze̱ ci a̱tu̱ya̱ nege annita.’

Roma 14:17

Eci ba̱a̱li̱ne̱t ci abale Ta̱mu̱ta̱dde̱n ol ko̱, iróng een da̱i̱ne̱t ki kaal cik kaudi. Abarik obod ki bunnat ci kabunanne naga ngu̱me̱ ci Ta̱mu̱ta̱dde̱no̱ ki gano ki talninet ci a̱kku̱ Vongize ci A̱li̱le̱.

2 Ko̱ri̱nto̱ 11:14

Iróng zin annit a̱ma̱li̱le̱ oo zo̱ze̱ necu, eci Sitani bu̱k ogon ele ki ci een anjilo ci Ta̱mu̱ta̱dde̱no̱.

2 Ko̱ri̱nto̱ 4:4

Okko lo̱rye̱nti̱ wa een manyi lo̱o̱c cu, eceba o̱o̱tti̱ cik ol wak iróng a̱tu̱we̱. Alam nogo gerza ming iróng a̱gga̱ vooriten ci kaviyak cik abunna ka̱di̱ngdi̱nga̱ne̱ naga Ki̱ri̱sto̱ ko̱. Ogon Ki̱ri̱sto̱ ki Ta̱mu̱ta̱dde̱n kaale do̱o̱k.

Evesos 1:6

Ogon Ta̱mu̱ta̱dde̱n niko ko̱ kar kinnatit naga deten ki bunnat cinne wa a̱ddi̱ki̱re̱ bali aanyet enne agita ollin zo̱ze̱ ci Ngerinne wa irez enne ko̱.

Evesos 4:18

Iditet ba̱ci̱no̱wa̱ nogo zi̱nze̱tti̱ ki̱zzi̱ ngatinne̱ng rok gool ci a̱gga̱we̱ Ta̱mu̱ta̱dde̱n. Engertta zin nege e̱le̱tti̱ cigge̱k rugete ci aanyik Ta̱mu̱ta̱dde̱n ol ko̱, eci odoi nogo zi̱nze̱tti̱ kak, kar kutuburret zoz wa een de̱de̱.

Evesos 5:5

Abunna ming a̱gga̱yyu̱ zoz ci een de̱de̱ icu, ming een e̱e̱ti̱ a̱li̱ya̱i̱t, icima a̱ppwa̱ zinin, iróng enne anyak ngin imma ba̱a̱li̱nte̱ ci Ki̱ri̱sto̱ ki ci Ta̱mu̱ta̱dde̱no̱. Ma zinin ci a̱ppwe̱ atubo ki e̱e̱t ci a̱di̱ngdi̱nga̱n to̱do̱yyo̱k cik orong zinin cinne kommog Ta̱mu̱ta̱dde̱n.

Evesos 5:8

Abakku gon ba̱li̱ye̱ niga mu̱hu̱ra̱, imma i̱yo̱ko̱ izetu ol cik abakku vooritena, eci i̱yo̱ko̱ izetu olli Manyi. Abait ki ol wak abak vooritena.

Evesos 6:12

Eci iróng naga kooro ki mo̱ddo̱ cik anyak e̱le̱tti̱ ki i̱yo̱ko̱ cik kanyak naga ko̱. Abarik kooro ki to̱ni̱a̱k cik lo̱rye̱nta̱k ki vongizzok waginnek gerzek abak zara. Abal nege lo̱o̱c necu, anyak doiz vatanine cigge̱k, abal nege lo̱o̱cco̱k ne̱ko̱ do̱o̱k ku̱ru̱m nginti engerone ta̱mu̱-keng ki lo̱o̱c.

1 Te̱se̱lo̱ni̱ka̱ 2:12

Ki̱lo̱tu̱ng, kadihizung kar kilalekkung abunna ming abakku baiz ci irez Ta̱mu̱ta̱dde̱n, kar atin ka̱a̱nyu̱ng izet ol cik ovvo abakku bu̱k ba̱a̱li̱nte̱ ci okko atin enne abale lo̱o̱c.

I̱bu̱ru̱ 2:14

Ke̱e̱ggi̱n naga ol cik diirik, een Ye̱su̱ bu̱k e̱e̱t ci diiri. Gool zin ci a̱kku̱na̱ke̱t Ye̱su̱ agit ko̱ necu, kar ki̱ki̱ya̱ ka̱da̱k kommog lo̱rye̱ni̱t ci anyak komiz ci daizo.

1 Peturu 2:9

Abarik e̱e̱ggi̱nnu̱ niga zu̱we̱ ci atahala Ta̱mu̱ta̱dde̱n, olli wawaco ce̱e̱ze̱ cinne, zu̱we̱ ci a̱li̱le̱, ol cik Ta̱mu̱ta̱dde̱no̱, kar inatit nonno eci anyahaung ngati mu̱hu̱ri̱ kar icinnet ngintinne voori.

2 Peturu 1:11

Kar zin go̱o̱le̱ necu, a̱gga̱ma̱nu̱ng atin Manyitinna Ti̱ri̱zo̱i̱t Ye̱su̱ Ki̱ri̱sto̱ talinte ci a̱ppwe̱ oroot ba̱a̱li̱nte̱ cinne aave udut.

1 Jon 2:8

Ngen zin keherakkung ti̱lo̱wi̱ne̱t ci een jor; i̱ye̱la̱i̱ zoz cinne de̱de̱ ngati Ki̱ri̱sto̱ ki i̱ge̱ta̱, i̱llo̱i̱ mu̱hu̱ri̱te̱n udut, enyerkai tukuleci ci een de̱de̱.

1 Jon 3:14

Ka̱gga̱ kiyokta naga daiza, kar ki̱vi̱ta̱k ruget wa aave udut, eci kirez naga gotonogget tu̱we̱nta̱. Imma e̱e̱ti̱ ci iróng irez ol, ngen enne erahek daiza.

1 Jon 3:8

Imma e̱e̱ti̱ ci ogon mu̱nye̱n ko̱, een enne e̱e̱t ci lo̱rye̱nto̱, eci lo̱rye̱nti̱ u̱tu̱gu̱ mu̱nye̱n arrak oowa kanante ci lo̱o̱tu̱. A̱kku̱ zin Ngerrti Ta̱mu̱ta̱dde̱no̱ kar ki̱ki̱ya̱ kidita li̱ngli̱ngo̱n ci lo̱rye̱nto̱.