Kolosiya 1:11 - Tennet

¹¹ Kalayya nonno bu̱k abunna ming a̱a̱nyu̱ng doiz ci a̱kku̱ di̱ngdi̱ngo̱nte̱ cinne kar atin niga anyait zi̱nze̱tti̱ cik alali animnyu no̱ngi̱tto̱n, kar bo̱do̱k abait baiz talninta.

Kolosiya 1:11 ပူးပေါင်းရင်းမြစ်များ

Lu̱ge̱z 15:6

Okko a̱zzi̱ti̱ cunne a̱zzo̱, Oh Manyi, wa anyak doiz. Okko a̱zzi̱ti̱ cunne a̱zzo̱ Manyi, idita mo̱ddo̱ cigunnek.

Buk wa To̱ni̱a̱u̱ 1:8

Abarik atin niga arubannu komiz ming i̱ki̱ya̱u̱ng Vongizi ci A̱li̱le̱ i̱ge̱ta̱; kar atin niga izet bbacak cigannik Jerusalema, ki lo̱o̱ce̱ ci Ju̱de̱ya̱ ki Samariya do̱o̱k zee rok nginti aṯurneke looci.”

Buk wa To̱ni̱a̱u̱ 5:41

Iyokta zin to̱ni̱a̱ha̱ lo̱ki̱ka̱ talninta eci nege a̱gga̱ ming apirna nege zare cik Ye̱su̱.

Roma 2:7

Aanyik atin enne baiz ci aave udut e̱e̱t wa anime no̱ngi̱tto̱n, ogon kaal cik abunna, kar atin enne ki̱tto̱ di̱ngdi̱ngo̱n ci Ta̱mu̱ta̱dde̱no̱, ki baiz ci aave udut.

1 Ko̱ri̱nto̱ 16:13

A̱vvu̱t ju̱rru̱m be̱i̱nta̱. Ibilet okkomit kak tu̱we̱nte̱ cunno̱ng. Abunna ming e̱e̱ggi̱nnu̱ ol wak animnyu zoz, kar okkomit kak.

2 Ko̱ri̱nto̱ 4:7

Imma li̱ngli̱ngo̱ni̱ ci aanyyet Ta̱mu̱ta̱dde̱n ko̱, atubo ki gi̱i̱ ci riili. Kar bo̱do̱k ol ne̱k anyak gi̱i̱ ci riili ko̱, ogon ki i̱jjo̱nyya̱ cik adimanai todowaca, a̱li̱be̱ wo̱ye̱ ataman. Ogon Ta̱mu̱ta̱dde̱n ki i̱yo̱ko̱ abunna ming a̱gga̱ ol a̱kku̱ doiz ci uhu ol ko̱ ngati Ta̱mu̱ta̱dde̱no̱, iróng een doiz cinna̱ng.

Evesos 3:16

Ka̱jji̱nni̱ Ta̱mu̱ta̱dde̱n kar ka̱a̱nyu̱ng doiz vongize cinne kar okkomit zi̱nze̱tti̱ cuggo̱k, eci anyak doiz do̱o̱k enne.

Evesos 4:2

Ma odongnyu e̱le̱tti̱ cuggo̱k, izet gunune. Aanycik zi̱nze̱tti̱ kalalit. Abait ki ol rezinta.

Evesos 6:10

I̱yo̱ko̱ zin okkomit kak rumente ci arumenu niga ki Manyi doize wa a̱a̱nyu̱ng enne i̱ge̱ta̱.

Vilipia 4:13

Kogonni wo̱ye̱ anna kaal do̱o̱k zo̱ze̱ ci Ki̱ri̱sto̱ nonno ci aanya doiz.

2 Peturu 1:6

Otortek genyiz ki laliz ci zi̱nze̱tti̱nnu̱, kar bo̱do̱k otortek laliz ci zi̱nze̱tti̱nnu̱ nimenet no̱ngi̱tto̱n, kar bo̱do̱k otortek nimenet no̱ngi̱tto̱n gool ci arikku zoz ci Ta̱mu̱ta̱dde̱no̱ zi̱nze̱tti̱.

Ju̱da̱ 1:25

Een enne Ta̱mu̱ta̱dde̱n co̱de̱ ṯok Ti̱ri̱zo̱i̱t cinna, anyak enne di̱ngdi̱ngo̱n, ki ddi̱ki̱rze̱t, ki doiz, ki alaanzet ngati Manyitinna Ye̱su̱ Ki̱ri̱sto̱ wa bali aave arrak oowa bu̱u̱llo̱we̱ do̱o̱k, ki i̱yo̱ko̱ udut. Nonno nenen.

O̱no̱zzo̱k 14:12

Azi zoz necu ne, anyik ol wak Ta̱mu̱ta̱dde̱no̱ a̱li̱le̱ kanyait zi̱nze̱tti̱ cik alali, anime no̱ngi̱tto̱n kar ko̱to̱ngo̱o̱ltte̱ lo̱ti̱nno̱k cik Ta̱mu̱ta̱dde̱no̱ kar ke̱me̱dda̱ odohize ngati a̱tu̱we̱ zoz ci Ye̱su̱.