Kananet 9:20 - Tennet

²⁰ Een bali Nowa e̱e̱t ci e̱e̱vi̱nto̱, arir da̱ enne keen cik vi̱no̱ ma̱ne̱ cinne.

Kananet 9:20 ပူးပေါင်းရင်းမြစ်များ

Kananet 3:23

Ottok zin Manyi Ta̱mu̱ta̱dde̱n Adam ki Eva ma̱ne̱ ci aave nyaate ci een Eden kar kuk ki̱li̱ngli̱ng todowai balik eenycane Ta̱mu̱ta̱dde̱n nonno ke̱.

Kananet 4:2

Anyaho zin bo̱do̱k Eva kar zin ki̱ti̱rra̱ gotoni Kain, akatek zar kize Abel. I̱yo̱ko̱ zin ize Abeli e̱e̱t ci abal kaal, ma̱i̱je̱ Kaini een ci e̱e̱vi̱nto̱.

Kananet 5:29

kar zin kakatek zar cik een Nowa, kar kize ne “Anyahakket atin do̱le̱c cu ti̱ri̱ze̱ne̱t ki u̱yu̱bi̱ ngati ka̱li̱ngli̱nge̱ todowai balik otor Manyi Ta̱mu̱ta̱dde̱n ke̱.”

Kananet 9:19

E̱e̱ggi̱n ba̱li̱ye̱ logoz ne̱k Nowa ke̱ i̱i̱yo̱, kar ngatinne̱ng ki̱ti̱rtta̱i̱ ol ne̱k azanonnik lo̱o̱c ko̱ do̱o̱k.

Kananet 9:21

Imma baling uud enne merte ci een vi̱no̱ bali eeva enne ma̱ne̱ cinne ko̱, ibahe zin enne kar ka̱ta̱ngu̱ nga̱dhi̱ri̱r ti̱te̱ cinne.

1 Ko̱ri̱nto̱ 9:7

I̱llo̱i̱ aciirenit ci a̱li̱ngli̱ng kar ku̱ru̱k o̱ro̱bi̱ya̱ ciginnek manyi. I̱llo̱i̱ e̱e̱t ci a̱li̱ngli̱ng manatoto kar ngatu iróng adak kaal cik a̱bbi̱rna̱ ma̱ne̱ neci. I̱llo̱i̱ e̱e̱t ci a̱li̱ngli̱ng angid tiin, kar ngatu iróng aam i̱ra̱ cik tiin ne̱ke̱.