Kananet 7:13 - Tennet

¹³ Ma̱i̱je̱ i̱i̱te̱n neci i̱tto̱zzo̱ Nowa ki logoz waginnek Shem ki Ham ki Japheth ki ngaa wainne ki ngaai cik logoz ne̱k e̱e̱ggi̱n i̱i̱yo̱ ko̱ do̱o̱k i̱bo̱.

Kananet 7:13 ပူးပေါင်းရင်းမြစ်များ

Kananet 10:21

I̱ti̱rra̱ Shemi gotoni Japheth wa a̱ddi̱ki̱re̱ logoz ciginnek, een zin enne ji̱ji̱ti̱ doolik Eberi.

Kananet 10:6

E̱e̱ggi̱n ne̱ko̱ dooli cik Hami: Kush, Mizraim, Put ki Kanaan.

Kananet 5:32

Baling abak Nowa zee kizeto e̱rki̱to̱wa̱ obet tu̱r (500), i̱ti̱rra̱ zin enne logoz i̱i̱yo̱, azi imma zar ne Shem, okko co̱de̱ een Ham kar zin imma bo̱do̱k kize Japheth.

Kananet 6:10

Anyak Nowa logoz i̱i̱yo̱ cik azi zara cigge̱k ne, Shem, ki Ham ki Japheth.

Kananet 6:18

Ma̱i̱je̱ atin anna kokko atin kadimani olom cinanni ki i̱nne̱ta̱, i̱i̱zo̱ atin i̱nna̱ ki ngaa cunne ki logoz cigunnek ki alawanet do̱o̱k i̱bo̱.

Kananet 7:1

U̱du̱wa̱k zin Manyi Nowa, izek ne, “Oot i̱nna̱ ki ollunne do̱o̱k i̱ba̱ ecito, ma̱rri̱t kicina anna e̱e̱ni̱ i̱nna̱ e̱e̱t ci abunna bu̱u̱le̱ cu oroot.

Kananet 7:14

O̱o̱tte̱ i̱ba̱ bu̱k elegje cik zarak cik macik ki cik nga̱a̱ye̱k, ki cik o̱rgu̱, ngazengaze do̱o̱k ki iballi veelek, ki kaal wak a̱ku̱l bu̱k.

Kananet 8:14

Baling izeto i̱i̱nya̱ turgerem nye̱lo̱we̱ ci een rama e̱rki̱ta̱, odok looci ne kak.

I̱bu̱ru̱ 11:7

Imma bo̱do̱k tu̱we̱nte̱ ci e̱e̱t ci een zara Nowa, izik zoz bali i̱lo̱ti̱ke̱ Ta̱mu̱ta̱dde̱n ke̱ kar kuk ku̱tu̱gu̱ gi̱i̱ ci iróng enne acin bu̱k. Idiman zin i̱bo̱ ci a̱ddi̱ki̱re̱ kar ki̱ti̱ri̱z ol ciginnek. Utuburek zin Nowa olli lo̱o̱tu̱ nong, aanyik zin Ta̱mu̱ta̱dde̱n nonno kubunna eci enne anyak tu̱we̱ne̱t.

1 Peturu 3:20

E̱e̱ggi̱n zin bali ol ne̱ke̱, ol cik abure Ta̱mu̱ta̱dde̱n bali reena e̱rki̱nya̱i̱ balik aave Nowa lo̱o̱ta̱ ngatu ke̱, ere bali Ta̱mu̱ta̱dde̱n nogo baling ngen Nowa adiman i̱bo̱ ke̱. Abarik zin bali i̱i̱te̱n neci anyigzai ol cik e̱e̱ggi̱n tu̱rge̱, imma ol do̱o̱k utuddudde maame.

2 Peturu 2:5

Imma e̱rki̱te̱ bali ngen Nowa aruge ke̱, iróng Ta̱mu̱ta̱dde̱n alalnek olli lo̱o̱tu̱ mu̱nye̱nu̱. I̱li̱b zin enne nogo tawana, eela zin enne ol turgerem ki Nowa wa bali uwahek ol zoz ci abunna.