Kananet 50:17 - Tennet

¹⁷ ‘Icu zoz ci kar niga u̱du̱kta̱k Yosevo: Ka̱jji̱nni̱ anna i̱nne̱t kar lalek gotonoggu mu̱nye̱ne̱ ki kaal wak gerzek ogoniki nege i̱nne̱t ba̱li̱ye̱ ke̱.’ I̱yo̱ko̱ lalek mu̱nye̱n cik du̱cca̱k cik Ta̱mu̱ta̱dde̱n ci baatunne.” Baling uzuca zoz cinne̱ng nonno, u̱tu̱lu̱ zin Yosevo.

Kananet 50:17 ပူးပေါင်းရင်းမြစ်များ

Kananet 31:42

Ming iróng ngo̱li̱ne̱t ci Ta̱mu̱ta̱dde̱n ci baba, Ta̱mu̱ta̱dde̱n ci Aburahami ki ngo̱li̱ne̱t ci I̱sa̱ko̱ aave ngatinanni, ottoka wo̱ye̱ da̱ i̱nna̱ annit kuk azzine ollin. Abarik zin Ta̱mu̱ta̱dde̱n icin li̱ngli̱ngo̱n ci kapirnane anna azzine cigannik ko̱ kar bali ba̱a̱l u̱du̱wa̱i̱ Ta̱mu̱ta̱dde̱n i̱nne̱ta̱.”

Kananet 45:8

“Kar zin, iróng een i̱ge̱t cik i̱tto̱na̱na̱ng annit rok ngintu, abarik Ta̱mu̱ta̱dde̱n. Aanya enne annit kize be̱e̱ti̱ alaano, ke̱e̱ni̱ ddi̱ki̱ryo̱i̱t ci ka̱gga̱mi̱ kaal cik ce̱e̱z cinne do̱o̱k kar kabal olli Masiro do̱o̱k.

Kananet 49:25

eci zo̱ze̱ ci Ta̱mu̱ta̱dde̱n ci baatunne, ci eelanni i̱nne̱ta̱, eci zo̱ze̱ ci Manyi wa anyak Komiz do̱o̱k, nonno ci a̱mu̱yu̱ki̱ ma̱yu̱we̱nte̱ ci a̱kku̱ ta̱mu̱-kenga, ki ma̱yu̱we̱ne̱t ci aave lo̱o̱ta̱ ecito, ki ma̱yu̱we̱ne̱t ci eezit ki momu.

Kananet 50:16

I̱tto̱nte̱k zin nege zoz Yosevo izettek ne, “Utungek baatunne zoz cu lo̱o̱c baling ngen enne ka̱da̱k:

Kananet 50:18

I̱vi̱ta̱ zin gotonoggja u̱ju̱ktte̱k e̱le̱tti̱ cigge̱k lo̱o̱c ngu̱me̱ cinne. Kar izeto ne, “Ke̱e̱ggi̱nna̱ naga du̱cca̱k cigunnek.”

Kananet 50:20

Orongnyu ba̱li̱ye̱ niga u̱ru̱kta̱ng annit la̱du̱n, ma̱i̱je̱ Ta̱mu̱ta̱dde̱n orong ku̱tu̱gu̱ zoz ci abunna ki i̱yo̱ko̱ ming ogone kaala ko̱, kar enne ki̱ti̱ri̱z ol cik meelek.

Ma̱te̱yo̱ 10:42

Ma e̱e̱ti̱ ci anyike maam cik alali kidik nuyait cinanni co̱de̱ wa anyak zinin ci alali ko̱, eci enne een nuyait cinanni, ka̱du̱wa̱kku̱ng zoz ci een de̱de̱, amuc atin Ta̱mu̱ta̱dde̱n nonno bu̱k.”

Ma̱te̱yo̱ 18:35

“Gool zin ci atin ogonekku̱ng atin Baba wa aave ta̱mu̱-kenga ko̱ necu, ming iróng niga alalnekku goonu zinine cunne.”

Ma̱te̱yo̱ 25:40

“Kar zin alaani kabarizek nogo, azi ne, ‘Ka̱du̱wa̱kku̱ng zoz ci een de̱de̱, ming u̱tu̱gu̱we̱u̱ i̱nna̱ kaal ne̱ko̱ gotonogga icima ngonogga cik iróng ol edeconik ko̱, U̱tu̱gu̱we̱ya̱ i̱nna̱ annita!’

Ma̱te̱yo̱ 6:12

Laleit ba̱ci̱no̱we̱ ki i̱yo̱ko̱ ming kalalneka naga ol u̱gge̱ ko̱.

Marko 10:41

Baling a̱gga̱c demezyaha wak e̱e̱ggi̱n omoto ko̱ zoz ci a̱jji̱nne̱ gonoggja Je̱mi̱si̱ ki Jon, Ye̱su̱, utubortek nogo nong.

Ga̱la̱ti̱a̱ 6:10

I̱yo̱ko̱ zin, ming aanyyet Ta̱mu̱ta̱dde̱n gool imma, ku̱tu̱gu̱zze̱k ol do̱o̱k kaal cik abunna, ommogje ol wak a̱tu̱ zoz ci Ki̱ri̱sto̱.

Ga̱la̱ti̱a̱ 6:16

Anyik Ta̱mu̱ta̱dde̱n kanyik ol wak abahe zoz cinne de̱de̱ gano ki deten; e̱e̱ggi̱n nege olli Israilo cik cuulai Ta̱mu̱ta̱dde̱no̱.

Evesos 4:32

Abunna abarik ming irezonu niga do̱o̱k, abunna ming anyakku eezet zi̱nze̱tti̱nne̱, alaltek ol, ki i̱yo̱ko̱ ming alalnek Ta̱mu̱ta̱dde̱n ol zo̱ze̱ ci Ki̱ri̱sto̱ ko̱.

Je̱mi̱s 5:16

I̱yo̱ko̱ zin, uturtta mu̱nye̱n cuggo̱k gonoggu kar alayek e̱le̱tti̱ cuggo̱k Ta̱mu̱ta̱dde̱n kar ubunntta. Okkomi lawinet ci e̱e̱t ci abunna, kar bo̱do̱k ki̱li̱ngli̱ng oroot.