Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Kananet 49:29 - Tennet

29 Aanyik zin enne nogo ti̱lo̱wi̱ne̱t cu: “Ize ojon kar anna kuk ngato ol cigannik. A̱da̱ye̱a̱ng annit ki baba ngi̱lo̱m co̱de̱, ci bali een ci Ephroni e̱e̱t ci Hittite,

အခန်းကိုကြည့်ပါ။ ကော်ပီ




Kananet 49:29
16 ပူးပေါင်းရင်းမြစ်များ  

Imma i̱nna̱ okko atin ngato ji̱ji̱ti̱gu̱nne̱k labak ngati i̱nna̱ anyate oroot.


Elema zin Aburahami kaal cik a̱du̱wa̱ Ephroni kiziyet ol cik Hittites ko̱, kar zin ki̱ti̱gltta̱ obet we̱c (400) ziik cik ataltali go̱o̱le̱ ci da̱ gon ataline ol ne̱ke̱ kaal la̱du̱n.


Utuwa zin Aburahami ma̱na̱ bali Ephroni ngati een Machpelah je̱e̱ne̱ ci Mamre. Uuta Aburahami lo̱o̱c neci aruma ma̱na̱ ki ngi̱lo̱m ci da̱ aave nginati ki keen.


Ize ma̱na̱ ki ngi̱lo̱m bali nginati ke̱ do̱o̱k cik Aburahami kar kize nginti ilomettu, ka̱gga̱c olli Hittites do̱o̱k.


kar atin enne kataliya annit ngi̱lo̱m ci een Machpelah aave ma̱ne̱ cinne abanyca ko̱, korongi kutuweya annit kar ku̱ru̱k o̱ro̱bi̱ya̱ do̱o̱k, kar gon kadawek ol cigannik.”


I̱ki̱ya̱k zin Ya̱ko̱bo̱ baatinne I̱sa̱ko̱ o̱rge̱ ci een zara Mamre, ojono ki Kiriath Arba, awu ol bo̱do̱k zare cik een Hebron, ngin bali abahe Aburahami ki I̱sa̱ko̱.


A̱da̱k zin I̱sa̱ko̱ kar zin kadawozik ki ol ciginnek. Kar logoz ciginnek I̱sa̱u̱ ki Ya̱ko̱bo̱ ku̱bu̱nge̱t nonno.


ma̱i̱je̱ ming kuwa anna ungnyak ki be̱e̱ti̱ga̱ni̱k, odongtang Masire zee rok ngin neci kar zin adayang annit ngati adawine nege.” O̱bo̱de̱k zin enne, “Kogonni atin ki ming a̱du̱wa̱ i̱nna̱ ko̱.”


E̱e̱ggi̱n ne̱ko̱ do̱o̱k booryyok cik Israilo omoto ki rama, kar zin ne̱ko̱ een zoz ci u̱du̱wa̱k be̱e̱ti̱nne̱ng nogo baling a̱mu̱yu̱k enne nogo co̱de̱ co̱de̱. Aanyik ngenngene ma̱yu̱we̱ne̱t ci eleno nonno.


Baling edeca Ya̱ko̱bo̱ ti̱lo̱wi̱ne̱t logoz ciginnek, odong zo̱o̱ ciginnek kaarik kwe̱e̱n, kar zin ketteda zinin, uk ngato ji̱ji̱ti̱gi̱nne̱k.


U̱tu̱gu̱zzo̱ zin dooli cik Ya̱ko̱bo̱ zoz bali a̱du̱wa̱k be̱e̱ti̱nne̱ng nogo ke̱:


Odongit nege ele cinne oot a̱da̱c lo̱o̱ce̱ ci Kanaani ngi̱lo̱me̱ ci aave ngati een Machpelah ojono ki Mamre, ngin bali uuta Aburahami kize ilomet ngati Ephroni wa een e̱e̱t ci Hittite, ki ma̱na̱ bu̱k.


I̱tto̱zzu̱ niga nginti aavtte a̱bu̱nya̱ ke̱le̱ci̱e̱ ci Ta̱mu̱ta̱dde̱no̱, wak e̱he̱rye̱ zara cigge̱k buwe ci Ta̱mu̱ta̱dde̱no̱ ta̱mu̱-kenga. I̱vi̱ta̱u̱ niga Ta̱mu̱ta̱dde̱n ele ci okko etted lo̱ki̱ko̱ ci kaal do̱o̱k. I̱vi̱ta̱u̱ niga vongizzok cik ol cik abunna idiman Ta̱mu̱ta̱dde̱n kubunnta ta̱mu̱-kenga.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ