Kananet 46:34 - Tennet

³⁴ Izettek ne ‘Ke̱e̱ggi̱nna̱ naga du̱cca̱k cigunnek cik kabala kaal baling ngen ke̱e̱ggi̱nna̱ dooli rok i̱yo̱ko̱ niko, ki baling ogon ji̱ji̱ti̱gga̱c ke̱.’ Kar atin enne ka̱a̱nyu̱ng abait lo̱o̱ce̱ ci Gosheni, eci akaka ming abak tuwayowa ojonun ki ol cik Masiro.”

Kananet 46:34 ပူးပေါင်းရင်းမြစ်များ

Kananet 13:7

Adangto zin tuwayowa cik Aburami ki cik Loti. Abak zin da̱ olli Kanaani ki olli Perizzites lo̱o̱ce̱ neci bu̱k.

Kananet 13:8

A̱nne̱k zin Aburami Lot ne, “Gerza ming kanyak dango orgene cinna, icima orgene ci tuwayok cigunnek ki cigannik, eci ke̱e̱ggi̱n naga boor co̱de̱.

Kananet 26:20

I̱vi̱ta̱ zin abarik tuwayowa cik Gerari adangto ki tuwayok cik I̱sa̱ko̱ kar kizeto ne, “Een ne̱ko̱ maam cigga̱k!” Akatek zin I̱sa̱ko̱ iit kize Esek, eci nege adangto ki nonno.

Kananet 30:35

Imma i̱i̱te̱n neci ele, engera Labani eeza cik macik bu̱ze̱ni̱k icima cik regek, engera bo̱do̱k eeza cik nga̱a̱ye̱k bu̱ze̱ni̱k icima cik regek do̱o̱k, ki a̱zza̱ cik o̱lle̱k, kar kaanyi dooli ciginnek kutuwac nogo do̱.

Kananet 34:5

Baling izik Ya̱ko̱bo̱ zoz ci egerzanne e̱e̱ti̱ imma buweenyinne Di̱na̱ ko̱, aavtte da̱ logoz ciginnek ki kaal boora; ijahe zin enne li̱i̱m zee ki̱vi̱ta̱k logoz ciginnek ce̱e̱z.

Kananet 37:12

Imma i̱i̱te̱n imma u̱lu̱gte̱ gotonoggi Yosevo kaal ovvo egewe ngati ojono ki orog ci een Shechem,

Kananet 37:2

Een necu zoz ci Ya̱ko̱bo̱. Baling izeto e̱rki̱nya̱ cik Yosevo omoto ki turgerem, uuwa kaal ki gotonoggi wak baatinne, e̱e̱ggi̱n ngaai cik baatinne a̱rri̱ta̱ logoz ciko ko̱ Bilhah ki Zilpah, kar enne Yosevo kanyahak baatinne kaal cik gerzek ogon gotonoggja.

Kananet 43:32

Aanycik zin nonno do̱ da̱i̱ne̱t, kar bo̱do̱k kaanycik da̱i̱ne̱t gotonoggi ka̱vvu̱to̱ cinne̱ng do̱, ovvo olli Masiro balik adakce ki nonno aavtte nege cinne̱ng do̱, eci olli Masiro iróng adakce ki olli I̱bu̱ru̱ nga̱to̱de̱, eci akaka zoz neci ngati olli Masiro.

Kananet 45:10

Ovvo atin niga abakku lo̱o̱ce̱ ci Gosheni kar ka̱vvu̱t ojonun ki annita, dooli ciggo̱k ki dooli cigge̱k, ki kaal cik anyakku niga do̱o̱k.

Kananet 45:18

kar kanyakta be̱e̱ti̱nno̱ng ki ngaai cuggo̱k ki dooli kar o̱bo̱dda̱ng annita. Ka̱a̱nyu̱ng atin anna lo̱o̱c ci abunna Masire kar adait bunnat ci lo̱o̱c cu.’

Kananet 46:32

E̱e̱ggi̱n ol ne̱ke̱ ol cik abal kaal; anyaktta nege ki kaal cik anyak nege do̱o̱k.’

Kananet 47:11

Aanyik zin Yosevo baatinne ki gotonoggi kabaito Masire, kar kaanyik lo̱o̱c ci a̱zi̱ze̱, ngati ojono ki orog ci a̱ddi̱ki̱re̱ een Rameses ki baling a̱du̱wa̱ alaani ke̱.

Kananet 47:3

I̱jji̱n zin alaani gotonoggi Yosevo, “Li̱ngli̱ngo̱n cinno̱ng ni̱i̱?” O̱bo̱dde̱k nege nonno, “E̱e̱ggi̱n du̱cca̱ha̱ cigunnek tuwayok, ki bali be̱e̱ti̱gga̱k ke̱.”

Kananet 47:4

A̱nne̱k nege nonno ne, “Ka̱vvu̱nna̱ naga kovvo kabaka arrak ngatu do̱yo̱i̱t, eci a̱ppwa̱ magiz oroot lo̱o̱ce̱ ci Kanaani, kar i̱llo̱i̱ rok arte cik ege kaala. Imma i̱yo̱ko̱, anyik du̱cca̱k cigunnek kabaito lo̱o̱ce̱ ci een Goshen Masira.”

Kananet 47:6

aave zin looci ci Masiro a̱tte̱ cunne; anyik baatunne ki gotonoggu kabaito lo̱o̱ce̱ ci abunna. Anyik kabaito lo̱o̱ce̱ ci Gosheni. Kar ming a̱gga̱ i̱nna̱ ol u̱gge̱ ngatinne̱ng cik anyak arizet ci aave do̱, anyik nogo kabalit kaal cigannik.”

Lu̱ge̱z 8:22

“‘Imma i̱i̱te̱ne̱ neci, kogonni atin anna zoz cinne̱ng ka̱vvu̱ do̱, kanyike atin lo̱o̱c ci abahe olli Gosheni ki̱zze̱c ironga to, lo̱o̱c ci abahe ol cigannik, kar atin abunna ming a̱gga̱ ke̱e̱ni̱ anna Manyi, kaave anna lo̱o̱ce̱ necu.

Lu̱ge̱z 8:26

Ma̱i̱je̱ Musesi izek nonno ne, “Iróng zoz necu ilemi. Imma kaala cik kapahek naga Manyi Ta̱mu̱ta̱dde̱n cinna ko̱, aanyik olli Masiro kutuburret nong kaale ne̱ke̱. Kar ming kapak naga kaal cik aanyik nogo kutuburret nong ko̱, iróng wo̱ye̱ atin nege ovoccet biyene?