Kananet 44:18 - Tennet

¹⁸ Uk zin Ju̱da̱ ngati Yosevo kar zin kizek ne, “Manyi bai, anyik bai da̱ du̱ca̱i̱t cunne ku̱du̱wa̱i̱ zoz cidici. Ma omoze ngati du̱ca̱i̱t waunne, ming nu̱nu̱n atubonu i̱nna̱ ki alaan ele ko̱.

Kananet 44:18 ပူးပေါင်းရင်းမြစ်များ

Kananet 18:30

Ize zin Aburahami ne, “Maya ming iróng Manyi abure nong, abarik ja annit kozoz. Nya atin ci ogonni i̱nna̱ ming aruba ol cik abunna e̱e̱ggi̱n moten i̱i̱yo̱ nginati?” O̱bo̱de̱k zin Manyi nonno, “Iróng atin anna kadita orog ming karuba ol cik abunna e̱e̱ggi̱n moten i̱i̱yo̱ ko̱ nginati.”

Kananet 18:32

Kar zin Aburahami kize ne, “Maya ming iróng Manyi abure nong, abarik ja kozoz bo̱do̱k dee. Nya atin ci a̱kku̱ ming aruba i̱nna̱ ol omoto cik abunna nginati?” O̱bo̱de̱k zin Ta̱mu̱ta̱dde̱n nonno, “Eci zo̱ze̱ ci ol cik abunna e̱e̱ggi̱n omoto ko̱, iróng atin anna kadita orog.”

Kananet 37:6

A̱nne̱k enne nogo ne, “Iziyyet da̱ o̱no̱zzo̱k ciko:

Kananet 37:7

Keceb naga labi manatoto, ataman niko ibilet labina ne̱k kecebi anna ko̱, kar labina cuggo̱k kuburuwet labi cigannik kar ku̱lu̱tte̱ kuluccet o̱o̱tti̱!”

Kananet 37:8

A̱nne̱k zin gotonoggja nonno ne, “Orongi i̱nna̱ ddi̱ki̱rze̱t ngatinna̱ng? Abalet atin i̱nna̱ agit de̱de̱?” Kar zin nege kamartoi zin nonno oroot zo̱ze̱ ci o̱no̱zzo̱k ciginnek ki zoz bali u̱du̱wa̱ enne ke̱.

Kananet 41:40

Abunna i̱nna̱ ming e̱e̱ni̱ ddi̱ki̱ryo̱i̱t ci ce̱e̱z cinanni, anyik ol cigannik do̱o̱k ko̱to̱ngo̱o̱ltte̱ zoz cunne. Eci zo̱ze̱ ci ko̱ngo̱o̱li̱ne̱ naga lecer ci alaano, annit do̱ niko ci ke̱e̱ni̱ alaan ci a̱ddi̱ki̱re̱ ngatunne do̱ niko.”

Kananet 41:44

Izek zin alaani Yosevo ne, “Ke̱e̱ni̱ anna alaan, ma̱i̱je̱ ming ngen i̱nna̱ du̱wa̱ zoz cunne, i̱llo̱i̱ e̱e̱t imma ci odong a̱zzi̱t icima zoc Masire do̱o̱k.”

Kananet 44:17

Ma̱i̱je̱ Yosevo ize ne, “Iróng wo̱ye̱ anna kogonni gi̱i̱ ci ibil ki necu udut! Okko e̱e̱ti̱ wa a̱gga̱me̱k du̱ca̱i̱ti̱ cinanne uduc ngatinne ke̱ do̱ ci atin een du̱ca̱i̱t cinanni. Imma niga do̱o̱k, i̱mi̱rrte̱ oot ngati be̱e̱ti̱nno̱ng yahe.”

Kaviyak wak Abunna Ta̱mu̱ta̱dde̱no̱ eher Joni 5:22

Iróng zin Baba ettedike e̱e̱t imma lo̱ki̱ko̱, abarik aanya annit Ngerrti Ta̱mu̱ta̱dde̱no̱ ketted lo̱ki̱ko̱ ci ollu.

Buk wa To̱ni̱a̱u̱ 2:29

“Gotonogga, ka̱du̱wa̱kku̱ng wo̱ye̱ anna i̱ge̱t de̱de̱ a̱da̱k Da̱vi̱de̱ kar zin kadawe, aave ilomi cinne ngatu rok i̱yo̱ko̱.