Kananet 43:30 - Tennet

³⁰ Atal zin Yosevo oroot baling icin gotoni, kar zin enne ki̱yi̱k kiyowa kuk kicin nginti okko enne a̱lu̱we̱.

Kananet 43:30 ပူးပေါင်းရင်းမြစ်များ

Kananet 42:24

Utuhuwe Yosevo ngatinne̱ng kicin tu̱ kar ku̱tu̱lu̱ lo̱mu̱k, kar bo̱do̱k kutuhuwezik nogo kar kozozik nogo bo̱do̱k. A̱gga̱m Yosevo ngatinne̱ng Si̱mo̱ne̱ kecebe kicinnet nege do̱o̱k eberene.

Kananet 45:2

Kar zin enne ku̱tu̱lu̱ oroot kiziyet olli Masiro nonno, kar olli ce̱e̱z ci alaan kiziyet zoz neci.

Kananet 46:29

ottod Yosevo toromile wa a̱gu̱ru̱t zi̱gi̱re̱ ko̱ kar zin kuk arrak oowa lo̱o̱ce̱ ci Gosheni kuk ku̱ru̱me̱k baatinne Israil gool. Baling okko Yosevo i̱ye̱le̱k nonno ele, a̱gga̱m zin enne baatinne kar ku̱tu̱lu̱ u̱u̱mu̱c.

Buk wa To̱ni̱a̱u̱ 20:19

Ki̱li̱ngli̱nga̱ anna ngati Manyi ci iróng kodongi ele cinanni ki ti̱la̱lo̱ eberene, ming nu̱nu̱n ka̱ggi̱de̱ anna oroot zo̱ze̱ ci adawana olli Ya̱u̱do̱,

Buk wa To̱ni̱a̱u̱ 20:31

U̱zu̱tte̱ zin e̱le̱tti̱ ciggo̱k, a̱a̱dda̱ zin e̱rki̱nya̱ balik een i̱i̱yo̱ ke̱, ngen anna kibiliz ti̱lo̱wi̱ne̱t i̱ge̱t ba̱a̱li̱n ki wazin ki ti̱la̱lo̱ eberene.

Buk wa To̱ni̱a̱u̱ 20:37

U̱tu̱lu̱zzo̱ zin nege, kar zin kizzac Pa̱u̱lo̱.

Vilipia 1:8

A̱gga̱ Ta̱mu̱ta̱dde̱n bu̱k korongi anna ki̱vo̱nnu̱ng kar kirezung ki i̱yo̱ko̱ ming irez Ye̱su̱ Ki̱ri̱sto̱ ol ko̱.

Vilipia 2:1

Anyaha baizi cunno̱ng ngati Ki̱ri̱sto̱ zoz ci i̱lo̱ttu̱ niga ol de̱de̱? Anyak rezinet cinne zoz ci irezzu niga ol u̱gge̱ de̱de̱? Anyakku niga de̱de̱ wowonet ki Vongiz? Anyakku i̱rrke̱ne̱t zi̱nze̱tti̱nne̱ cuggo̱k de̱de̱?

Kolosiya 3:12

I̱yo̱ko̱ zin, ki ming atahalaung Ta̱mu̱ta̱dde̱n kar izet ol ciginnek a̱li̱le̱ ko̱, irezung zin enne i̱ge̱ta̱. Abunna zin ming amanikku ol, anyait bunnat, izet ol cik gununik, kar inimet no̱ngi̱tto̱n.

2 Ti̱mo̱te̱yo̱ 1:4

Ka̱a̱da̱ gon u̱lu̱wa̱ bali a̱lu̱we̱ ngati kengerone ke̱, kazi gon ne aanya wo̱ye̱ bo̱do̱k kurumto kar katalto oroot.

1 Jon 3:17

Ming anyak e̱e̱ti̱ kaal cik meelek, kar kicin gooni imma ci amati, kar iróng enne eela nonno, aave wo̱ye̱ rezinet ci Ta̱mu̱ta̱dde̱no̱ ngatinne ku̱?