Kananet 43:20 - Tennet

²⁰ A̱nne̱k ne, “Ddi̱ki̱ryo̱i̱t bai, ki̱vi̱ta̱ arrak naga ba̱li̱ye̱ rok ngintu kovvo kutana da̱i̱ne̱t.

Kananet 43:20 ပူးပေါင်းရင်းမြစ်များ

Kananet 42:10

Abarizet zin nege, a̱nne̱k nonno ne, “Iróng een niko, manyi. A̱vvu̱ du̱cca̱ha̱ cigunnek ovvo uuta da̱i̱ne̱t.

Kananet 42:27

Imma ngati bali ovvo nege adungne goola ba̱a̱li̱n neci, oo zin e̱e̱ti̱ co̱de̱ ngatinne̱ng lo̱do̱ cinne kar kidimak zi̱gi̱r cinne labi u̱gge̱, abarik enne icin o̱ro̱bi̱ya̱ ciginnek lo̱do̱ utuga.

Kananet 42:3

Itingta zin gotonoggi Yosevo cik een omoto oot atalta labi Masire.

Kananet 42:35

Imma baling ovvo nege oog lodet cigge̱k, amuda ngenngene o̱bo̱n wainne o̱ro̱bi̱ya̱u̱. Baling icinnet nege ki be̱e̱ti̱nne̱ng obet cik o̱ro̱bi̱ya̱u̱, o̱to̱ngo̱o̱ltte̱ zin nege lo̱o̱c oroot.

Kananet 43:19

Oot zin nege rok du̱ca̱i̱t ci a̱li̱ngli̱ng ce̱e̱ze̱ ci Yosevo kar nege kozozzo ki nonno arana.

Kananet 43:21

Imma ngati kovvo naga ki̱ye̱be̱za̱ goola, koogta lodet cigga̱k kar ngenngene kuruba o̱ro̱bi̱ya̱ ecito aave utuge ci lo̱do̱ cinne. Kanyakta zin naga i̱yo̱ko̱ ki o̱ro̱bi̱ya̱ ne̱ke̱.

Kananet 43:3

Imma Ju̱da̱ o̱bo̱de̱k baatinne a̱nne̱k ne, “Egernyiket e̱e̱ti̱ ba̱li̱ye̱ agit oroot, a̱nne̱kke̱t ne, ‘Iróng atin niga acinnu ngu̱m cinanni bo̱do̱k ming iróng niga anyahannu gotonnu cunno̱ng wa dici ko̱ bu̱k.’

Kananet 43:7

O̱bo̱dde̱k zin nege, “A̱jji̱nne̱t e̱e̱ti̱ neci agit oroot zoz cinna ki ce̱e̱z cinna do̱o̱k. A̱jji̱nne̱t azi ne, ‘Ngen be̱e̱ti̱nno̱ng aruge? Anyakku niga gotonnu imma?’ Kabarizta zin naga ji̱ne̱ne̱t cinne ko̱ labak. Ka̱gga̱yya̱ da̱ ku̱ ming okko enne azi ne, ‘Anyaktta gotonnu cunno̱ng wa dici ko̱ rok ngintu’?”