Kananet 38:24 - Tennet

²⁴ Baling e̱de̱cca̱ nege nyelowi i̱i̱yo̱, u̱du̱wa̱k e̱e̱ti̱ imma Ju̱da̱ azi ne, “Ize alawani cunne Tamari a̱li̱ya̱i̱t, abarik anyaho.” Egereny zin Ju̱da̱, “U̱tu̱gu̱rre̱t nonno o̱o̱tte̱ orog abanyca kar utuzet gwo̱o̱ya̱ ka̱da̱k!”

Kananet 38:24 ပူးပေါင်းရင်းမြစ်များ

Kananet 20:3

Ma̱i̱je̱ Ta̱mu̱ta̱dde̱n i̱ki̱ya̱k Abimelech ba̱a̱li̱n co̱de̱ o̱no̱zo̱we̱ kar zin kizek nonno ne, “U̱tu̱gu̱ i̱nna̱ ki e̱e̱ti̱ ci a̱da̱ha̱ zo̱ze̱ ci ngaa ci uuwe i̱nna̱ ko̱; een enne ngaa ci e̱e̱to̱.”

Kananet 20:7

I̱yo̱ko̱ bodehe ngaa necu e̱e̱t cinne, eci enne een a̱ri̱to̱i̱t ci zoz cinanni, kar atin kalawei i̱nne̱t Ta̱mu̱ta̱dde̱n kar kaanyi ruget. Ma̱i̱je̱ ming iróng i̱nna̱ obodeke nonno ngaa cinne, abunna ming a̱gga̱ aditai atin i̱nna̱ doolinne.”

Kananet 20:9

Utu zin Abimelechi Aburaham ca̱a̱to̱ kar kizek ne, “Ogonikket i̱nna̱ agit nya? Ku̱tu̱gu̱we̱i̱ da̱ anna i̱nne̱t gi̱i̱ ci gerze kar i̱nna̱ nyaha annit dezo ki lo̱o̱c cinanni ko̱? U̱tu̱gu̱we̱ya̱ bai i̱nna̱ annit zoz ci iróng wo̱ye̱ ogonikan.”

Kananet 34:31

Ma̱i̱je̱ nege o̱bo̱dde̱k nonno, “Anyik weda da̱ Shechem kimice ngoonet ki a̱li̱ya̱i̱ti̱?”

Kananet 38:23

Ize zin Ju̱da̱ ne, “Anyik da̱ nonno kanyak muul neci ki ki̱ri̱, icima ovvo atin araneta. Ki̱tto̱ni̱ya̱ ri̱t anna nonno wanai eez cidici, ma̱i̱je̱ ngatu ngen i̱nna̱ ruba nonno.”

Roma 14:22

Ming anyai i̱nna̱ kaal cik a̱tu̱ i̱nna̱, anyike kaal cigunnek ki Ta̱mu̱ta̱dde̱n. U̱mu̱yu̱k Ta̱mu̱ta̱dde̱n e̱e̱t ci ogon gi̱i̱ ci a̱gga̱ enne een gi̱i̱ ci abunna.