Kananet 37:13 - Tennet

¹³ kar Israili baatinne kizek Yosevo ne, “Ki i̱yo̱ko̱ ming a̱gga̱ i̱nna̱ ko̱, egewe gotonoggu kaal ngati ojono ki Shechem. I̱jja̱, kokko anna ki̱tto̱ni̱ kar bit rok nogo.” O̱bo̱de̱k zin Yosevo, a̱nne̱k ne, “Abunna baba.”

Kananet 37:13 ပူးပေါင်းရင်းမြစ်များ

Kananet 22:1

Baling abak Aburahami e̱rki̱to̱k u̱gge̱ lo̱o̱ce̱ neci, itiman zin Ta̱mu̱ta̱dde̱n Aburaham. A̱nne̱k nonno ne, “Aburaham!” Awe zin enne azi ne, “Annit icu.”

Kananet 22:11

Ma̱i̱je̱ anjilo ci Manyi utu nonno ta̱mu̱-kenga izek ne, “Aburaham! Aburaham!” Awe zin enne azi ne, “Wou! Annit icu ngatu ko̱.”

Kananet 27:1

Baling ize I̱sa̱ko̱ ma̱ti̱yo̱c kar bo̱do̱k kize ru̱be̱n, utu zin i̱i̱te̱n imma a̱bu̱ cinne I̱sa̱u̱, “Ngeranni.” Awe zin azi ne, “Wou baba.”

Kananet 27:18

Uk zin enne ngati baatinne kar kize ne, “Baba ki̱ki̱ya̱.” O̱bo̱de̱k zin I̱sa̱ko̱ azi ne, “Wou, ngeranni, ngene necu?”

Kananet 33:18

Baling i̱ki̱ya̱ Ya̱ko̱bo̱ Paddan Arama, arawa zin enne orog ci een Shechem labak, lo̱o̱ce̱ ci Kanaani kar zin ka̱vvu̱ orog abanyca.

Kananet 37:12

Imma i̱i̱te̱n imma u̱lu̱gte̱ gotonoggi Yosevo kaal ovvo egewe ngati ojono ki orog ci een Shechem,

Ma̱te̱yo̱ 10:16

“Ki̱tto̱nnu̱ng anna i̱ge̱t kiwagon a̱zza̱ cik ajalik ol zari orgene ci u̱du̱ma̱nnu̱. Abunna ming egenyyu kiwagon uwat, abunna bo̱do̱k ming e̱e̱ggi̱nnu̱ gunune kiwagon lu̱be̱nya̱.

Lu̱ka̱ 20:13

“Ize zin manyi ma̱na̱ do̱ ne, ‘Kogonni atidic anna nya? Ki̱tto̱nni̱ atin anna ngeranni wa kirezi ko̱; icima atin nege ovvo o̱ngo̱o̱le̱ nonno.’