Kananet 35:18 - Tennet

¹⁸ Baling okko Racheli a̱vu̱da̱k do̱yo̱i̱t niko eci enne uk daiza, kar zin kakatek do̱le̱c zar cik een Ben-Oni. Ma̱i̱je̱ baatinne akatek zar cik een Benjamin.

Kananet 35:18 ပူးပေါင်းရင်းမြစ်များ

Kananet 30:1

Baling icin Racheli iróng enne a̱rri̱ta̱k Ya̱ko̱bo̱ dooli niko, anyak zin enne meder ngati ngononi. Izek zin enne Ya̱ko̱bo̱ ne, “Inya annit dooli, icima ka̱da̱i̱ atin anna.”

Kananet 35:17

Baling u̱u̱c do̱le̱c oroot, izek zin ngaa wa eela ngaai wak ukcai ko̱ nonno ne, “Ma o̱ngo̱o̱le̱, anyai i̱nna̱ do̱le̱c imma ci maci!”

Kananet 35:19

A̱da̱k zin Racheli kar zin kadayek gool ci okko ki Ephrath, awu ol bo̱do̱k kize Betelem.

Kananet 35:24

Iciko dooli cik Racheli: Yosevo ki Benjamin.

Kananet 42:38

Ma̱i̱je̱ Ya̱ko̱bo̱ ize ne, “Iróng ngeranni okko orkoryyu alucenu ki i̱ge̱ta̱; a̱da̱k ba̱li̱ye̱ gotoniya, ize nonno do̱ niko ci aruge. Ming i̱ki̱ya̱k nonno gi̱i̱ ci gerze go̱o̱le̱ necu ovvoyyu niga nonno ko̱, anyahakang matiz, ovvo atin adawekang niga annit ilomi.”

Kananet 42:4

Ma̱i̱je̱ Ya̱ko̱bo̱ iróng i̱tto̱n Benjamin gotoni Yosevo wa yaatinne bu̱k ki logoz ne̱ke̱, ma̱rri̱t enne o̱ngo̱o̱le̱ gerza ming i̱i̱na̱k nonno zoz ci gerze.

Kananet 43:14

Anyik bai Ta̱mu̱ta̱dde̱n wa anyak Komiz do̱o̱k ka̱a̱nyu̱ng deten ngati e̱e̱t neci kar atin enne ka̱a̱nyu̱ng obodai gotonnu cunno̱ng co̱de̱ ke̱ ki Benjamin bu̱k. Imma ngatinanni ming kokko anna ka̱lu̱ u̱lu̱wa̱, ka̱lu̱ zin anna de̱de̱.”

Kananet 49:27

Benjamin, ogonni i̱nna̱ kiwagon u̱du̱ma̱nti̱ ci adak magiz; nge̱rre̱t, adak enne e̱le̱gi̱t, okko yo̱mo̱na̱, enger enne i̱di̱ng neci.”

Lu̱ge̱z 12:7

Kar kidimtta bi̱ye̱ cik eeza ne̱ke̱ u̱gge̱ kar ku̱bu̱lte̱k tatuget abanyoi ki ta̱dde̱na̱ ce̱e̱zi̱nne̱ ne̱k adahe nege i̱di̱ng ke̱.

Lu̱ka̱ 12:20

“Ma̱i̱je̱ Ta̱mu̱ta̱dde̱n a̱nne̱k nonno ne, ‘I̱nna̱ tarbaloiti! Okko ba̱a̱li̱n cu rugeti cunne a̱zze̱ ngatunne. Ngene zin ci atin amuda kaal balik adimanek i̱nna̱ ele cunne ko̱?’

Lu̱ka̱ 23:46

Utuwe zin Ye̱su̱ egereny muluwe ci a̱ppwe̱, “Baba! Karike anna a̱zzi̱t cunne vongiz cinanni.” Baling u̱du̱wa̱ enne zoz necu, etteda zin zinin.

Buk wa To̱ni̱a̱u̱ 7:59

Baling ovvocit nege Stephen, alawo zin enne, azi ne, “Manyi Ye̱su̱, bite vongiz cinanni.”