Kananet 31:5 - Tennet

⁵ A̱nne̱k zin enne nogo ne, “Kicina anna iróng be̱e̱ti̱nno̱ng ngen ireza ki ba̱li̱ye̱, ma̱i̱je̱ Ta̱mu̱ta̱dde̱n ci baba aave ngatinanni.

Kananet 31:5 ပူးပေါင်းရင်းမြစ်များ

Kananet 21:22

Ma̱i̱je̱ wazin imma e̱rki̱to̱we̱ ne̱ke̱, izettek Abimelechi ki Phicol ddi̱ki̱ryo̱i̱t wa aciiru, Aburaham ne, “Aave Ta̱mu̱ta̱dde̱n ki i̱nne̱t kaale cik ogonni i̱nna̱ do̱o̱k.

Kananet 26:24

Okko ba̱a̱li̱n neci, i̱ye̱le̱k Manyi I̱sa̱ko̱ ele kar kize ne, “Ke̱e̱ni̱ anna Ta̱mu̱ta̱dde̱n ci baatunne Aburaham. Ma o̱ngo̱o̱le̱, eci anna kaave ngatunne; ka̱mu̱yu̱ki̱ atin anna i̱nne̱ta̱ kar atin kanyik dooli cigunnek kizeto meele zo̱ze̱ ci du̱ca̱i̱t cinanni Aburaham.”

Kananet 28:13

Imma go̱o̱le̱ neci ta̱dde̱na̱, abile Manyi nginati, kar enne kize ne, “Ke̱e̱ni̱ anna Manyi, Ta̱mu̱ta̱dde̱n ci baatunne Aburaham ki baatunne I̱sa̱ko̱. Kaanyi atin i̱nne̱t ki dooli cigunnek lo̱o̱c ci oonge i̱nna̱ ko̱.

Kananet 28:15

Kaave anna ngatunne kar atin kuzutin odohize ngati okkoye, kanyahanni atin i̱nne̱t kobodani rok lo̱o̱c cu. Iróng atin anna kungneki lo̱o̱c ming ngen anna kedeca zoz bali ka̱du̱wa̱ki̱ ke̱.”

Kananet 31:13

Ke̱e̱ni̱ anna Ta̱mu̱ta̱dde̱n ci Betheli, ngin bali atuve i̱nna̱ bee ci abile ke̱ maala, ngin bali u̱tu̱gu̱we̱ya̱ i̱nna̱ annit olom ke̱. I̱yo̱ko̱ tungek lo̱o̱c cu lak co̱de̱, kar bit lo̱o̱ce̱ cunno̱ng.’”

Kananet 31:29

Kanyai anna doiz ci wo̱ye̱ ka̱ru̱ki̱n; ma̱i̱je̱ bali ba̱a̱l a̱nne̱ka̱ Ta̱mu̱ta̱dde̱n ci baatunne ne, ‘Zuute ele, ma a̱du̱wa̱k zoz imma Ya̱ko̱bo̱, ci abunna icima ci gerze.’

Kananet 31:4

I̱tto̱ne̱k zin Ya̱ko̱bo̱ Rachel ki Le̱ya̱ ngaai ciginnek zoz ci anyik nogo ki̱vi̱ta̱ rok ngin bali abale enne kaal ke̱.

Kananet 31:42

Ming iróng ngo̱li̱ne̱t ci Ta̱mu̱ta̱dde̱n ci baba, Ta̱mu̱ta̱dde̱n ci Aburahami ki ngo̱li̱ne̱t ci I̱sa̱ko̱ aave ngatinanni, ottoka wo̱ye̱ da̱ i̱nna̱ annit kuk azzine ollin. Abarik zin Ta̱mu̱ta̱dde̱n icin li̱ngli̱ngo̱n ci kapirnane anna azzine cigannik ko̱ kar bali ba̱a̱l u̱du̱wa̱i̱ Ta̱mu̱ta̱dde̱n i̱nne̱ta̱.”

Kananet 31:53

Anyik bai Ta̱mu̱ta̱dde̱n ci Aburahami ki Nahor, Ta̱mu̱ta̱dde̱n ci be̱e̱ti̱nne̱ng, kettedeit agit lo̱ki̱ko̱ orgen cinna.” O̱to̱ngo̱o̱le̱ Ya̱ko̱bo̱ kar zin ki̱tto̱n zare cik baatinne I̱sa̱ko̱ ki Ta̱mu̱ta̱dde̱n wa ala enne.

Kananet 32:9

Ala zin Ya̱ko̱bo̱ Manyi, “Ta̱mu̱ta̱dde̱n ci baba Aburaham ki ci baba I̱sa̱ko̱, Manyi bai, ngene ci bali a̱nne̱ka̱ annit ne, ‘Mi̱re̱ bit o̱rge̱ cunne ki boor cunne, kar atin kaanyi i̱nne̱t kaal cik meelek,’

Kananet 48:15

U̱mu̱yu̱k zin enne Yosevo kar kize ne, “Anyik bai Ta̱mu̱ta̱dde̱n ci be̱e̱ti̱ga̱ni̱k Aburaham ki I̱sa̱ko̱ bali owo ki nonno ke̱, Ta̱mu̱ta̱dde̱n wa een bali tuwayoit cinanni i̱i̱nya̱ do̱o̱k baize cinanni rok i̱i̱te̱n cu,

Kananet 50:17

‘Icu zoz ci kar niga u̱du̱kta̱k Yosevo: Ka̱jji̱nni̱ anna i̱nne̱t kar lalek gotonoggu mu̱nye̱ne̱ ki kaal wak gerzek ogoniki nege i̱nne̱t ba̱li̱ye̱ ke̱.’ I̱yo̱ko̱ lalek mu̱nye̱n cik du̱cca̱k cik Ta̱mu̱ta̱dde̱n ci baatunne.” Baling uzuca zoz cinne̱ng nonno, u̱tu̱lu̱ zin Yosevo.

I̱bu̱ru̱ 13:5

Ma amanikku o̱ro̱bi̱ya̱ cik ollu, e̱le̱zzo̱ ki cik aanyai i̱nna̱ ko̱. Eci ize Ta̱mu̱ta̱dde̱n ne, “Iróng atin anna ko̱do̱te̱kku̱ng i̱ge̱t lo̱o̱c, iróng atin anna kungnekkung lo̱o̱c.”