Kananet 31:35 - Tennet

³⁵ Izek zin Racheli baatinne ne, “Ma aburneka nong baba, iróng wo̱ye̱ anna kabili ngu̱me̱ cunne; adaka annit kaala cik ngaanu.” Orongnye zin Labani iróng aruba to̱do̱yyo̱k cik ce̱e̱z cinne ko̱ udut.

Kananet 31:35 ပူးပေါင်းရင်းမြစ်များ

Kananet 31:19

Baling okko da̱ Labani etteda ima cik a̱zza̱ ciginnek, ogoroz zin da̱ Racheli to̱do̱yyo̱k cik anyike baatinne kize ta̱mu̱ta̱dde̱ne̱t cik ce̱e̱z cinne.

Kananet 31:34

Idima da̱ Racheli to̱do̱yyo̱k cik ce̱e̱z ci baatinne kar karik mu̱ge̱ ci arike nege naganaga kar ka̱vvu̱i̱. Orong Labani ti̱te̱t do̱o̱k, iróng aruba gi̱i̱ imma.

Kananet 31:36

Utubur zin Ya̱ko̱bo̱ nong oroot kar enne ku̱cu̱b Laban, “Ku̱tu̱gu̱ anna nya ci gerze? Mu̱nye̱n jang cik ku̱tu̱gu̱ anna kar i̱nna̱ ronga annit ko̱?

Lu̱ge̱z 20:12

“To̱ngo̱o̱lle̱ baatunne ki yaatunne, kar bak u̱u̱mu̱c lo̱o̱ce̱ ci aanyi Manyi Ta̱mu̱ta̱dde̱n cunne ko̱.

Evesos 6:1

Niga dooli, o̱to̱ngo̱o̱ltte̱ be̱e̱ti̱ggo̱k ki e̱e̱ti̱ggo̱k zo̱ze̱ ci Manyi Ye̱su̱, eci ming ogonnu niko, abunna oroot.

1 Peturu 2:18

Du̱cca̱k, abunna ming elemnyyu zoz wa a̱du̱wa̱ alaata cuggo̱k kar bo̱do̱k irezit nogo. Ma ogonikku kaal ne̱ko̱ ol wak i̱i̱rke̱ do̱, abarik u̱tu̱gu̱zze̱k ol wak ogon kaal cik gerzek bu̱k.

1 Peturu 3:6

Ki bali Sarah ming elemi zoz ci Aburahami anyike nonno kize e̱e̱t cinne a̱ddi̱ki̱re̱. Ovvo zin atin niga e̱e̱ggi̱nnu̱ dooli ciginnek wak een de̱de̱ ming ogonnu niga kaal cik abunna iróng o̱ngo̱o̱li̱nnu̱ gi̱i̱ imma.