Kananet 31:28 - Tennet

²⁸ Iróng i̱nna̱ bu̱k aanya annit kizza dooli cigannik bu̱k ki dooli cigge̱k. U̱tu̱gu̱ i̱nna̱ zoz ci e̱e̱t ci tarbali.

Kananet 31:28 ပူးပေါင်းရင်းမြစ်များ

Kananet 29:13

Baling izik Labani kaviyak cik Ya̱ko̱bo̱, ngerrti ngononi, i̱vi̱ra̱ zin enne uk u̱ru̱me̱k nonno gool. Izza enne nonno oroot kar kanyahak ce̱e̱z cinne, kar nginati Ya̱ko̱bo̱ ku̱du̱wa̱k nonno zoz ci anyaha enne do̱o̱k.

Kananet 31:13

Ke̱e̱ni̱ anna Ta̱mu̱ta̱dde̱n ci Betheli, ngin bali atuve i̱nna̱ bee ci abile ke̱ maala, ngin bali u̱tu̱gu̱we̱ya̱ i̱nna̱ annit olom ke̱. I̱yo̱ko̱ tungek lo̱o̱c cu lak co̱de̱, kar bit lo̱o̱ce̱ cunno̱ng.’”

Kananet 31:24

I̱ki̱ya̱k zin Ta̱mu̱ta̱dde̱n Laban wa Aramean o̱no̱zo̱we̱ ba̱a̱li̱n neci, kar kizek nonno ne, “Zuute ele, ma a̱du̱wa̱k Ya̱ko̱bo̱ zoz imma ci abunna icima ci gerze.”

Kananet 31:29

Kanyai anna doiz ci wo̱ye̱ ka̱ru̱ki̱n; ma̱i̱je̱ bali ba̱a̱l a̱nne̱ka̱ Ta̱mu̱ta̱dde̱n ci baatunne ne, ‘Zuute ele, ma a̱du̱wa̱k zoz imma Ya̱ko̱bo̱, ci abunna icima ci gerze.’

Kananet 31:3

A̱nne̱k zin Manyi Ya̱ko̱bo̱ ne, “Mi̱re̱, bit lo̱o̱ce̱ ci be̱e̱ti̱gu̱nne̱k ki boor cigunnek, kaave atin anna ngatunne.”

Kananet 31:55

Imma nge̱rre̱t ingani, izza zin Labani dooli ciginnek ki dooli cigge̱k kar ka̱mu̱yu̱k nogo. I̱mi̱re̱ zin enne uk olo.

Kananet 32:1

Uk zin Ya̱ko̱bo̱ gool cinne, kar zin anjilonya cik Ta̱mu̱ta̱dde̱no̱ kurumto ki nonno.

Lu̱ge̱z 4:27

Izek zin Manyi Aaron ne, “Bit balala oot u̱ru̱mto̱ ki Muses.” U̱ru̱mto̱ zin enne ki Muses biye ci Ta̱mu̱ta̱dde̱no̱ kar zin kiza nonno.

Buk wa To̱ni̱a̱u̱ 20:37

U̱tu̱lu̱zzo̱ zin nege, kar zin kizzac Pa̱u̱lo̱.

1 Ko̱ri̱nto̱ 2:14

Ming anyak e̱e̱t ci iróng anyak Vongiz ci Ta̱mu̱ta̱dde̱no̱, iróng enne elemi kaal cik a̱vvu̱ Vongize ci Ta̱mu̱ta̱dde̱no̱, e̱e̱ggi̱n kaala ne̱ke̱ darace ngatinne, iróng kaala ne̱ke̱ i̱i̱zo̱ oo cinne, eci e̱e̱ggi̱n kaal cik Vongizo.

Buk ci ozoz zoz ci ngaa ci een Ruz 1:14

Imma zin zo̱ze̱ necu, u̱tu̱lu̱zzo̱ bo̱do̱k alawaneta. Izza zin Orpah i̱nyi̱k cinne kar kize ne abunna ki̱mi̱re̱ anna, imma Ruzi odowonik i̱nyi̱k niko.

Buk ci ozoz zoz ci ngaa ci een Ruz 1:9

Anyik bai Manyi ka̱a̱nyu̱ng i̱ge̱t do̱o̱k urubta macwa cik abunna kar abait ce̱e̱zi̱nne̱ cuggo̱k labak.” Izza zin Naomi alawanet kar zin nege ku̱tu̱lu̱zzo̱ oroot,