Kananet 29:21 - Tennet

²¹ Izek zin Ya̱ko̱bo̱ Laban ne, “Inya ngaa cinanni. Kedeca anna e̱rki̱nya̱ cigannik, korongi kabakta ki nonno.”

Kananet 29:21 ပူးပေါင်းရင်းမြစ်များ

Kananet 29:18

Irez da̱ gon Ya̱ko̱bo̱ Rachel kar kizek Laban ne, “Ka̱li̱ngli̱ngo̱ni̱ki̱ atin anna i̱nne̱t e̱rki̱nya̱ turgerem kar inya Rachel kize ngaa cinanni.”

Kananet 29:20

I̱li̱ngli̱ng zin Ya̱ko̱bo̱ e̱rki̱nya̱ turgerem kar atin ki̱ti̱k Rachel, u̱tu̱gu̱zzo̱ e̱rki̱nya̱ ne̱ke̱ ngatinne ki ci een gwo̱o̱nya̱ cikidik eci enne irez nonno oroot.

Kananet 29:22

Utu zin Labani olli o̱rgu̱ do̱o̱k kar zin kidiman kwo̱o̱r.

Kananet 31:41

Ogon zin ba̱li̱ye̱ niko e̱rki̱nya̱ moten rama kaave ce̱e̱ze̱ cunne. Kabaha ce̱e̱ze̱ cunne e̱rki̱nya̱ moten rama. Ka̱li̱ngli̱nge̱ki̱ i̱nne̱t e̱rki̱nya̱ omoto ki we̱c zo̱ze̱ ci buuwecci cigunnek rama ko̱ kar bo̱do̱k ki̱li̱ngli̱ng e̱rki̱nya̱ torkonom kuwa kaal cigunnek, uhu kaal cik ka̱li̱ngli̱nge̱ anna lak omoto kizeto cigunnek.

Kananet 38:16

Iróng zin enne a̱gga̱ ming een do̱le̱c necu alawan cinne, uk zin enne ngatinne goola abanyca kar kize ne, “I̱jja̱ i̱yo̱ko̱, ka̱ta̱gu̱z anna ki i̱nne̱ta̱.” I̱jji̱n zin Tamari nonno, “A̱ru̱we̱ka̱ atidic nya ming ka̱ta̱gu̱zzo̱ anna ki i̱nne̱ta̱?”

Kananet 4:1

Baling a̱ta̱gu̱zzo̱ Adami ki ngaa cinne Eva, anyaho zin ngaa cinne kar zin ki̱ti̱rra̱ ngerinne wa een a̱bu̱, akatek zar kize Kain. Ize Eva ne, “Ma̱rri̱t ming kamuda do̱le̱c cu eelante ci eelanna Manyi.”

Ma̱te̱yo̱ 1:18

Een necu gool ci kar Ye̱su̱ Ki̱ri̱sto̱ ki̱ti̱rra̱i̱. Owo ba̱li̱ye̱ yaatinne e̱e̱ti̱ ci azi zara ne, Yosevo ci bali orong kar ki̱ti̱k Ma̱ri̱ya̱ la̱du̱n. Baling ngen Yosevo ka̱vvu̱to̱ ki Ma̱ri̱ya̱ nga̱to̱de̱, a̱gga̱ da̱ Ma̱ri̱ya̱ ele cinne ming anyakce Vongize ci A̱li̱le̱ Ta̱mu̱ta̱dde̱no̱.