Kananet 29:20 - Tennet

²⁰ I̱li̱ngli̱ng zin Ya̱ko̱bo̱ e̱rki̱nya̱ turgerem kar atin ki̱ti̱k Rachel, u̱tu̱gu̱zzo̱ e̱rki̱nya̱ ne̱ke̱ ngatinne ki ci een gwo̱o̱nya̱ cikidik eci enne irez nonno oroot.

Kananet 29:20 ပူးပေါင်းရင်းမြစ်များ

Kananet 24:67

Uwe zin I̱sa̱ko̱ Rebekah ti̱te̱ bali abahe yaatinne Sarah ke̱, kar zin kabaito ki nonno. Ize zin enne ngaa cinne, irez enne nonno oroot; kar I̱sa̱ko̱ kobodai zinin daize bali yaatinne ke̱.

Kananet 29:19

A̱nne̱k zin Labani nonno ne, “Maya abarik kaanyi anna i̱nne̱t ti̱k Rachel ngati kanyike e̱e̱t imma. Ka̱vvu̱t ngatu ki annita.”

Kananet 29:27

Rewo arrak kedecca i̱i̱nya̱ turgerem ci adahe ol rucenet ci Le̱ya̱ kar kaanyi Rachel bu̱k ming a̱li̱ngli̱ngngo̱ni̱ka̱ bo̱do̱k e̱rki̱nya̱ cik een turgerem dee.”

Kananet 29:30

Abaito zin Ya̱ko̱bo̱ ki Rachel bu̱k, irez zin enne Rachel oroot kommog Le̱ya̱. Kar zin enne ki̱li̱ngli̱nge̱k Laban e̱rki̱nya̱ turgerem.

Kananet 30:26

Inya ngaai cigannik ki dooli balik ka̱li̱ngli̱ngngo̱ni̱ki̱ anna i̱nne̱t zo̱ze̱ cinne̱ng ko̱, korongi atin anna koto. A̱gga̱ i̱nna̱ li̱ngli̱ngo̱n bali ka̱li̱ngli̱ngngo̱ni̱ki̱ anna i̱nne̱t ke̱.”

Kananet 31:15

Iróng enne aanyyet agit kizet i̱do̱ngi̱? Iróng utennet agita, abarik edeca kaal balik a̱ru̱wa̱kke̱t enne agit ke̱ do̱o̱k.

Kananet 34:19

Okko lo̱gu̱t ci irez baatinne ce̱e̱ze̱ cinne oroot, uk zin ataman, okko ogon zoz bali u̱du̱kta̱ nege ke̱, eci enne atali buweenyi Ya̱ko̱bo̱ oroot.

1 Ko̱ri̱nto̱ 13:7

Eela rezinet ol, alam kaal cik gerzek a̱vvu̱na̱k e̱e̱t ci anyak rezinet zinina. Iróng tu̱we̱ne̱t ci e̱e̱t ci anyak rezinet aṯurneke. Aanyik rezinet nonno karik zinin deten ci Ta̱mu̱ta̱dde̱no̱ kar kanyik bo̱do̱k kinim no̱ngi̱tto̱n cik a̱vvu̱na̱k nonno.

2 Ko̱ri̱nto̱ 5:14

Eci rezinet ci Ki̱ri̱sto̱ adangeket zoz cu, ma̱rri̱t naga ka̱gga̱c a̱da̱k e̱e̱ti̱ co̱de̱ zo̱ze̱ ci ollu do̱o̱k, kar ol do̱o̱k ka̱da̱i̱to̱.

Evesos 5:2

Abunna ming abakku baiz rezinta ki i̱yo̱ko̱ ming irezet Ki̱ri̱sto̱ ko̱, a̱kku̱ enne ta̱mu̱-kenga ki̱ki̱ya̱ kize wawac cinna ka̱da̱k zo̱ze̱ cinna, atalnet zin Ta̱mu̱ta̱dde̱n zo̱ze̱ cinne.