Kananet 27:29 - Tennet

²⁹ Anyik lo̱o̱cco̱k ki̱li̱ngli̱ngo̱nto̱zi̱n kar ol kakatei u̱zu̱ngtti̱ ngatunne. Ize ddi̱ki̱ryo̱i̱t ngati gotonogginnu, anyik bai logoz cik yaatunne kakatei i̱nne̱t u̱zu̱ngti̱nne̱. Anyik bai ol cik otoryi i̱nne̱t kotorte kar anyik bai ol cik a̱mu̱yu̱ki̱ i̱nne̱t ka̱mu̱yu̱kte̱.”

Kananet 27:29 ပူးပေါင်းရင်းမြစ်များ

Kananet 12:3

Ka̱mu̱yu̱i̱ atin anna ol cik a̱mu̱yu̱ki̱ i̱nne̱ta̱, kar e̱e̱ti̱ ci otoryi i̱nne̱ta̱, kotori atin anna nonno bu̱k; kar ol lo̱o̱ta̱ ngatu do̱o̱k ku̱mu̱dda̱ atin ma̱yu̱we̱ne̱t zo̱ze̱ cunne.”

Kananet 25:33

Ma̱i̱je̱ Ya̱ko̱bo̱ ize ne, “Du̱l da̱ keet ngatinanni arrak.” U̱du̱l zin I̱sa̱u̱ keet kize olom ngatinne, utuwek a̱bu̱ze̱t cinne Ya̱ko̱bo̱.

Kananet 27:30

Baling udut I̱sa̱ko̱ ma̱yu̱we̱nta̱ kar zin Ya̱ko̱bo̱ kinik lo̱mu̱k ngati baatinne, oboda zin gotoniya I̱sa̱u̱ liya.

Kananet 27:37

O̱bo̱de̱k zin I̱sa̱ko̱ I̱sa̱u̱, “Kanyiya anna nonno kize alaan ci abali i̱nne̱ta̱, kar boor cigunnek do̱o̱k kizeto du̱cca̱k ciginnek, kanyiya bo̱do̱k nonno labi ki merte ci een jor. I̱llo̱i̱ gi̱i̱ imma ci kar anna kaanyi i̱nne̱ta̱, ngeranni.”

Kananet 27:40

Abai atin i̱nna̱ illawa kar atin i̱nna̱ a̱li̱ngli̱ngo̱ni̱k gotonnu. Ma̱i̱je̱ ming okko zinin cunne abile je̱e̱na̱, a̱ju̱ke̱k atin i̱nna̱ li̱ngli̱ngo̱n cinne lo̱o̱c i̱i̱nya̱we̱ cunne.”

Kananet 37:10

Baling u̱du̱wa̱k enne baatinne ki gotonoggi o̱no̱zzo̱k ne̱ke̱, egerenyek zin baatinne nonno kar kizek ne, “O̱no̱zzo̱k takazik ne̱ko̱? Kovvo atin naga, anna ki yaatunne ki gotonoggu kakaneki i̱nne̱t u̱zu̱ngti̱nne̱?”

Kananet 37:7

Keceb naga labi manatoto, ataman niko ibilet labina ne̱k kecebi anna ko̱, kar labina cuggo̱k kuburuwet labi cigannik kar ku̱lu̱tte̱ kuluccet o̱o̱tti̱!”

Kananet 9:27

Anyik bai Ta̱mu̱ta̱dde̱n kotor ce̱e̱z ci Japheth kize a̱ppwa̱; anyik Japheth kabak o̱rge̱ ci Shemi, anyik Kanaan kize du̱ca̱i̱t cinne.”

Ma̱te̱yo̱ 25:40

“Kar zin alaani kabarizek nogo, azi ne, ‘Ka̱du̱wa̱kku̱ng zoz ci een de̱de̱, ming u̱tu̱gu̱we̱u̱ i̱nna̱ kaal ne̱ko̱ gotonogga icima ngonogga cik iróng ol edeconik ko̱, U̱tu̱gu̱we̱ya̱ i̱nna̱ annita!’

Ma̱te̱yo̱ 25:45

“Kar atin enne kobodek nogo, azi ne, ‘Ka̱du̱wa̱kku̱ng zoz ci een de̱de̱, ming aburnnu niga iróng eelannu gotonogga ki ngonogga cik iróng ol edeconik ko̱, aburnnu niga iróng eelannang annita.’

O̱no̱zzo̱k 19:16

Imma ru̱u̱me̱ cinne ki azana e̱he̱rye̱ zara ciginnek ke̱te̱: ALAAN CI ALAATU KI MANYI CI MA̱CI̱GI̱NNU̱.