Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Kananet 24:35 - Tennet

35 U̱mu̱yu̱k Manyi ddi̱ki̱ryo̱i̱t cinanni oroot, ize zin enne jaitot. Aanyik Ta̱mu̱ta̱dde̱n nonno a̱zza̱ ki tiin, ki ziik cik ataltali ki dhahab, du̱cca̱k cik macik ki cik nga̱a̱ye̱k, ki naganaganya ki zi̱gi̱re̱.

အခန်းကိုကြည့်ပါ။ ကော်ပီ




Kananet 24:35
20 ပူးပေါင်းရင်းမြစ်များ  

I̱ti̱ri̱z alaani ci Masiro Aburam ju̱rru̱m zo̱ze̱ ci ngaa cinne, aanyik zin nonno eeza ki tiin ki zi̱gi̱re̱ cik nga̱a̱ye̱k ki cik macik, naganaget ki du̱cca̱k cik nga̱a̱ye̱k ki cik macik.


“Kokko atin anna kadimani i̱nne̱t ize zu̱we̱ ci a̱ddi̱ki̱re̱ kar atin ku̱mu̱yu̱wi̱n; kanyik atin zar cigunnek ku̱bu̱lte̱, anyahak atin i̱nna̱ ol ma̱yu̱we̱ne̱t.


Ka̱mu̱yu̱i̱ atin anna ol cik a̱mu̱yu̱ki̱ i̱nne̱ta̱, kar e̱e̱ti̱ ci otoryi i̱nne̱ta̱, kotori atin anna nonno bu̱k; kar ol lo̱o̱ta̱ ngatu do̱o̱k ku̱mu̱dda̱ atin ma̱yu̱we̱ne̱t zo̱ze̱ cunne.”


Ize Aburami jaitot oroot anyak kaal ki ziik cik ataltali riilik ki dhahab.


Ize Aburahami ma̱ti̱yo̱c anyak e̱rki̱nya̱ cik meelek, kar Manyi ku̱mu̱yu̱k nonno go̱o̱lo̱we̱ do̱o̱k.


Baling a̱da̱k Aburahami, u̱mu̱yu̱k zin Ta̱mu̱ta̱dde̱n ngerinne I̱sa̱ko̱, abak zin ngati ojono ki nginti een Beer Lahai Roi.


Utungek Aburahami kaal cik anyak enne do̱o̱k I̱sa̱ko̱.


Imma zin go̱o̱le̱ necu, ize Ya̱ko̱bo̱ jaitot ci ommog veelek, kanyak kaal cik meelek giir, ki du̱cca̱k cik nga̱a̱ye̱k ki cik macik, ki naganaganya ki zi̱gi̱re̱.


eci zo̱ze̱ ci Ta̱mu̱ta̱dde̱n ci baatunne, ci eelanni i̱nne̱ta̱, eci zo̱ze̱ ci Manyi wa anyak Komiz do̱o̱k, nonno ci a̱mu̱yu̱ki̱ ma̱yu̱we̱nte̱ ci a̱kku̱ ta̱mu̱-kenga, ki ma̱yu̱we̱ne̱t ci aave lo̱o̱ta̱ ecito, ki ma̱yu̱we̱ne̱t ci eezit ki momu.


Abarik zin orongtta arrak oowa ba̱a̱li̱ne̱t ci Ta̱mu̱ta̱dde̱no̱ ki bunnat cinne, kar bo̱do̱k atin Ta̱mu̱ta̱dde̱n ka̱a̱nyu̱ng kaal ne̱k orongnyu niga ke̱ do̱o̱k.


Ma̱i̱je̱ ming a̱nne̱k du̱ca̱i̱ti̱ ele cinne ne, ‘Iróng atin alaani cinanne a̱kku̱ ataman,’ kar enne kakate ki̱bi̱c gonoggi du̱cca̱k cik nga̱a̱ye̱k ki cik macik kar kadaho kuude kar kibbahe.


Ming edemezi i̱nna̱ vi̱ra̱ ele abunna oroot, imma de̱mzi̱ne̱t baiz ci Ta̱mu̱ta̱dde̱no̱ eelannet go̱o̱lo̱we̱ cik meelek. Anyak baizi ci Ta̱mu̱ta̱dde̱no̱ bunnat oroot, eci aanyyet i̱yo̱ko̱ baiz ci abunna ki ci atin reena.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ