Kananet 22:9 - Tennet

⁹ Baling u̱zu̱cca̱ nege ngin bali a̱du̱wa̱k Ta̱mu̱ta̱dde̱n nonno zoz cinne ke̱, eteheeny zin Aburahami i̱te̱le̱ nginati kar zin ketevetek rimma cik gwo̱o̱ya̱k. A̱gga̱m zin ngerinne I̱sa̱ko̱ kar keceb, kar zin kabahek rimma ne̱ke̱.

Kananet 22:9 ပူးပေါင်းရင်းမြစ်များ

Kananet 12:7

I̱ye̱le̱k zin Manyi Ta̱mu̱ta̱dde̱n Aburam ele kar kizek ne, “Lo̱o̱c ci kokko atin anna kanyik dooli cik dooli cigunnek icu.” Eteehenyek zin Aburami i̱te̱le̱ ngineci kize ci Manyi bali i̱ye̱le̱k nonno ele ke̱.

Kananet 12:8

Imma zin nginati uk enne biyene o̱to̱ne̱ ci je̱e̱ni̱ o̱rge̱ ci een Bethel kar zin kidiman ti̱ti̱ cinne, aave Betheli nyigja okko Ai aave je̱e̱na̱. Eteehenyek zin enne Manyi i̱te̱le̱ kar zin kutu zare cik Manyi.

Kananet 13:18

Uduca zin Aburami ti̱ti̱ cinne kar kuk ku̱lu̱k kabak keene cik a̱ddi̱ki̱re̱ lo̱o̱ce̱ ci e̱e̱t ci een zara Mamre ojongzo ki orog ci een Hebron, kar zin enne kidimanek i̱te̱le̱ Manyi.

Kananet 22:10

I̱tto̱n zin a̱zzi̱t idima abaz kar weete kotodong ngerinne.

Kananet 22:8

Abarizek zin Aburahami nonno a̱nne̱k ne, “Ngeranni, aanyyet atidic Ta̱mu̱ta̱dde̱n eliya nyoon ci kovvo naga kapahek nonno.” Kar nege cik e̱e̱ggi̱n rama ko̱ koot nga̱to̱de̱.

Kananet 8:20

Idimanek zin Nowa Manyi i̱te̱le̱ kar kalawe nonno. Idima elegje wak abunna adak ol ki iballi bu̱k, kar zin kapahek Ta̱mu̱ta̱dde̱n.

Ma̱te̱yo̱ 27:2

E̱ce̱bi̱t zin nege Ye̱su̱ kar ko̱o̱tte̱ ngati Pilato ddi̱ki̱ryo̱i̱t ci gaala cik Romi.

Marko 15:1

Ma bali nge̱rre̱t ingani, odolta zin alaata cik olli wawaco Ce̱e̱ze̱ wa Ta̱mu̱ta̱dde̱no̱ ki lo̱ddi̱ki̱re̱, ki de̱me̱zzo̱k wak lo̱ti̱nno̱k wak Musesi, ki lo̱ddi̱ki̱re̱ wak lo̱ki̱ko̱ ko̱ do̱o̱k zoz cinne̱ng. E̱ce̱bi̱t Ye̱su̱ kar zin koot kanycik nonno Pilato ddi̱ki̱ryo̱i̱t ci gaala cik Romi.

Buk wa To̱ni̱a̱u̱ 8:32

Ikeb bali e̱e̱ti̱ ci Ethiopio zoz cu Warage ci Ta̱mu̱ta̱dde̱no̱: “Ovvoye ol nonno kiwagon a̱zze̱ti̱ ci ovvo ol otodongi, kiwagon nyoon ci etted ol ima aave li̱i̱m, ngen zin enne koo utug cinne.

Ga̱la̱ti̱a̱ 3:13

Ma̱i̱je̱ i̱yo̱ko̱ zin, eelawet Ki̱ri̱sto̱ to̱ri̱nte̱ ci anyaha lo̱ti̱nno̱wa̱ cik Musesi. Ogon enne zoz necu go̱o̱le̱ ci a̱da̱kne̱ enne keete wa een ta̱la̱ke̱c zo̱ze̱ ci gerze kogon naga, eci e̱he̱rye̱ lo̱ti̱nno̱we̱, azi ne, “Otore e̱e̱ti̱ ci a̱ru̱we̱k ol keet ci een ta̱la̱ke̱c.”

Evesos 5:2

Abunna ming abakku baiz rezinta ki i̱yo̱ko̱ ming irezet Ki̱ri̱sto̱ ko̱, a̱kku̱ enne ta̱mu̱-kenga ki̱ki̱ya̱ kize wawac cinna ka̱da̱k zo̱ze̱ cinna, atalnet zin Ta̱mu̱ta̱dde̱n zo̱ze̱ cinne.

I̱bu̱ru̱ 9:28

Imma zin i̱yo̱ko̱, a̱da̱i̱ Ye̱su̱ Ki̱ri̱sto̱ lak co̱de̱ kize wawac ci aara ol cik meelek mu̱nye̱n. Obodak atin enne lo̱o̱c kar ki̱ki̱ya̱ kanyahak ti̱ri̱ze̱ne̱t ol wak ere nonno.

Je̱mi̱s 2:21

Amire ki ji̱ji̱ti̱nna̱ Aburaham ci een e̱e̱t ci abunna ngati aanyik enne Ta̱mu̱ta̱dde̱n ngerinne I̱sa̱ko̱ kize wawac i̱te̱la̱?

1 Peturu 2:24

Atala Ye̱su̱ mu̱nye̱n cigga̱c. Odode ba̱li̱ye̱ enne keete wa een ta̱la̱ke̱c kar naga abunna ming kunnek mu̱nye̱n lo̱o̱c kar ka̱vvu̱t baize ci abunna. I̱di̱lle̱t enne agit ngodocete wak balik a̱ru̱we̱ ol nonno ke̱.