Kananet 21:16 - Tennet

¹⁶ Kar zin enne kuk ka̱vvu̱ lo̱o̱ta̱ ojonun, kar enne ki̱no̱n, “Iróng anna korongi kicin do̱le̱c ming a̱da̱i̱.” Kar ngati aave enne ke̱ akate u̱tu̱lu̱.

Kananet 21:16 ပူးပေါင်းရင်းမြစ်များ

Kananet 21:15

Baling edeccai maama balik de̱e̱ra̱ ke̱, u̱zu̱we̱k zin Hagari do̱le̱c ri̱i̱ i̱rri̱t imma.

Kananet 27:38

A̱nne̱k zin I̱sa̱u̱ baatinne ne, “Baba, anyai i̱nna̱ ma̱yu̱we̱ne̱t co̱de̱ ṯok niko? Ma̱yu̱wa̱ annit bu̱k!” U̱tu̱lu̱ zin I̱sa̱u̱ oroot.

Kananet 29:11

Izza zin Ya̱ko̱bo̱ Rachel kar ku̱tu̱lu̱ oroot.

Kananet 44:34

Kokko wo̱ye̱ anna rok baba ku̱, ming iróng anna kanyai ki do̱le̱c? I̱llo̱i̱! Ma aanya kicin matiz ci atin a̱kku̱na̱k baba.”

Lu̱ka̱ 15:20

Itinga zin enne je̱e̱na̱ kar ki̱mi̱re̱ kuk ngati baatinne. “Ma̱i̱je̱ baling ngen enne aave reena many, edenya da̱ baatinne nonno ming a̱kku̱ kar zinin cinne kibbit rezinet nonno; i̱vi̱r enne uk ngati ngerinne, a̱gga̱m nonno azzine kar kizza nonno oroot.

Buk ci ozoz zoz ci ngaa ci een Ruz 1:9

Anyik bai Manyi ka̱a̱nyu̱ng i̱ge̱t do̱o̱k urubta macwa cik abunna kar abait ce̱e̱zi̱nne̱ cuggo̱k labak.” Izza zin Naomi alawanet kar zin nege ku̱tu̱lu̱zzo̱ oroot,