Kananet 19:30 - Tennet

³⁰ Utungtek Loti ki dooli ciginnek nga̱a̱ye̱k ko̱ Zoar lo̱o̱c, kar zin koot ka̱vvu̱to̱ biyene, eci enne o̱ngo̱o̱le̱ ngati abahe Zoarakte. Abak enne ki doolik nga̱a̱ye̱k rama ngi̱lo̱ma̱.

Kananet 19:30 ပူးပေါင်းရင်းမြစ်များ

Kananet 13:10

Atangamek Loti tolol ci Jordani o̱to̱ne̱ ci okko ki Zoar ke̱ ming anyak maam cik meelek, ogon ki ma̱na̱ ci Manyi, ogon bo̱do̱k ki looci ci Masiro. (Ogone zoz necu baling ngen Ta̱mu̱ta̱dde̱n ki̱li̱b Sodom ki Gomorrah).

Kananet 14:22

Ma̱i̱je̱ Aburami a̱nne̱k alaan ci Sodomi ne, “Kodongeya anna a̱zzi̱t cinanni Manyi, Ta̱mu̱ta̱dde̱n wa A̱ddi̱ki̱re̱ Veelek, nonno ci eenyca ta̱mu̱-keng ki lo̱o̱c, kar zin anna ki̱tto̱n zare ciginnek,

Kananet 19:17

Baling iyoktai nege nogo orog abanyit, ize e̱e̱ti̱ imma ngatinne̱ng ne, “I̱vi̱re̱t zo̱ze̱ ci ruget cunno̱ng! Ma acinnu vu̱rru̱t, ma abillu ngamani mu̱u̱ra̱! I̱vi̱re̱t oot biyene ta̱dde̱na̱ icima ovvo atin niga aditannu.”

Kananet 19:19

Umuda du̱ca̱i̱ti̱ cunno̱ng rezinet ngu̱me̱ cunno̱ng, i̱ye̱le̱kku̱ zin niga bunnat annit zo̱ze̱ ci eelannu ruget cinanni. Ma̱i̱je̱ ngatu iróng ngen ka̱vi̱ri̱ biyene; okko atin li̱be̱ne̱t okko oowe cinanni, kar atin anna ka̱da̱u̱.

Kananet 49:4

Ogonni i̱nna̱ ki i̱yo̱ko̱ tawani ci a̱ri̱k ko̱, iróng atin i̱nna̱ ngen ogonni kaal ju̱rru̱m, eci i̱nna̱ uuwu rok kwe̱e̱n ci baatunne, u̱tu̱wu̱lu̱ rok nginti koonge anna.

Je̱mi̱s 1:8

Abarik ming uk enne orong kaal cik kar Manyi kaanyik nonno, ogon enne kiwagon e̱e̱ti̱ ci anyak zi̱nze̱tti̱ ram, iróng ogon kaal ne̱ke̱ do̱o̱k ju̱rru̱m.