Kananet 17:17 - Tennet

¹⁷ Uluc zin Aburahami oo kar zin katarar, i̱no̱n kar kizek ele ne, “A̱rri̱t ucca bo̱do̱k wo̱ye̱ e̱e̱ti̱ ci izeto e̱rki̱to̱wa̱ o̱bo̱n co̱de̱ (100)? A̱rri̱ta̱ wo̱ye̱ atin Sarah do̱le̱c ngati izeto e̱rki̱to̱wa̱ ciginnek moten torkoc?”

Kananet 17:17 ပူးပေါင်းရင်းမြစ်များ

Kananet 17:18

Iizek zin Aburaham Ta̱mu̱ta̱dde̱n ne “Anyik Ismail kabak ma̱yu̱we̱nte̱ cunne!”

Kananet 17:3

Atangu zin Aburami kicin ngu̱m cinne lo̱o̱c, kar Ta̱mu̱ta̱dde̱n kizek nonno ne,

Kananet 18:11

Anyatito ba̱li̱ye̱ Aburahami ki Sarah, ozoroc Sarah e̱rki̱to̱wa̱ wagon anyaine ngaai.

Kananet 18:12

Atararek zin Sarah ele, kar zin kozoz zinina kize ne, “Ngati kanyata anna, okko e̱e̱ti̱ cinanne ize ma̱ti̱yo̱c, ngen atin wo̱ye̱ anna ka̱ri̱ti̱?”

Kananet 21:5

Izeto da̱ e̱rki̱to̱wa̱ cik Aburahami do̱o̱k o̱bo̱n co̱de̱ (100) baling a̱rri̱ta̱i̱ ngerinne I̱sa̱ko̱.

Kananet 21:6

Ize Sarah ne, “Aanya Ta̱mu̱ta̱dde̱n katarar anna bu̱k, imma ol cik aziye zoz necu arari atin nege bu̱k ki annita.”

Kananet 21:7

Kar zin bo̱do̱k enne kotorek zoz cu, “Ngene wo̱ye̱ ci a̱du̱wa̱k Aburaham azi ne oroktine atin Sarah dooli? I̱yo̱ko̱ zin ki̱ti̱rra̱ zin anna nonno do̱le̱c ngati kizewe ma̱ti̱yo̱c oroot.”

Ma̱te̱yo̱ 2:11

I̱tto̱zzo̱ ce̱e̱z ci a̱rri̱ta̱ne̱ ol Ye̱su̱ ko̱, icinnet abarik do̱le̱c ki yaatinne Ma̱ri̱ya̱, a̱ka̱tte̱k nege u̱zu̱ngtti̱ lo̱o̱c kar ki̱di̱ngdi̱nga̱ni̱t nonno. Idimtta muci cigge̱k aanycik nonno. Adima nege dhahab ki maal ci ongooli laala ki lotagong kize muci ci anyike nege nonno.

Lu̱ka̱ 1:18

I̱jji̱n zin Zakaria anjilo, “Ka̱gga̱ atin anna zoz necu ku̱? Kiize anna ma̱ti̱yo̱c kar ngaa cinanne kanyak e̱rki̱nya̱ cik meelek.”

Kaviyak wak Abunna Ta̱mu̱ta̱dde̱no̱ eher Joni 8:56

Atal ba̱li̱ye̱ Aburahami orong kicin i̱i̱te̱n ci ka̱kku̱ne̱ anna, icin zin kar katalo.”

O̱no̱zzo̱k 11:16

Kar zin lo̱ddi̱ki̱re̱ wak e̱e̱ggi̱n moten rama ki we̱c aavtte lecerite ko̱ kakatek u̱zu̱ngti̱nne̱ kar ki̱di̱ngdi̱nga̱ni̱t Ta̱mu̱ta̱dde̱n.

O̱no̱zzo̱k 5:8

Kar baling a̱gga̱ma̱ enne waraga neci, a̱ka̱tte̱k zin kaala cik aruge e̱e̱ggi̱n we̱c ko̱ ki lo̱ddi̱ki̱re̱ moten rama ki we̱c do̱o̱k nonno u̱zu̱ngti̱nne̱. Anyak ngenngene gitar kar ka̱gga̱mi̱t bo̱do̱k uduce cik e̱e̱ggi̱n dhahab abbize lotagongi, e̱e̱ggi̱n ne̱ko̱ kaal cik alawe ol cik a̱li̱le̱ Ta̱mu̱ta̱dde̱n.