Kananet 17:12 - Tennet

¹² Eci bu̱u̱llo̱we̱ cik atin a̱vvu̱ ko̱, anyik la̱du̱n do̱le̱c kettede wucic vi̱ca̱vi̱ca̱ ming een gwo̱o̱nya̱ ciginnek tu̱rge̱, anyik bo̱do̱k dooli cik ollu a̱rri̱ta̱i̱ ce̱e̱ze̱ cunne bu̱k kettedit wucic vi̱ca̱vi̱ca̱ icima dooli cik a̱gga̱mnya̱i̱ moddene o̱ro̱bi̱ya̱i̱.

Kananet 17:12 ပူးပေါင်းရင်းမြစ်များ

Kananet 17:23

Imma wazin neci ele, uwe zin Aburahami ngerinne Ismail ki ol wak macik do̱o̱k ce̱e̱ze̱ cinne ki dooli wak a̱rri̱ta̱i̱ ce̱e̱ze̱ cinne ki wak a̱gga̱mnya̱i̱ ki du̱cca̱k ki wak uutai o̱ro̱bi̱ya̱i̱, kar zin ketted nogo wucic vi̱ca̱vi̱cce̱t ki bali ming a̱du̱wa̱k Ta̱mu̱ta̱dde̱n nonno ke̱.

Kananet 21:4

Baling izeto i̱i̱nya̱ cik I̱sa̱ko̱ tu̱rge̱, etteda zin Aburahami vi̱ca̱vi̱ca̱ cinne, ki bali ming u̱du̱wa̱k Ta̱mu̱ta̱dde̱n nonno ke̱.

Lu̱ge̱z 12:44

Adak wo̱ye̱ e̱e̱ti̱ ci uuta i̱nna̱ een du̱ca̱i̱t cunne kwo̱o̱r necu labak ming ettede vi̱ca̱vi̱ca̱ cinne,

Lu̱ka̱ 1:59

Baling ize i̱i̱nya̱ tu̱rge̱, i̱vi̱ta̱ nege ovvo etted do̱le̱c vi̱ca̱vi̱ca̱, orongit zin kakatek nonno zar cik baatinne Zakaria,

Lu̱ka̱ 2:21

Imma i̱i̱te̱ne̱ ci een tu̱rge̱, baling utube i̱i̱ ci ovvo nege ettede vi̱ca̱vi̱ca̱ cinne, a̱ka̱tte̱k zin nege nonno zar cik een Ye̱su̱, zar balik a̱du̱wa̱ anjilo baling ngen yaatinne kanyak nonno kenga.

Buk wa To̱ni̱a̱u̱ 7:8

Aanyik zin enne Aburaham olom ci ettede vi̱ca̱vi̱ca̱. I̱ti̱rra̱ zin Aburahami ngerinne I̱sa̱ko̱, baling izeto i̱i̱nya̱ ciginnek tu̱rge̱, etted zin vi̱ca̱vi̱ca̱. Ize I̱sa̱ko̱ be̱e̱ti̱ Ya̱ko̱bo̱, okko Ya̱ko̱bo̱ een be̱e̱ti̱ tatuget wak e̱e̱ggi̱n omoto ki rama ko̱.

Roma 2:28

Ki i̱yo̱ko̱ ming abak e̱e̱ti̱ ki olli Ya̱u̱do̱ kar etteddit vi̱ca̱vi̱cce̱t ko̱, iróng zoz necu aanyik nonno kize Ya̱u̱do̱c de̱de̱.

Vilipia 3:5

Ettede vi̱ca̱vi̱ca̱ cinanni baling izeto i̱i̱nya̱ cigannik tu̱rge̱. Ke̱e̱ni̱ anna e̱e̱t ci Israilo, biilete ci Benjamini. Ke̱e̱ni̱ e̱e̱t ci I̱bu̱ru̱ de̱de̱. Ki i̱yo̱ko̱ ming ke̱e̱ni̱ Varacisoc ko̱, ko̱ngo̱o̱le̱ anna Lo̱ti̱nno̱k cik Musesi de̱de̱.