Kananet 16:2 - Tennet

² Iizek zin Sarai Aburam ne, “Aanya Manyi kize i̱le̱l. Iróng ucca oginnu ki la̱ngi̱ze̱ni̱t cinanni ko̱ nya? Kar wo̱ye̱ kavadan.” Elema Aburami zoz neci Sarai ke̱.

Kananet 16:2 ပူးပေါင်းရင်းမြစ်များ

Kananet 11:30

Abile bali Sarai; iróng anyak do̱le̱c.

Kananet 17:16

Ka̱mu̱yu̱i̱ atin anna nonno kar ki̱ti̱rra̱i̱ i̱nne̱t do̱le̱c ci maci. Ka̱mu̱yu̱i̱ atin nonno kize e̱e̱ti̱ i̱do̱ngi̱nnu̱ kar atin alaata cik a̱ddi̱ki̱re̱ a̱vvu̱ ce̱e̱ze̱ cunne.”

Kananet 18:10

Ize zin Manyi ne, “Kobodaki atin lola i̱i̱te̱n cu ele e̱rki̱ta̱, kar atin ngaa cunne Sarah kanyak do̱le̱c ci maci.” I̱yo̱ko̱ zin azikne da̱ enne Sarah ti̱ta̱, bo̱i̱ce̱ ci Aburahami.

Kananet 19:31

Okko i̱i̱te̱n imma a̱nne̱k do̱le̱c ci a̱ddi̱ki̱re̱ ko̱ ngooni wa dici ko̱ ne, “Anyat be̱e̱ti̱nna̱, i̱llo̱i̱ zin e̱e̱t imma ci maci ngatu kar ka̱ta̱gu̱zze̱ta̱, ki ming abak ol lo̱o̱co̱we̱ do̱o̱k ko̱.

Kananet 20:18

eci bali Manyi unyuk ke̱ngti̱ cik ngaanu do̱o̱k ce̱e̱ze̱ ci Abimelechi zo̱ze̱ ci Sarah ngaa ci Aburahami.

Kananet 25:21

Alawek I̱sa̱ko̱ Manyi zoz ci ngaa cinne, eci abile ba̱li̱ye̱ Rebekah. Izik zin Manyi lawinet cinne, anyaho zin ngaa cinne.

Kananet 3:12

A̱nne̱k zin Adami Ta̱mu̱ta̱dde̱n ne, “Ngaa bali anyahaka ke̱ ci aduca o̱ya̱u̱ cik keet neci kar kanyaha u̱gge̱ kar anna kadau.”

Kananet 3:17

Iizek zin Ta̱mu̱ta̱dde̱n Adam ne, “Eci i̱nna̱ elemu zoz ci ngaa cunne, adau zin o̱ya̱u̱ cik keet bali ka̱nne̱ki̱ ne, ‘Ma adai ke̱,’ “Kotori zin todowa zo̱ze̱ cunne; amuda atigon i̱nna̱ da̱i̱ne̱t cigunnek piryanzeta ngati eeve lo̱o̱c baize cunne do̱o̱k.

Kananet 30:22

A̱a̱da̱ zin Ta̱mu̱ta̱dde̱n Rachel; izik enne lawinet cinne kar kidiman mo̱mu̱ cinne.

Kananet 30:6

Ize zin Racheli ne, “Eelawa Ta̱mu̱ta̱dde̱n annita; izik enne lawinet cinanni kar kaanya do̱le̱c ci maci.” Akatek zin enne nonno zar cik een Dan.

Buk ci ozoz zoz ci ngaa ci een Ruz 4:11

Kar zin lo̱ddi̱ki̱re̱ ki ol ne̱k aavtte arana ke̱ do̱o̱k kizeto ne, “I̱i̱ny, ke̱e̱ggi̱nna̱ naga de̱de̱ bbacak. Anyik bai Manyi ka̱mu̱yu̱k ngaa ci a̱kku̱ ce̱e̱z cunne ko̱ ku̱tu̱gu̱ ki Racheli ki Le̱ya̱, nogo cik aanyik olli Israilo kotorte. Anyik Ta̱mu̱ta̱dde̱n kaanyi ize bo̱to̱ro̱c kar ol ki̱di̱ngdi̱nga̱nti̱ i̱nne̱t boore ci Ephrathah a̱bu̱le̱ zara Betelema do̱o̱k ko̱.