Kananet 15:6 - Tennet

⁶ Elema zin Aburami zoz ci Manyi, kar enne kanyik nonno kize e̱e̱t ci abunna.

Kananet 15:6 ပူးပေါင်းရင်းမြစ်များ

Roma 4:11

Aanyik Aburahami ele cinne kettede kar ki̱ye̱la̱ bunnat cinne eci enne a̱tu̱ Ta̱mu̱ta̱dde̱n ki bali ming ngen enne ketted wucic vi̱ca̱vi̱ca̱ ke̱ nu̱nu̱n. Aanyik zin zoz necu Aburaham kize be̱e̱ti̱ ol wak elemi Ta̱mu̱ta̱dde̱n tu̱we̱nte̱ cinne̱ng, ming iróng nege etted nu̱nu̱n.

Roma 4:9

Ma i̱yo̱ko̱ een ma̱yu̱we̱ne̱t ci ol balik etted vi̱ca̱vi̱cce̱t een Ya̱u̱d ko̱ do̱, iróng een ci ollu do̱o̱k? Iróng een niko, azi bali Warage ci Ta̱mu̱ta̱dde̱no̱ ne, elema Ta̱mu̱ta̱dde̱n Aburaham kubunna eci enne a̱tu̱ nonno.

2 Ko̱ri̱nto̱ 5:19

Een zin necu zoz ci gon kuwakka naga baling a̱da̱k Ki̱ri̱sto̱ ko̱ necu. Anyike Ta̱mu̱ta̱dde̱n ol do̱o̱k lo̱o̱ta̱ ngatu abunna ming anyak gano ki nonno. Iróng enne ngen azunne ba̱ci̱nno̱k balik ogon ol wak a̱tu̱we̱ ke̱. Aanyyet enne kaviyak cik kabahe naga labak ki nonno.

I̱bu̱ru̱ 11:8

Imma bo̱do̱k tu̱we̱nte̱ ci e̱e̱t ci een zara Aburaham, elema zoz ci Ta̱mu̱ta̱dde̱no̱ baling awu nonno ke̱, kar kuk lo̱o̱ce̱ bali a̱nne̱k Manyi anyik nonno kuk ke̱, kar atin kuuwe lo̱o̱c neci kize cinne. Okko enne ming iróng a̱gga̱ lo̱o̱c neci nu̱nu̱n.

Je̱mi̱s 2:23

Akat zin zoz Warage ci Ta̱mu̱ta̱dde̱no̱ mo̱o̱le̱t, azi ne, “Elema zin Aburahami zoz ci Ta̱mu̱ta̱dde̱no̱ kar enne kanyik nonno kize e̱e̱t ci abunna,” kar ol kutuwec nonno kize gooni Ta̱mu̱ta̱dde̱n.