Kananet 14:14 - Tennet

¹⁴ Baling izik Aburami ming a̱gga̱me̱ booriti cinne, uluta ol wak edemezit illa e̱e̱ggi̱n obet i̱i̱yo̱ ki omoto ki tu̱rge̱ (318) ol balik a̱rri̱ta̱i̱ ce̱e̱ze̱ cinne ke̱, kar zin kunu zo̱o̱ cik ol ne̱k a̱gga̱m boorit cinne ke̱ zee rok nginti een Dan.

Kananet 14:14 ပူးပေါင်းရင်းမြစ်များ

Kananet 12:16

I̱ti̱ri̱z alaani ci Masiro Aburam ju̱rru̱m zo̱ze̱ ci ngaa cinne, aanyik zin nonno eeza ki tiin ki zi̱gi̱re̱ cik nga̱a̱ye̱k ki cik macik, naganaget ki du̱cca̱k cik nga̱a̱ye̱k ki cik macik.

Kananet 12:5

Okkoye Aburami ki ngaa cinne Sarai, ki ngerrti gotononi ci een zara Lot, ovvoye ki kaal cigge̱k ki ol cik abak ki nogo o̱rge̱ ci een Haran, kar zin ku̱lu̱ge̱t koot lo̱o̱ce̱ ci een Kanaan, kar zin ku̱zu̱cca̱ ngineci.

Kananet 13:8

A̱nne̱k zin Aburami Lot ne, “Gerza ming kanyak dango orgene cinna, icima orgene ci tuwayok cigunnek ki cigannik, eci ke̱e̱ggi̱n naga boor co̱de̱.

Kananet 14:12

Odongit zin ki ngerrti gotoni Aburam wa een Lot ki kaal ciginnek do̱o̱k, eci abak enne ba̱li̱ye̱ o̱rge̱ ci Sodomi.

Kananet 14:16

Obodai zin enne kaal balik aama nege ke̱ do̱o̱k, kar kobodai boorit cinne Lot ki kaal ciginnek do̱o̱k, ki ngaai ki ol u̱gge̱ bu̱k.

Kananet 15:3

Kar Aburami kize ne, “I̱llo̱i̱ dooli cik aanya i̱nna̱ annita; okko atin du̱ca̱i̱ti̱ imma ce̱e̱ze̱ cinanni aragiz ce̱e̱z cinanni.”

Kananet 17:12

Eci bu̱u̱llo̱we̱ cik atin a̱vvu̱ ko̱, anyik la̱du̱n do̱le̱c kettede wucic vi̱ca̱vi̱ca̱ ming een gwo̱o̱nya̱ ciginnek tu̱rge̱, anyik bo̱do̱k dooli cik ollu a̱rri̱ta̱i̱ ce̱e̱ze̱ cunne bu̱k kettedit wucic vi̱ca̱vi̱ca̱ icima dooli cik a̱gga̱mnya̱i̱ moddene o̱ro̱bi̱ya̱i̱.

Kananet 17:23

Imma wazin neci ele, uwe zin Aburahami ngerinne Ismail ki ol wak macik do̱o̱k ce̱e̱ze̱ cinne ki dooli wak a̱rri̱ta̱i̱ ce̱e̱ze̱ cinne ki wak a̱gga̱mnya̱i̱ ki du̱cca̱k ki wak uutai o̱ro̱bi̱ya̱i̱, kar zin ketted nogo wucic vi̱ca̱vi̱cce̱t ki bali ming a̱du̱wa̱k Ta̱mu̱ta̱dde̱n nonno ke̱.

Kananet 17:27

Ovvo ol cik macik ce̱e̱ze̱ ci Aburahami do̱o̱k, ki dooli wak a̱rri̱ta̱i̱ ce̱e̱ze̱ cinne ki wak uutai o̱ro̱bi̱ya̱i̱ i̱do̱ngi̱ne̱, ettede nogo wucic vi̱ca̱vi̱cce̱t do̱o̱k.

Kananet 18:19

Eci katahala anna nonno, kar atin enne ki̱ye̱le̱k dooli ciginnek ki ol cik a̱li̱ngli̱ngi̱ ce̱e̱ze̱ cinne gool ci Manyi, ngati ogone nege kaal cik abunna, kar atin anna Manyi kanyahak Aburaham zoz bali ku̱du̱wa̱ anna ke̱.”

Kananet 23:6

“Ddi̱ki̱ryo̱i̱t, zik zoz cinna̱ng. E̱e̱ni̱ i̱nna̱ ddi̱ki̱ryo̱i̱t ci ommog veelek orgene cinna. Dawek miningit cunne nginti ahala zinin cunne. Iróng wo̱ye̱ e̱e̱ti̱ imma ngatinna̱ng a̱ju̱ra̱ki̱ nginti een ilomi.”

1 Jon 2:18

Izikto niga dooli wagannik tu̱we̱nta̱, i̱ki̱ya̱ ṯurnenet ci lo̱o̱tu̱. Iziktu niga ba̱li̱ye̱ zoz ci azi ne, a̱kku̱ atin mo̱dde̱nti̱ ci amarine Ki̱ri̱sto̱. I̱yo̱ko̱ zin i̱ye̱ltta̱i̱ mo̱ddo̱ cik Ki̱ri̱sto̱ cik meelek. Imma zin zo̱ze̱ neci ka̱gga̱ i̱ki̱ya̱ ṯurnenet ci lo̱o̱tu̱.