Kaviyak wak Abunna Ta̱mu̱ta̱dde̱no̱ eher Joni 9:39 - Tennet

³⁹ Ize zin Ye̱su̱ ne, “Ka̱kku̱ni̱ la̱du̱n anna lo̱o̱c kar ki̱ki̱ya̱ kapak zoz, kanyik ol wak ru̱be̱ni̱k kicinte, ovvo ol wak acine e̱e̱ggi̱n ru̱be̱ne̱.”

Kaviyak wak Abunna Ta̱mu̱ta̱dde̱no̱ eher Joni 9:39 ပူးပေါင်းရင်းမြစ်များ

Ma̱te̱yo̱ 11:5

Icinte ol wak ru̱be̱ni̱k, otozo ol wak ngoolik, ubunntta ol wak anyak dhovo, izikto ol wak adite iina, itingazzo ol wak a̱da̱i̱to̱ daiza, kar zin kuwaktozik kaviyaha cik abunna Ta̱mu̱ta̱dde̱no̱ ol wak amati.

Ma̱te̱yo̱ 15:14

Utungtek nogo lo̱o̱c; ogon nege ki ol cik ru̱be̱ni̱k kar ku̱tu̱gu̱re̱t gonoggi cik ru̱be̱ni̱k bu̱k, i̱i̱na̱k atin nege do̱o̱k lowulang.”

Ma̱te̱yo̱ 6:23

Abarik ming iróng e̱be̱re̱ci̱ cunne abunna, aave ele cunne do̱o̱k mu̱hu̱ra̱. Ming aave ele cunne mu̱hu̱ra̱, een ucca mu̱hu̱re̱te̱ni̱ neci ki nya!

Lu̱ka̱ 1:79

kataran ol wak abak mu̱hu̱ri̱te̱na̱ ki ngati daizo, ki̱ye̱le̱k zo̱o̱ cigga̱c gool ci anyak gano.”

Lu̱ka̱ 13:30

De̱de̱, anyak ol cik e̱e̱ggi̱n vu̱rrti̱ ovvo atin nege e̱e̱ggi̱n o̱o̱tti̱, kar cik e̱e̱ggi̱n o̱o̱tti̱ ovvo atin nege e̱e̱ggi̱n vu̱rrti̱.”

Lu̱ka̱ 2:34

Kar zin enne ku̱mu̱yu̱k nogo do̱o̱k, kar kizek Ma̱ri̱ya̱ wa een yaatinne ko̱ ne: “Atahalai do̱le̱c necu kar ki̱ki̱ya̱ kaanyik ol cik meelek ku̱yu̱kte̱ kar bo̱do̱k uggak kitingazzo lo̱o̱ce̱ ci Israilo, kar atin enne kize baayenit ci adang ol zoz cinne,

Lu̱ka̱ 4:18

“Aave Vongizi ci Manyi ngatinanni, eci enne atahala annita kar kuwahek kaviyak cik abunna ol cik amati. I̱tto̱na̱na̱ enne kar kuwahek zoz ol wak e̱ce̱bje̱ lagama kar koogtai kar ol wak ru̱be̱ni̱k kicinte, kar kooga ol wak ommogek ol lo̱o̱c,

Lu̱ka̱ 7:21

Imma i̱i̱te̱ne̱ neci ele, angaru Ye̱su̱ ol cik meelek anyak mo̱ri̱zzo̱k cik aavtte do̱ do̱, ki ol wak anyak kuulo cik lo̱rye̱nta̱k, kar koo ebere cik ol cik ru̱be̱ni̱k.

Kaviyak wak Abunna Ta̱mu̱ta̱dde̱no̱ eher Joni 12:31

I̱yo̱ko̱ ize i̱i̱ ci ettedine lo̱ki̱ko̱ ci olli lo̱o̱tu̱, kar atin lo̱rye̱nti̱ ci abal lo̱o̱c cu ko̱ kottowe.

Kaviyak wak Abunna Ta̱mu̱ta̱dde̱no̱ eher Joni 12:46

Ka̱kku̱na̱k anna lo̱o̱c kize tukulec ci lo̱o̱tu̱, kar e̱e̱ti̱ ci a̱tu̱ya̱ annita iróng atin owo ngati mu̱hu̱ri̱.

Kaviyak wak Abunna Ta̱mu̱ta̱dde̱no̱ eher Joni 3:17

Iróng Ta̱mu̱ta̱dde̱n i̱tto̱na̱k Ngerinne lo̱o̱c, kar ki̱ki̱ya̱ ketted lo̱ki̱ko̱ ci ollu, i̱tto̱na̱ abarik kar ki̱ki̱ya̱ kuruguz ol.

Kaviyak wak Abunna Ta̱mu̱ta̱dde̱no̱ eher Joni 3:19

Een icu zoz ci ettede enne lo̱ki̱ko̱: I̱tto̱na̱k Ta̱mu̱ta̱dde̱n Ye̱su̱ lo̱o̱c kize tukulec, imma e̱e̱ti̱ ci diiri abure, irez mu̱hu̱ri̱te̱n kommog tukulec, eci nege ogon kaal cik gerzek.

Kaviyak wak Abunna Ta̱mu̱ta̱dde̱no̱ eher Joni 8:12

Ozozik bo̱do̱k Ye̱su̱ nogo, a̱nne̱k ne, “Ke̱e̱ni̱ anna tukulec ci lo̱o̱tu̱. Imma ming annuya e̱e̱ti̱ iróng atin owo ngati mu̱hu̱ri̱, abarik atin enne anyak tukulec ci rugeto.”

Kaviyak wak Abunna Ta̱mu̱ta̱dde̱no̱ eher Joni 8:15

Etteddu niga zoz go̱o̱le̱ ci acine e̱e̱ti̱ ci diiri kaal. Imma anna iróng kettedi zoz ci e̱e̱t imma.

Kaviyak wak Abunna Ta̱mu̱ta̱dde̱no̱ eher Joni 9:25

O̱bo̱de̱k zin enne nogo, a̱nne̱k ne, “Ming anyak enne mu̱nye̱n icima iróng anyak, iróng anna ka̱gga̱. Imma i̱yo̱ko̱ ka̱gga̱ gi̱i̱ co̱de̱, ke̱e̱ni̱ ba̱li̱ye̱ ru̱be̱n, i̱yo̱ko̱ kicinne.”

Buk wa To̱ni̱a̱u̱ 26:18

kar oo ebere cigge̱k, tuhu nogo ngati mu̱hu̱ri̱ kicinnet nginti voori. Ooga nogo komize ci Sitano ki̱vi̱ta̱k Ta̱mu̱ta̱dde̱n, kar enne kalalek nogo mu̱nye̱n cigge̱k kar nege kidongte ki ol cik Ta̱mu̱ta̱dde̱no̱ a̱li̱le̱ zo̱ze̱ ci a̱tu̱ya̱ nege annita.’

2 Ko̱ri̱nto̱ 2:16

Ogon de̱mzi̱ne̱t ci Ye̱su̱ ngati ol u̱gge̱ ki amanteci ci rugeto, ci anyahak nogo ruget; okko ngati ol u̱gge̱ een boror ci ongooli ṯa̱ṯi̱, anyaha daiz. I̱llo̱i̱ e̱e̱t imma ci anyak komiz do̱ kar ku̱tu̱gu̱we̱k Ta̱mu̱ta̱dde̱n li̱ngli̱ngo̱n cinne.

Evesos 5:14

Eci vooriteni aanyik kaal do̱o̱k ki̱ye̱lta̱i̱. Zoz zin ci u̱du̱ya̱i̱ azi ne: “Tinga je̱e̱na̱ i̱nna̱ e̱e̱ti̱ ci adungi ko̱, tinga daiza, kar atin vooriten ci Ki̱ri̱sto̱ kataranin.”

2 Te̱se̱lo̱ni̱ka̱ 2:10

ki kaale cik mu̱nye̱nu̱ a̱lu̱te̱ ol cik ovvo daiza. A̱da̱i̱ nege eci utuburet rezinet zoz ci een de̱de̱ kar zin nege ku̱mu̱dda̱ ti̱ri̱ze̱ne̱t.

1 Peturu 2:9

Abarik e̱e̱ggi̱nnu̱ niga zu̱we̱ ci atahala Ta̱mu̱ta̱dde̱n, olli wawaco ce̱e̱ze̱ cinne, zu̱we̱ ci a̱li̱le̱, ol cik Ta̱mu̱ta̱dde̱no̱, kar inatit nonno eci anyahaung ngati mu̱hu̱ri̱ kar icinnet ngintinne voori.

1 Jon 2:11

Imma e̱e̱ti̱ ci amarine gotoni, aave enne mu̱hu̱ra̱to̱ kar koto ngati mu̱hu̱ri̱. Iróng enne a̱gga̱ nginti okkoye enne, eci mu̱hu̱ri̱ u̱bu̱ng ebere ciginnek.