Kaviyak wak Abunna Ta̱mu̱ta̱dde̱no̱ eher Joni 9:34 - Tennet

³⁴ O̱bo̱dde̱k zin nonno, a̱nne̱k ne, “A̱rri̱ta̱i̱ ba̱li̱ye̱ i̱nna̱ mu̱nye̱ne̱, i̱yo̱ko̱ edemezet wo̱ye̱ i̱nna̱ agita?” Kar zin kotoit nonno kuk reena Ce̱e̱z wa Lawinto.

Kaviyak wak Abunna Ta̱mu̱ta̱dde̱no̱ eher Joni 9:34 ပူးပေါင်းရင်းမြစ်များ

Kananet 19:9

A̱nne̱k zin nege Lot ne, “Nyehe go̱o̱le̱ cinna̱ng, a̱vvu̱ ol ne̱ke̱ ngintu e̱e̱ggi̱n i̱do̱ngi̱, kar i̱yo̱ko̱ orongi ize alaan ci ettedi zoz i̱nna̱! Kogoniki atidic naga i̱nne̱t gi̱i̱ ci gerze kommog cinne̱ng.” Adangek nege zoz Lot kar kicaktozik nonno orongit ku̱du̱lle̱t tatug.

Lu̱ge̱z 2:14

Izek zin e̱e̱ti̱ neci nonno ne, “Ngene ci aanyi i̱nne̱t ize alaan ci ettedi zoz cinna̱ng? Orongi i̱yo̱ko̱ ru̱wa̱ ki bali ming a̱ru̱i̱ i̱nna̱ e̱e̱t bali Masiro ke̱?” O̱to̱ngo̱o̱le̱ zin Musesi kar ki̱no̱n, “A̱gga̱c ol zoz bali kogonni anna ke̱.”

Lu̱ka̱ 11:45

O̱bo̱de̱k zin de̱me̱zo̱i̱ti̱ co̱de̱ ci anyak arizet cik lo̱ti̱nno̱u̱ nonno, “De̱me̱zo̱i̱t, ming a̱du̱wa̱ i̱nna̱ zoz necu ko̱ odomnyet i̱nna̱ agita bu̱k.”

Lu̱ka̱ 14:11

Eci ngati e̱e̱t imma ci odong ele cinne okko atin obodane ele, okko e̱e̱ti̱ ci obodane ele okko atin odongnye.”

Lu̱ka̱ 18:17

Ka̱du̱wa̱kku̱ng anna i̱ge̱t zoz wa een de̱de̱, ming iróng e̱e̱ti̱ imma a̱gga̱ma̱ ba̱a̱li̱ne̱t ci Ta̱mu̱ta̱dde̱no̱ tu̱we̱nta̱ ku̱tu̱gu̱ ki do̱le̱c cidici ko̱, iróng atin enne i̱i̱zo̱ ngin neci.”

Lu̱ka̱ 6:22

U̱mu̱yu̱kte̱u̱ niga ming amarinnung ol, ming aburnnung ol i̱ge̱ta̱ kar kodomtung kar kutuburret zar cuggo̱k azi ne e̱e̱ggi̱n niga olli mu̱nye̱nu̱ zo̱ze̱ ci Ngerrti E̱e̱to̱.

Kaviyak wak Abunna Ta̱mu̱ta̱dde̱no̱ eher Joni 6:37

A̱vvu̱na̱ka̱ atin ol wak aanya Baatanni annita, ma̱i̱je̱ ming a̱kku̱nna̱ka̱ e̱e̱ti̱ imma iróng anna ka̱bu̱ri̱.

Kaviyak wak Abunna Ta̱mu̱ta̱dde̱no̱ eher Joni 8:41

Ogonnu niga kaal wak u̱tu̱gu̱ be̱e̱ti̱nno̱ng.” Utuburet zin nege nong, kar zin kizettek nonno ne, “Iróng naga ke̱e̱ggi̱nna̱ dooli cik a̱rri̱ta̱i̱ te̱ge̱la̱, ke̱e̱ggi̱nna̱ dooli cik Ta̱mu̱ta̱dde̱no̱, nonno do̱ niko ci een Be̱e̱ti̱nna̱ng.”

Kaviyak wak Abunna Ta̱mu̱ta̱dde̱no̱ eher Joni 9:2

I̱jji̱nne̱t nuyaha nonno, izettek ne, “De̱me̱zo̱i̱t, a̱rri̱ta̱i̱ dim da̱ e̱e̱ti̱ necu kize ru̱be̱n nya, ngene ci abaci, anyak enne mu̱nye̱n yo icima i̱yo̱ko̱ baatinne ki yaatinne da̱?”

Kaviyak wak Abunna Ta̱mu̱ta̱dde̱no̱ eher Joni 9:22

Ozoz ciko baatinne ki yaatinne niko eci nege o̱ngo̱o̱le̱ lo̱ddi̱ki̱re̱ cik Ya̱u̱do̱ zo̱ze̱ ci azi ne, ming elema e̱e̱ti̱ imma zoz ci Ye̱su̱ een enne Ki̱ri̱sto̱, ottoit ma anyikku ki̱tto̱zzo̱ Ce̱e̱z wa Lawinto.

Kaviyak wak Abunna Ta̱mu̱ta̱dde̱no̱ eher Joni 9:35

Baling izik Ye̱su̱ zoz ci otowe nege nonno re̱e̱nu̱n, uk uruba e̱e̱t neci, izek zin ne, “A̱tu̱ i̱nna̱ Ngerrti E̱e̱to̱?”

Kaviyak wak Abunna Ta̱mu̱ta̱dde̱no̱ eher Joni 9:40

Iziyyet da̱ ol uggak wak e̱e̱ggi̱n Varacis Ye̱su̱ ming a̱du̱wa̱ zoz neci kar zin ki̱jji̱nne̱t kizettek ne, “Ke̱e̱ggi̱nna̱ naga bu̱k ru̱be̱ne̱?”

1 Ko̱ri̱nto̱ 5:13

Eci Ta̱mu̱ta̱dde̱n atin ci apahek ol wak iróng a̱tu̱we̱ ko̱ lo̱ki̱ko̱. E̱he̱rye̱ Warage ci Ta̱mu̱ta̱dde̱no̱ azi ne, “Ottoit e̱e̱t ci mu̱nye̱nu̱ orgene cunno̱ng.”

Ga̱la̱ti̱a̱ 2:15

Kar bo̱do̱k kize ne, “Anna ki i̱ge̱t aritanet ol cik een Ya̱u̱d, iróng ke̱e̱ggi̱n olli mu̱nye̱nu̱ ki ol cik iróng een Ya̱u̱d ko̱.

Evesos 2:3

Kabak ba̱li̱ye̱ naga bu̱k ki i̱yo̱ko̱, kabal e̱le̱tti̱ kaale cik kireze e̱le̱tti̱. Kaanycik zin naga Ta̱mu̱ta̱dde̱n komoze zo̱ze̱ ci kogon naga ko̱, okko atin enne ettedekket lo̱ki̱ko̱ ki ol do̱o̱k.

1 Peturu 5:5

Niga dooli wak kidik, wak ngen ingannu, abunna ming o̱ngo̱o̱li̱nnu̱ ol cik a̱ddi̱ki̱re̱. Abunna ming o̱ngo̱o̱li̱nnu̱ e̱le̱tti̱, eci azi buwe ci Ta̱mu̱ta̱dde̱no̱ ne, “Adang Ta̱mu̱ta̱dde̱n e̱e̱t ci odong ele abarik aanyik deten e̱e̱t ci iróng odong ele.”

3 Jon 1:10

Ming ki̱ki̱ya̱u̱ng, kokko atin kozozi zoz cinne, ovolong enne egerzan zar cigga̱c. Abarik abure kar kurumte ki gotonogget tu̱we̱nta̱, iróng orong kar kivata gotonogget. Ottok zin enne ol wak ogon niko ke̱le̱ci̱a̱.

3 Jon 1:9

Ketehereya ba̱li̱ye̱ anna waraga ol cik a̱tu̱we̱ ke̱le̱ci̱a̱, ma̱i̱je̱ e̱e̱ti̱ ci een Diotrephes ci orong kize ddi̱ki̱ryo̱i̱t cinne̱ng ko̱, iróng zin enne orong kizik zoz cinna.

O̱no̱zzo̱k 13:17

kar iróng e̱e̱ti̱ imma utene icima uuta kaal ming iróng enne anyak baayenit ci een zar cik e̱le̱gto̱ icima nimira ci zar ciginnek.