Kaviyak wak Abunna Ta̱mu̱ta̱dde̱no̱ eher Joni 9:29 - Tennet

²⁹ Ka̱gga̱yya̱ niko ozozik ba̱li̱ye̱ Ta̱mu̱ta̱dde̱n Muses, imma e̱e̱ti̱ cu, iróng ka̱gga̱yya̱ nginti a̱kku̱nne̱.”

Kaviyak wak Abunna Ta̱mu̱ta̱dde̱no̱ eher Joni 9:29 ပူးပေါင်းရင်းမြစ်များ

Ma̱te̱yo̱ 12:24

Ma̱i̱je̱ baling ovvo olli Varacisi aziye zoz necu, izeto ne, “Ottok e̱e̱ti̱ necu kuulo katkatone ci Beelzebub alaan ci kuulou.”

Ma̱te̱yo̱ 26:61

a̱nne̱k ol ne, “Azi Ye̱su̱ ne, ‘Kazanni wo̱ye̱ anna Ce̱e̱z wa Ta̱mu̱ta̱dde̱no̱ kar bo̱do̱k keteeheny gwo̱o̱ya̱ cik een i̱i̱yo̱.’”

Lu̱ka̱ 23:2

Kar ka̱ka̱tte̱ kovolongte nonno, kizeto ne, “Karubanna e̱e̱t cu ming orong ki̱li̱b lo̱o̱c cinna. Adang enne zoz ci a̱ru̱we̱k ol mucuru alaan ci a̱ddi̱ki̱re̱ Romi, kar kize ne ke̱e̱ni̱ enne Ki̱ri̱sto̱, alaan.”

Kaviyak wak Abunna Ta̱mu̱ta̱dde̱no̱ eher Joni 1:17

Anyaha ba̱li̱ye̱ Ta̱mu̱ta̱dde̱n lo̱ti̱nno̱k go̱o̱le̱ wa Musesi, kar zin kuwahek ol; okko Ye̱su̱ Ki̱ri̱sto̱ anyaha deten ki zoz wa een de̱de̱.

Kaviyak wak Abunna Ta̱mu̱ta̱dde̱no̱ eher Joni 7:27

Ka̱gga̱yya̱ ri̱t nginti a̱kku̱nne̱ e̱e̱ti̱ necu. Ming okko a̱kku̱ Ki̱ri̱sto̱, i̱llo̱i̱ atin e̱e̱t ci a̱gga̱ nginti a̱kku̱nne̱.”

Kaviyak wak Abunna Ta̱mu̱ta̱dde̱no̱ eher Joni 7:28

Baling ngen Ye̱su̱ edemez ol reena Ce̱e̱ze̱ wa Ta̱mu̱ta̱dde̱no̱, egereny zin oroot, ize ne, “A̱gga̱yya̱ng de̱de̱, a̱gga̱yyu̱ nginti ka̱kku̱ne̱? Iróng anna ka̱kku̱ni̱ ngintu do̱ o̱o̱we̱ cinanni, ma̱i̱je̱ e̱e̱ti̱ ci i̱tto̱na̱na̱ a̱du̱wa̱ zoz ci een de̱de̱. Iróng zin niga a̱gga̱yyu̱ nonno.

Kaviyak wak Abunna Ta̱mu̱ta̱dde̱no̱ eher Joni 8:14

O̱bo̱de̱k Ye̱su̱ nogo, a̱nne̱k ne, “Ming nu̱nu̱n kozozi zoz ci obod ki ele cinanni do̱, een zoz neci de̱de̱, eci ka̱gga̱ nginti ka̱kku̱ne̱ ki ci kokkoye. Ma abarik niga iróng a̱gga̱yyu̱ nginti ka̱kku̱ne̱ anna icima nginti kokkoye.

Kaviyak wak Abunna Ta̱mu̱ta̱dde̱no̱ eher Joni 9:16

Izeto ol ne̱k e̱e̱ggi̱n Varacis uggak ne, “Iróng e̱e̱ti̱ ci a̱ti̱ri̱z ol ko̱ a̱kku̱ Ta̱mu̱ta̱dde̱na̱, ma̱rri̱t enne ming iróng azunne I̱i̱te̱ne̱ wa Yu̱bze̱nto̱.” Ma̱i̱je̱ uggak i̱jji̱nto̱ izeto ne, “Ogon wo̱ye̱ e̱e̱ti̱ ci mu̱nye̱nu̱ kaal cik a̱vu̱la̱ ki ne̱ko̱ ku̱?” Engertto ol ne̱k e̱e̱ggi̱n Varacis ke̱ orgena.

Kaviyak wak Abunna Ta̱mu̱ta̱dde̱no̱ eher Joni 9:24

U̱tu̱ya̱ bo̱do̱k lak ram e̱e̱t bali a̱rri̱ta̱i̱ kize ru̱be̱n ke̱, kar zin kizeto ne, “Anyik Ta̱mu̱ta̱dde̱n zany, ka̱gga̱yya̱ een e̱e̱ti̱ ci oo ebere cigunnek ko̱ een e̱e̱t ci mu̱nye̱nu̱.”

Kaviyak wak Abunna Ta̱mu̱ta̱dde̱no̱ eher Joni 9:30

O̱bo̱de̱k zin e̱e̱ti̱ neci nogo, izek ne, “Aninna zoz cunno̱ng oroot! Ooya e̱e̱ti̱ neci annit ebere kicinte, kar zin niga izet ne iróng a̱gga̱yyu̱ rok nginti a̱kku̱nne̱ e̱e̱ti̱ necu?

Buk wa To̱ni̱a̱u̱ 22:22

Aziye nege Pa̱u̱lo̱ zee ku̱du̱wa̱ enne zoz necu. Egerenyit zin nege oroot izeto ne, “Amadanit nonno ki̱zzi̱! Eci enne iróng agano ki ruget!”

Buk wa To̱ni̱a̱u̱ 26:22

Eelanna Ta̱mu̱ta̱dde̱n i̱i̱nya̱ ne̱ko̱ do̱o̱k. I̱yo̱ko̱ kabili ngatu, ka̱du̱wa̱i̱ zoz cinanni ol veelek cikidik ki ol cik a̱ddi̱ki̱re̱ nga̱to̱de̱. Een zoz ci ka̱du̱wa̱ ko̱ bali u̱du̱kta̱ a̱ri̱tto̱wa̱ wak zoz ci Ta̱mu̱ta̱dde̱no̱ ki Muses azi ne, akati atin zoz necu mo̱o̱le̱t,

Buk wa To̱ni̱a̱u̱ 7:35

“Een necu Muses bali abure ol ke̱ kar bali kizettek nonno ne, ‘Ngene ci aanyi i̱nne̱t ize alaan ci ettedi zoz cinna̱ng?’ I̱tto̱n zin Ta̱mu̱ta̱dde̱n abarik nonno kize e̱e̱t ci abal kar bo̱do̱k keela nogo ngati anjilo bali iyowak nonno garuwe zare bali atuze kiwagon gwa̱a̱ ke̱.

I̱bu̱ru̱ 1:1

Imma da̱ bali reena, go̱o̱lo̱we̱ cik meelek, ozozik Ta̱mu̱ta̱dde̱n ji̱ji̱ti̱gga̱c balik reentik ke̱, zoz wainne go̱o̱le̱ ci i̱tto̱na̱ne̱ a̱ri̱tto̱k cik zoz ci Ta̱mu̱ta̱dde̱no̱ ki̱vi̱ta̱ ku̱du̱kta̱k ol zoz ci a̱du̱wa̱ enne.

I̱bu̱ru̱ 1:2

Imma zin i̱yo̱ko̱ ko̱, i̱tto̱na̱e̱t Ta̱mu̱ta̱dde̱n Ngerinne ki̱ki̱ya̱ kanyahaet kaviyak cik abunna. Eenyca Ta̱mu̱ta̱dde̱n lo̱o̱c ki ta̱mu̱-keng do̱o̱k ngati Ngerinne. Een atin kaala do̱o̱k cik Ngerinne.