Kaviyak wak Abunna Ta̱mu̱ta̱dde̱no̱ eher Joni 9:16 - Tennet

¹⁶ Izeto ol ne̱k e̱e̱ggi̱n Varacis uggak ne, “Iróng e̱e̱ti̱ ci a̱ti̱ri̱z ol ko̱ a̱kku̱ Ta̱mu̱ta̱dde̱na̱, ma̱rri̱t enne ming iróng azunne I̱i̱te̱ne̱ wa Yu̱bze̱nto̱.” Ma̱i̱je̱ uggak i̱jji̱nto̱ izeto ne, “Ogon wo̱ye̱ e̱e̱ti̱ ci mu̱nye̱nu̱ kaal cik a̱vu̱la̱ ki ne̱ko̱ ku̱?” Engertto ol ne̱k e̱e̱ggi̱n Varacis ke̱ orgena.

Kaviyak wak Abunna Ta̱mu̱ta̱dde̱no̱ eher Joni 9:16 ပူးပေါင်းရင်းမြစ်များ

Ma̱te̱yo̱ 12:10

Ma̱i̱je̱ da̱ nginati anyak e̱e̱t ci ngooli a̱zzi̱ti̱ ci a̱zzo̱. Orong olli Varacisi gool ci kar kecebte Ye̱su̱, i̱jji̱nne̱t zin nege nonno, “Iróng akaka ming angaru i̱nna̱ e̱e̱t I̱i̱te̱ne̱ wa Yu̱bze̱nto̱?”

Ma̱te̱yo̱ 12:2

Baling icinnet olli Varacisi zoz necu, izektek nonno ne, “Cinno, ogon nuyaha cigunnek kaal cik akaka I̱i̱te̱ne̱ wa Yu̱bze̱nto̱.”

Lu̱ka̱ 13:14

Imma ddi̱ki̱ryo̱i̱ti̱ wa Ce̱e̱ze̱ wa Lawinto omoze oroot, eci Ye̱su̱ angaru ngaa wa ngooli ko̱ I̱i̱te̱ne̱ wa Yu̱bze̱nto̱, kar kizek ol ne, “Anyak i̱i̱nya̱ torkonom cik li̱ngli̱ngo̱nta̱k. I̱vi̱ta̱ zin kar abunna ovvo e̱le̱tti̱ cuggo̱k adimane i̱i̱te̱ne̱ ci a̱li̱ngli̱nge̱ ol, iróng een I̱i̱te̱ne̱ wa Yu̱bze̱nto̱.”

Kaviyak wak Abunna Ta̱mu̱ta̱dde̱no̱ eher Joni 10:19

Engertto zin ol cik e̱e̱ggi̱n Ya̱u̱d zo̱ze̱ neci a̱du̱wa̱ Ye̱su̱ ko̱.

Kaviyak wak Abunna Ta̱mu̱ta̱dde̱no̱ eher Joni 14:11

U̱tu̱yya̱ng annit ming ka̱nne̱kku̱ng ne kodowina anna ki Baba; icima u̱tu̱we̱t kaal ne̱k a̱vu̱la̱ kogonni anna ko̱.

Kaviyak wak Abunna Ta̱mu̱ta̱dde̱no̱ eher Joni 15:24

Ming ngen anna ku̱tu̱gu̱ kaal wak a̱vu̱la̱ ngen e̱e̱ti̱ imma ku̱tu̱gu̱ ke̱ orgene cinne̱ng, iróng wo̱ye̱ da̱ nege a̱gga̱ ming anyak nege mu̱nye̱n. Ma̱i̱je̱ i̱yo̱ko̱ icinnet kaal cik a̱vu̱la̱, kar abarik amartoya annit ki Baba bu̱k.

Kaviyak wak Abunna Ta̱mu̱ta̱dde̱no̱ eher Joni 2:11

Een zin ba̱li̱ye̱ necu gool ci i̱ye̱la̱ Ye̱su̱ gi̱i̱ ci a̱vu̱la̱ een oo o̱rge̱ ci een Kana lo̱o̱ce̱ ci Ga̱li̱li̱. I̱ye̱la̱ zin enne komiz wainne kar zin nuyaha waginnek ku̱tu̱we̱t nonno.

Kaviyak wak Abunna Ta̱mu̱ta̱dde̱no̱ eher Joni 3:2

I̱ki̱ya̱k zin enne ba̱a̱li̱n imma Ye̱su̱, kar zin kizek ne, “De̱me̱zo̱i̱t, ka̱gga̱yya̱ niko ming e̱e̱ni̱ i̱nna̱ de̱me̱zo̱i̱t ci a̱kku̱nni̱ Ta̱mu̱ta̱dde̱na̱. Iróng wo̱ye̱ e̱e̱ti̱ imma ogon kaal cik a̱vu̱la̱ ming iróng a̱kku̱ Ta̱mu̱ta̱dde̱na̱.”

Kaviyak wak Abunna Ta̱mu̱ta̱dde̱no̱ eher Joni 5:10

kar zin bo̱do̱k olli Ya̱u̱do̱ izettek e̱e̱t neci ne, “Iróng i̱nna̱ a̱gga̱ ming azi lo̱ti̱nno̱wa̱ ne, ma odongi kwe̱e̱n cunne I̱i̱te̱ne̱ wa Yu̱bze̱nto̱?”

Kaviyak wak Abunna Ta̱mu̱ta̱dde̱no̱ eher Joni 5:36

Ize zin bo̱do̱k Ye̱su̱ ne, “Ke̱e̱ni̱ anna bba̱co̱i̱t ci a̱ddi̱ki̱re̱ kommogi Jon. Aanya Baba li̱ngli̱ngo̱n ci a̱ddi̱ki̱re̱ kar kedecak lo̱o̱ta̱ ngatu, een li̱ngli̱ngo̱n ci kogonni anna ko̱, ci i̱ye̱la̱ zoz ci een de̱de̱ da̱ i̱tto̱na̱na̱ Baba.

Kaviyak wak Abunna Ta̱mu̱ta̱dde̱no̱ eher Joni 6:52

Adangto zin ol wak een Ya̱u̱d nege do̱, kar zin kizeto ne, “Okko atidic e̱e̱ti̱ necu aanyyet ele cinne kize da̱i̱ne̱t kar kadait ku̱?”

Kaviyak wak Abunna Ta̱mu̱ta̱dde̱no̱ eher Joni 7:12

Ongongonet zin koole neci zo̱ze̱ ci Ye̱su̱, azi uggak ne, “Een enne e̱e̱t ci abunna.” Ovvo bo̱do̱k uggak azi ne, “A̱zze̱to̱, een Ye̱su̱ e̱e̱t ci a̱lu̱t ol.”

Kaviyak wak Abunna Ta̱mu̱ta̱dde̱no̱ eher Joni 7:23

Ming ettede wucic vi̱ca̱vi̱ca̱ ci do̱le̱co̱ I̱i̱te̱ne̱ wa Yu̱bze̱nto̱, iróng zin lo̱ti̱nno̱wa̱ wak Musesi a̱du̱le̱, nya zin ming omozinnu niga ngatinanni niko ko̱ ming kangaru anna e̱e̱t ci diiri I̱i̱te̱ne̱ wa Yu̱bze̱nto̱?

Kaviyak wak Abunna Ta̱mu̱ta̱dde̱no̱ eher Joni 7:43

Engertto zin ol orgena zo̱ze̱ ci Ye̱su̱.

Kaviyak wak Abunna Ta̱mu̱ta̱dde̱no̱ eher Joni 9:24

U̱tu̱ya̱ bo̱do̱k lak ram e̱e̱t bali a̱rri̱ta̱i̱ kize ru̱be̱n ke̱, kar zin kizeto ne, “Anyik Ta̱mu̱ta̱dde̱n zany, ka̱gga̱yya̱ een e̱e̱ti̱ ci oo ebere cigunnek ko̱ een e̱e̱t ci mu̱nye̱nu̱.”

Buk wa To̱ni̱a̱u̱ 14:4

Engerto ol cik Iconiumi; unuwet uggak Ya̱u̱d cik iróng a̱tu̱we̱, ovvo uggak annu to̱ni̱a̱k.