Kaviyak wak Abunna Ta̱mu̱ta̱dde̱no̱ eher Joni 8:52 - Tennet

⁵² Baling iziyyet ol cik e̱e̱ggi̱n Ya̱u̱d zoz neci a̱du̱wa̱ Ye̱su̱ ke̱, u̱ku̱lte̱k je̱e̱n, kar zin kizettek nonno ne, “I̱yo̱ko̱, ka̱gga̱yi̱ niko ming anyai i̱nna̱ kuuloc ci lo̱rye̱nto̱! A̱da̱i̱to̱ ba̱li̱ye̱ ciko Aburaham ki a̱ri̱tto̱k wak zoz ci Ta̱mu̱ta̱dde̱no̱, kar zin abarik i̱nna̱ azi ne ‘Ming azunne e̱e̱ti̱ zoz cunne, iróng atin atari daiz udut?’

Kaviyak wak Abunna Ta̱mu̱ta̱dde̱no̱ eher Joni 8:52 ပူးပေါင်းရင်းမြစ်များ

Ma̱te̱yo̱ 11:18

Eci Jon Ba̱ti̱ti̱mo̱ iróng ba̱li̱ye̱ adak da̱i̱ne̱t cik adak ol ko̱, icima aud merte, kar ol kizeto ne, ‘Anyak enne kuulo cik lo̱rye̱nta̱k.’

Kaviyak wak Abunna Ta̱mu̱ta̱dde̱no̱ eher Joni 1:19

Icu zoz ci Joni baling i̱tto̱nte̱k nonno ol cik een Ya̱u̱d Jerusalema ki bo̱do̱k ol wak wawaco ki ol boore ci Le̱vi̱. I̱jji̱nne̱t zin a̱nne̱k ne, “E̱e̱ni̱ i̱nna̱ ngene?”

Kaviyak wak Abunna Ta̱mu̱ta̱dde̱no̱ eher Joni 14:23

O̱bo̱de̱k Ye̱su̱ nogo a̱nne̱k ne, “Ming ireza e̱e̱ti̱ imma annita, elemi wo̱ye̱ enne de̱mzi̱ne̱t cinanni. Okko atin Baba irez nonno, kar zin naga ki̱vi̱ta̱ha̱ nonno, kar koot kidimanta ce̱e̱z wanna̱ng, kar kabakta ki e̱e̱t neci.

Kaviyak wak Abunna Ta̱mu̱ta̱dde̱no̱ eher Joni 15:20

A̱a̱dda̱ zoz bali ku̱du̱wa̱u̱ng ke̱. I̱llo̱i̱ du̱ca̱i̱t ci a̱ddi̱ki̱re̱ ngati ddi̱ki̱ryo̱i̱t cinne. Ming a̱gi̱dda̱ nege annit, a̱gi̱ddu̱ng atin nege i̱ge̱t bu̱k. Ming o̱ngo̱o̱le̱ nege de̱mzi̱ne̱t cinanni, o̱ngo̱o̱le̱ atin nege de̱mzi̱ne̱t cunno̱ng bu̱k.

Kaviyak wak Abunna Ta̱mu̱ta̱dde̱no̱ eher Joni 17:6

“I̱yo̱ko̱ zin ki̱ye̱le̱ya̱ ol balik aanya i̱nna̱ annit lo̱o̱ta̱ ke̱ ka̱gga̱yi̱ i̱nne̱t ju̱rru̱m. E̱e̱ggi̱n ba̱li̱ye̱ nege ol cigunnek kar zin i̱nna̱ inya annita, o̱to̱ngo̱o̱ltte̱ zin nege kaal cik edemezi i̱nna̱.

Kaviyak wak Abunna Ta̱mu̱ta̱dde̱no̱ eher Joni 7:20

O̱bo̱dde̱k zin koole ne̱ke̱ nonno, a̱nne̱k ne, “Anyai i̱nna̱ kuulo cik lo̱rye̱nta̱k, ngene ci orong ku̱ru̱wi̱n?”

Kaviyak wak Abunna Ta̱mu̱ta̱dde̱no̱ eher Joni 8:22

I̱jji̱nto̱ zin olli Ya̱u̱do̱, anno ne, “Arruk bong atin enne ele cinne, zo̱ze̱ ci azi enne ne, ‘Ngati kokkoye ko̱, iróng niga a̱vvu̱nnu̱ rok’?”

Kaviyak wak Abunna Ta̱mu̱ta̱dde̱no̱ eher Joni 8:48

Izettek zin ol cik een Ya̱u̱d ko̱ nonno ne, “Kabbacca naga ming ka̱du̱wa̱nna̱ zoz ci azi ne e̱e̱ni̱ i̱nna̱ i̱do̱nge̱ni̱t ci ol cik een Samariya, kar bo̱do̱k nyak kuuloc ci lo̱rye̱nto̱?”

Kaviyak wak Abunna Ta̱mu̱ta̱dde̱no̱ eher Joni 8:51

Ka̱du̱wa̱kku̱ng zoz wa een de̱de̱, ming azunne e̱e̱ti̱ zoz cinanni, iróng atin acin daiz udut.”

Kaviyak wak Abunna Ta̱mu̱ta̱dde̱no̱ eher Joni 8:55

Ming nu̱nu̱n iróng niga a̱gga̱yyu̱ nonno, ka̱gga̱ anna nonno. Ming kazi ne iróng anna ka̱gga̱, kiize volongnyoit ki i̱yo̱ko̱ niga ko̱; abarik ka̱gga̱ nonno kar bo̱do̱k kuzute zoz cinne.

Kaviyak wak Abunna Ta̱mu̱ta̱dde̱no̱ eher Joni 9:24

U̱tu̱ya̱ bo̱do̱k lak ram e̱e̱t bali a̱rri̱ta̱i̱ kize ru̱be̱n ke̱, kar zin kizeto ne, “Anyik Ta̱mu̱ta̱dde̱n zany, ka̱gga̱yya̱ een e̱e̱ti̱ ci oo ebere cigunnek ko̱ een e̱e̱t ci mu̱nye̱nu̱.”

I̱bu̱ru̱ 11:13

Abaito zin ol ne̱k anyak tu̱we̱ne̱t ke̱ do̱o̱k, ngen zin nege a̱tu̱we̱ zo̱ze̱ ci okko Ta̱mu̱ta̱dde̱n ogoni. Ngen kurubta zoz bali u̱du̱wa̱ Manyi ke̱, icinnet nege kaal ne̱ke̱ meer reena many bak orongi. A̱gga̱ ming e̱e̱ggi̱n nege e̱re̱nno̱k ki i̱do̱ngi̱ lo̱o̱ta̱ ngatu.

I̱bu̱ru̱ 2:9

Abarik zin kicinnta Ye̱su̱ bali a̱rri̱ta̱i̱ kar kize vu̱rru̱t anjilonyai cik Ta̱mu̱ta̱dde̱no̱ arrak do̱yo̱i̱t. I̱yo̱ko̱, i̱di̱ngdi̱nga̱n Ta̱mu̱ta̱dde̱n nonno kize alaan, eci atar enne daiz, kar zin zo̱ze̱ ci deten ci Ta̱mu̱ta̱dde̱no̱ atar enne daiz zo̱ze̱ cinna do̱o̱k.