Kaviyak wak Abunna Ta̱mu̱ta̱dde̱no̱ eher Joni 8:44 - Tennet

⁴⁴ E̱e̱ggi̱nnu̱ niga dooli cik lo̱rye̱nta̱k, be̱e̱ti̱nno̱ng, ogonnu kaal cik orong enne. Bali oowa, een enne e̱e̱t ci a̱ru̱k ol ka̱da̱i̱to̱, iróng enne abak zo̱ze̱ ci een de̱de̱, eci enne iróng anyak zoz ci een de̱de̱. Ming ovolong gon enne zoza, een neci kaale cinne, eci enne een volongnyoit, be̱e̱ti̱ volongo.

Kaviyak wak Abunna Ta̱mu̱ta̱dde̱no̱ eher Joni 8:44 ပူးပေါင်းရင်းမြစ်များ

Kananet 3:15

I̱yo̱ko̱ zin karike atin anna marnonet i̱nne̱t ki ngaa zee ku̱ru̱m ci alawano, a̱ru̱ki̱ atin do̱le̱c ci ngaawo oo cunne kar i̱nna̱ tenged nonno gi̱nygi̱nye̱ni̱t.”

Ma̱te̱yo̱ 12:34

Niga ol cik ogonnu ki jooro cik uwanyau ko̱, a̱du̱wa̱nnu̱ wo̱ye̱ niga olli mu̱nye̱nu̱ zoz ci abunna? A̱du̱wa̱ utugi zoz ci a̱kku̱ zinina.

Ma̱te̱yo̱ 13:15

Eci a̱da̱i̱to̱ zi̱nze̱tti̱ cigge̱k; iróng iina cigge̱k ngen azikne, kar zin kunyuget ebere cigge̱k. Ming acine nege eberene cigge̱k, azikne iine cigge̱k, kar ki̱vi̱ta̱ annita, kangaru wo̱ye̱ anna nogo.’

Ma̱te̱yo̱ 13:38

Okko ma̱na̱ een lo̱o̱c ci kaavtte ko̱, ovvo i̱nyo̱mo̱na̱ cik abunna ko̱, e̱e̱ggi̱n dooli cik ba̱a̱li̱ne̱t ci ta̱mu̱-kengo. Ovvo lobali e̱e̱ggi̱n dooli cik lo̱rye̱nta̱k.

Kaviyak wak Abunna Ta̱mu̱ta̱dde̱no̱ eher Joni 6:70

O̱bo̱de̱k zin Ye̱su̱ nogo, a̱nne̱k ne, “Katahalaung i̱ge̱t ngati e̱e̱ggi̱nnu̱ omoto ki ram, anyak zin co̱de̱ ci een lo̱rye̱ni̱t orgene cunno̱ng.”

Kaviyak wak Abunna Ta̱mu̱ta̱dde̱no̱ eher Joni 7:17

Ming anyak e̱e̱t ci orong ki̱li̱ngli̱nge̱ de̱mzi̱ne̱t ci Ta̱mu̱ta̱dde̱no̱, amuda atin enne keng ci de̱mzi̱ne̱t necu a̱kku̱ ngati Ta̱mu̱ta̱dde̱no̱ icima kozozi de̱mzi̱ne̱t ci a̱kku̱ o̱o̱we̱ cinanni do̱.

Kaviyak wak Abunna Ta̱mu̱ta̱dde̱no̱ eher Joni 8:38

Ka̱du̱wa̱kku̱ng zoz ci kicina ngati Baba, ogonnu bo̱do̱k niga zoz ci iziktu ngati be̱e̱ti̱nno̱ng.

Kaviyak wak Abunna Ta̱mu̱ta̱dde̱no̱ eher Joni 8:41

Ogonnu niga kaal wak u̱tu̱gu̱ be̱e̱ti̱nno̱ng.” Utuburet zin nege nong, kar zin kizettek nonno ne, “Iróng naga ke̱e̱ggi̱nna̱ dooli cik a̱rri̱ta̱i̱ te̱ge̱la̱, ke̱e̱ggi̱nna̱ dooli cik Ta̱mu̱ta̱dde̱no̱, nonno do̱ niko ci een Be̱e̱ti̱nna̱ng.”

Kaviyak wak Abunna Ta̱mu̱ta̱dde̱no̱ eher Joni 8:55

Ming nu̱nu̱n iróng niga a̱gga̱yyu̱ nonno, ka̱gga̱ anna nonno. Ming kazi ne iróng anna ka̱gga̱, kiize volongnyoit ki i̱yo̱ko̱ niga ko̱; abarik ka̱gga̱ nonno kar bo̱do̱k kuzute zoz cinne.

Buk wa To̱ni̱a̱u̱ 13:10

“E̱e̱ni̱ i̱nna̱ do̱le̱c ci lo̱rye̱nto̱ kar bo̱do̱k ize mo̱dde̱ni̱t ci kaal cik abunna do̱o̱k. Anyai i̱nna̱ baiz ci a̱lu̱te̱ ol ki ci alabane kaal cik ollu. Alami wo̱ye̱ i̱nna̱ gool wa abunna Manyi?

Buk wa To̱ni̱a̱u̱ 24:9

Elemtta Ya̱u̱di̱ do̱o̱k, azi ne, een zo̱zo̱wa̱ ne̱ko̱ do̱o̱k de̱de̱.

Buk wa To̱ni̱a̱u̱ 5:3

Ize zin Peturu ne, “Ananiyas, nyaa ming anyik i̱nna̱ Sitan kuwe zinin cunne do̱o̱k ngati ovolonge Vongiz ci A̱li̱le̱ a̱lu̱gnye̱ o̱ro̱bi̱ya̱ u̱gge̱ cik utene i̱nna̱ lo̱o̱c cunne ko̱?

2 Ko̱ri̱nto̱ 11:3

Ma̱i̱je̱ i̱yo̱ko̱, ko̱ngo̱o̱le̱ anna alabanung atin uwat ki bali ming alaba ogonikket Eva, ngaa ci Adami nyaate ci een Eden ke̱. Kar i̱yo̱ko̱, ecebannung atin uwat o̱o̱tti̱ kar iróng ngen arikku zi̱nze̱tti̱ Ki̱ri̱sto̱ de̱de̱ ki ba̱li̱ye̱.

1 Peturu 5:8

U̱zu̱tte̱ e̱le̱tti̱ ciggo̱k eci lo̱rye̱nti̱ wa een mo̱dde̱ni̱t cunno̱ng e̱re̱ye̱ goola kiwagon maa wa a̱rru̱k ngati orong kar kadaho.

2 Peturu 2:4

Iróng Ta̱mu̱ta̱dde̱n alalnek anjilonya balik ogon mu̱nye̱n ke̱, abarik a̱ju̱ke̱k nogo koot ngati mu̱u̱hu̱ri̱ gwo̱o̱ya̱ ki̱ki̱ya̱ i̱i̱te̱ni̱ ci lo̱ki̱ko̱.

1 Jon 1:8

Ming kazi naga ne i̱llo̱i̱ agit mu̱nye̱n, ka̱lu̱t naga e̱le̱tti̱ cigga̱c, i̱llo̱i̱ zoz ci een de̱de̱ ngatinna.

1 Jon 2:21

Keherakkung zin anna zoz cu, iróng een zo̱ze̱ ci ibbezzu niga zoz ci een de̱de̱, abarik eci niga a̱gga̱yyu̱ zoz ci een volong, i̱llo̱i̱ zoz ci een de̱de̱ ci a̱kku̱ nginati.

1 Jon 2:4

Ming azi e̱e̱ti̱ ne, “Ka̱gga̱ enne nonno,” ma̱i̱je̱ ngatu iróng a̱li̱ngli̱nge̱ lo̱ti̱nno̱k ciginnek, een enne volongnyoit, i̱llo̱i̱ zoz ci een de̱de̱ ngatinne.

1 Jon 3:12

Ma ogonnu ki bali Kaini, abak baiz ci lo̱rye̱nto̱ kar ku̱ru̱k gotoni ka̱da̱k. Nya ming amuny enne gotoni ko̱? Amuny enne gotoni eci baizi cinne gerza, imma gotoniya ogon kaal cik abunna.

1 Jon 3:15

Ming amarine e̱e̱ti̱ imma gotoni, een enne e̱e̱t ci a̱ru̱k ol, a̱gga̱yyu̱ niga iróng e̱e̱ti̱ ci a̱ru̱k ol ko̱ amuda baiz wa aave udut.

Ju̱da̱ 1:6

Imma anjilonya wak iróng azunne alaanzet cinne̱ng, abarik utungtek ce̱e̱zi̱ cigge̱k lo̱o̱c ta̱mu̱-kenga ngin bali abahe ke̱. I̱yo̱ko̱ zin e̱ce̱bje̱ nege ziiye cik aavtte udut, ere i̱i̱te̱n ci a̱ddi̱ki̱re̱ lo̱ki̱ko̱.

O̱no̱zzo̱k 12:9

U̱ju̱ko̱zi̱k u̱ggu̱li̱ ci a̱ddi̱ki̱re̱ lo̱o̱c, awu ol nonno bu̱k azi ne uwat wa reeni icima lo̱rye̱n, icima Sitan, nonno ci a̱ti̱ye̱ lo̱o̱c do̱o̱k tu̱. U̱ju̱ke̱k Ta̱mu̱ta̱dde̱n nonno lo̱o̱c, ki anjilonya ciginnek bu̱k.

O̱no̱zzo̱k 13:14

Ma̱rri̱t enne ogon kaal cik a̱vu̱la̱, anyozik zin nonno komizi ci ogone kaal zare cik e̱le̱gi̱t bali o̱o̱wu̱ ke̱, u̱lu̱t zin enne olli lo̱o̱tu̱. Kar ku̱du̱wa̱k ol kokovanta ngu̱m ci e̱le̱gto̱ biya kize gool ci o̱ngo̱o̱li̱nne̱ nege nonno, e̱le̱gi̱t bali abucane nyazuwata ke̱, imma ngatu ngen aruge dee.

O̱no̱zzo̱k 2:10

Ma zin o̱ngo̱o̱li̱nnu̱ gi̱i̱ imma zo̱ze̱ ci ovvo niga apirnannu. Ka̱du̱wa̱kku̱ng, arik atin lo̱rye̱nti̱ ol u̱gge̱ ngatinno̱ng lagam kar kitimanung, ovvo atin apirnannu gi̱de̱ne̱t i̱i̱nya̱ omoto. Izet ol cik abunnanu, u̱zu̱tte̱ zoz ci Ta̱mu̱ta̱dde̱no̱ ming a̱kku̱ daizi nu̱nu̱n, ka̱a̱nyu̱ng atin anna lulukwa cik alaanzetinu abakku udut.

O̱no̱zzo̱k 21:8

Ma̱i̱je̱ ol wak o̱ngo̱o̱le̱ ol ko̱, ki ol wak iróng a̱tu̱we̱, ki ol wak mu̱nye̱nu̱, ki ol wak amuny ol, ki ol wak e̱e̱ggi̱n a̱li̱ya̱k, ki ol wak irez agura, ki ol wak ala to̱do̱yyo̱k ki volongnyok, een gwa̱a̱ ci apadpadi oroot ko̱ cinne̱ng. Een necu daiz ci vu̱rrto̱.”

O̱no̱zzo̱k 22:15

Imma ol cik ogon kiwagon urzi aavtte reene ci orog ci a̱ddi̱ki̱re̱ ko̱, a̱ru̱k agura, e̱e̱ggi̱n a̱li̱ya̱k, amuny ol, ala to̱do̱yyo̱k kize ta̱mu̱ta̱dde̱ne̱t cigge̱k, kar kabaito volonga.

O̱no̱zzo̱k 9:11

Anyak nege alaan ci abal nogo een anjilo ci a̱kku̱ lo̱o̱we̱ neci wu̱u̱ni̱ ke̱, een zara ciginnek utuge ci olli I̱bu̱ru̱ ko̱ ne Abaddon, kar utuge ci Gi̱ri̱yo̱ een zara Apollyon.