Kaviyak wak Abunna Ta̱mu̱ta̱dde̱no̱ eher Joni 8:34 - Tennet

³⁴ O̱bo̱de̱k zin Ye̱su̱ nogo, a̱nne̱k ne, “Ka̱du̱wa̱kku̱ng zoz wa een de̱de̱, ming ogon e̱e̱ti̱ mu̱nye̱n, een enne du̱ca̱i̱t ci mu̱nye̱nu̱.

Kaviyak wak Abunna Ta̱mu̱ta̱dde̱no̱ eher Joni 8:34 ပူးပေါင်းရင်းမြစ်များ

Ma̱te̱yo̱ 5:18

Ka̱du̱wa̱kku̱ng zoz wa een de̱de̱ okko atin ta̱mu̱-kengi ki lo̱o̱c a̱zze̱. Ku̱du̱wa̱ anna iróng atin gi̱i̱ imma a̱zze̱ lo̱ti̱nno̱we̱ ne̱ko̱. Abarik akati atin lo̱ti̱nno̱wa̱ wak e̱he̱rye̱ Buwe ci Ta̱mu̱ta̱dde̱no̱ ko̱ mo̱o̱le̱t.

Kaviyak wak Abunna Ta̱mu̱ta̱dde̱no̱ eher Joni 3:3

O̱bo̱de̱k Ye̱su̱ nonno a̱nne̱k ne, “Ka̱du̱wa̱ki̱ zoz ci een de̱de̱, iróng e̱e̱ti̱ imma acin ba̱a̱li̱ne̱t ci Ta̱mu̱ta̱dde̱no̱ abale ol ming ngen e̱e̱ti̱ ki̱ti̱rra̱i̱ bo̱do̱k lak rama.”

Buk wa To̱ni̱a̱u̱ 8:23

Kacinni anna anyai i̱nna̱ mozinet kar bo̱do̱k kecebti mu̱nye̱na̱ cigunnek.”

Roma 6:12

I̱yo̱ko̱ zin, ma anyikku mu̱nye̱n kutuwaung o̱o̱tti̱ ciggo̱k kar unuwet kaal cik orong zi̱nze̱tti̱ ciggo̱k.

Roma 6:16

Abarik zin abunna ming ka̱gga̱ niko ke̱e̱ggi̱n naga du̱cca̱k cik ol wak ko̱ngo̱o̱le̱ naga. Ming ke̱e̱ggi̱n du̱cca̱k cik mu̱nye̱nu̱, okkoyet daiza, abarik zin abunna ke̱e̱ggi̱n du̱cca̱k cik Ta̱mu̱ta̱dde̱no̱ okkoyet bak karuba bunnat cinne.

Roma 6:6

Ka̱gga̱ naga odode baizi cinna bali reeni ke̱ ki Ye̱su̱ keete ci een ta̱la̱ke̱c, kar mu̱nye̱na̱ iróng aruba gool ci abaleta,

Roma 7:14

Ka̱gga̱ naga niko, a̱vvu̱ lo̱ti̱nno̱wa̱ ngati Ta̱mu̱ta̱dde̱no̱, ki i̱yo̱ko̱ anna ming kazunne lo̱ti̱nno̱k balik reentik baize cinanni ke̱, ecebta annit bu̱k mu̱nye̱na̱.

Roma 7:25

Kanyike Ta̱mu̱ta̱dde̱n zany ngati Manyitinna Ye̱su̱ Ki̱ri̱sto̱! I̱yo̱ko̱ zin, ke̱e̱ni̱ anna zinine cinanni du̱ca̱i̱t ci lo̱ti̱nno̱k cik Ta̱mu̱ta̱dde̱no̱, imma go̱o̱le̱ ci mu̱nye̱nu̱ ke̱e̱ni̱ du̱ca̱i̱t ci lo̱ti̱nno̱k wak mu̱nye̱nu̱.

Roma 8:21

ovvo atin kaala ne̱k idimana Manyi ko̱ angaryai baize ci e̱e̱ggi̱nne̱ nege du̱cca̱k, kar kozolit nege di̱ngdi̱ngo̱n ci abahe dooli cik Ta̱mu̱ta̱dde̱no̱ labak.

Evesos 2:2

Ogonnu kaal cik gerzek, annuyu olli lo̱o̱tu̱, irezzu lo̱rye̱ni̱t wa een alaan ci abal lo̱o̱c kaale do̱o̱k cik iróng nege irez Ta̱mu̱ta̱dde̱n.

Ti̱to̱ 3:3

Ke̱e̱ggi̱n ba̱li̱ye̱ naga bu̱k tarbale ki i̱yo̱ko̱ ol ne̱k iróng a̱tu̱ zoz ci Ye̱su̱ ko̱, ol u̱gge̱ cik a̱ti̱kke̱t tu̱, kar kizetta du̱cca̱k cik kireza kaal cik orong e̱le̱tti̱ lo̱rye̱nta̱k. Anyak baizi cinna ṯeel ki meder. Kamartoyya ol, ovvo bo̱do̱k ol amarinetta.

2 Peturu 2:19

A̱nne̱k nege ol ne, aavtiyyu atin labak, imma nege e̱e̱ggi̱n du̱cca̱k cik baiz ci gerze, eci ol cik diirik e̱e̱ggi̱n du̱cca̱k cik kaal wak uuta nogo o̱o̱tti̱.