Kaviyak wak Abunna Ta̱mu̱ta̱dde̱no̱ eher Joni 7:39 - Tennet

³⁹ Ozoz keng ci zoz necu zoz ci Vongizo, Vongiz ci atin aruba ol wak a̱tu̱ nonno; eci ngen Vongizi kanyozik ol, ngen li̱ngli̱ngo̱ni̱ ci Ye̱su̱ ki̱di̱ngdi̱nga̱ne̱.

Kaviyak wak Abunna Ta̱mu̱ta̱dde̱no̱ eher Joni 7:39 ပူးပေါင်းရင်းမြစ်များ

Ma̱te̱yo̱ 16:14

O̱bo̱dde̱k zin nege nonno, a̱nne̱k ne, “Azi uggak ne, e̱e̱ni̱ i̱nna̱ Jon Ba̱ti̱ti̱mo̱, ovvo uggak azi ne e̱e̱ni̱ i̱nna̱ E̱li̱ja̱; kar uggak kizeto ne e̱e̱ni̱ i̱nna̱ Jeremiah icima a̱ri̱to̱i̱t imma wa bali reeni ke̱.”

Ma̱te̱yo̱ 21:11

O̱bo̱dde̱k zin koole gonoggi, a̱nne̱k ne, “Een necu Ye̱su̱, a̱ri̱to̱i̱t wa a̱kku̱ o̱rge̱ ci een Nazeret, Ga̱li̱li̱ya̱.”

Lu̱ka̱ 24:49

Kokko atin anna ki̱tto̱na̱kku̱ng muci wa bali u̱du̱wa̱ Baba ke̱; abarik a̱vvu̱t Jerusalema zee ka̱a̱nyu̱ng Ta̱mu̱ta̱dde̱n komiz ci a̱kku̱ ta̱dde̱na̱.”

Lu̱ka̱ 3:16

Abarizek zin Joni nogo, “Ka̱gga̱me̱kku̱ng anna i̱ge̱ta̱ ba̱ti̱ti̱mo̱ maame. Ma̱i̱je̱ ngatu anyak e̱e̱t co̱de̱ ci ommogja annita, a̱kku̱ atin, iróng anna kuuli kar keceb baru cik caava ciginnek. A̱gga̱me̱kku̱ng atin enne i̱ge̱t ba̱ti̱ti̱mo̱ Vongize ci A̱li̱le̱ ki gwo̱o̱ya̱.

Lu̱ka̱ 7:16

O̱to̱ngo̱o̱ltte̱ zin nege do̱o̱k kar zin kinnatit Ta̱mu̱ta̱dde̱n, kizeto ne, “I̱ye̱la̱i̱ a̱ri̱to̱i̱ti̱ ci a̱ddi̱ki̱re̱ orgene cinna. I̱ki̱ya̱ Ta̱mu̱ta̱dde̱n eela ol ciginnek.”

Kaviyak wak Abunna Ta̱mu̱ta̱dde̱no̱ eher Joni 1:21

I̱jji̱nne̱t zin nege nonno, “E̱e̱ni̱ zin i̱nna̱ ngene? E̱e̱ni̱ i̱nna̱ E̱li̱ja̱?” O̱bo̱de̱k zin enne nogo a̱nne̱k ne, “A̱zze̱ to.” I̱jji̱nne̱t zin bo̱do̱k nege nonno dee, “E̱e̱ni̱ i̱nna̱ a̱ri̱to̱i̱t ci muluk ci Ta̱mu̱ta̱dde̱no̱ wa bali u̱du̱ya̱i̱ okko atin i̱tto̱na̱i̱ ke̱?” O̱bo̱de̱k Joni nogo a̱nne̱k ne, “A̱zze̱ to.”

Kaviyak wak Abunna Ta̱mu̱ta̱dde̱no̱ eher Joni 1:25

I̱jji̱nne̱t zin nonno, “Ming iróng i̱nna̱ e̱e̱ni̱ Ki̱ri̱sto̱ wa atahalai, icima a̱ri̱to̱i̱t ci zoz ci Ta̱mu̱ta̱dde̱no̱ wa een E̱li̱ja̱, icima a̱ri̱to̱i̱t ci u̱du̱ya̱i̱ okko atin a̱kku̱ ke̱, a̱gga̱me̱k ol ba̱ti̱ti̱mo̱ nya?”

Kaviyak wak Abunna Ta̱mu̱ta̱dde̱no̱ eher Joni 1:33

Iróng wo̱ye̱ da̱ ka̱gga̱ nonno ming iróng a̱du̱wa̱ka̱ e̱e̱ti̱ bali i̱tto̱na̱na̱ ki̱ki̱ya̱ ka̱gga̱me̱k ol ba̱ti̱ti̱mo̱ maame ke̱. A̱nne̱ka̱ ne, ‘E̱e̱t ci acinni alucak Vongizi ci Ta̱mu̱ta̱dde̱no̱ nonno ke̱, kar ki̱tta̱k nonno, a̱gga̱me̱k atin enne ol ba̱ti̱ti̱mo̱ Vongize ci A̱li̱le̱.’

Kaviyak wak Abunna Ta̱mu̱ta̱dde̱no̱ eher Joni 12:16

Arrak oowa iróng nuyaha cik Ye̱su̱ a̱gga̱ zoz necu. Ovvo a̱gga̱ vu̱rrta̱ baling i̱di̱ngdi̱nga̱nni̱t ol Ye̱su̱, kar zin nege ka̱a̱dda̱ zoz ci e̱he̱rye̱ obod ki Ye̱su̱, u̱tu̱gu̱zze̱k zin ol ne̱ke̱ nonno kaal balik e̱he̱rye̱ ke̱ do̱o̱k.

Kaviyak wak Abunna Ta̱mu̱ta̱dde̱no̱ eher Joni 12:23

O̱bo̱de̱k zin Ye̱su̱ nogo, izek ne, “I̱ki̱ya̱ i̱i̱ ci okko Ngerrti E̱e̱to̱ a̱di̱ngdi̱nga̱ne̱.

Kaviyak wak Abunna Ta̱mu̱ta̱dde̱no̱ eher Joni 14:13

Ka̱a̱nyu̱ng atin kaal cik a̱jji̱nnu̱ niga zare cigannik, kar anna Ngerinne kanyik zar cik Baba ku̱bu̱lte̱.

Kaviyak wak Abunna Ta̱mu̱ta̱dde̱no̱ eher Joni 14:26

Okko abarik atin De̱me̱zo̱i̱ti̱ wa een Vongiz ci A̱li̱le̱, wa atin i̱tto̱na̱ Baba zare cigannik, edemezung kaal do̱o̱k kar zin ki̱no̱na̱u̱ng kaal balik ku̱du̱wa̱u̱ng anna ke̱.

Kaviyak wak Abunna Ta̱mu̱ta̱dde̱no̱ eher Joni 16:14

Okko atin a̱di̱ngdi̱nga̱n zar cigannik ngati a̱du̱wa̱kku̱ng kaal wak ke̱de̱me̱zi̱ anna a̱gga̱c.

Kaviyak wak Abunna Ta̱mu̱ta̱dde̱no̱ eher Joni 16:7

Ka̱du̱wa̱kku̱ng zin zoz wa een de̱de̱, abunna abarik ming kokko anna kar niga ubunntta. Kokko abarik anna kar kuk ki̱tto̱na̱kku̱ng De̱me̱zo̱i̱t kar ki̱ti̱ri̱zzu̱ng.

Kaviyak wak Abunna Ta̱mu̱ta̱dde̱no̱ eher Joni 17:1

Baling u̱du̱wa̱ Ye̱su̱ zoz necu, icin ta̱mu̱-keng kar kalawo, ize ne: “Baba, i̱ki̱ya̱ i̱i̱te̱ni̱ wa ovvo ol ododoya annit ta̱la̱ke̱ca̱, kar ku̱bu̱lte̱ zara cik Ngerunne kar zin bo̱do̱k Ngerunne kanyik zar cigunnek ku̱bu̱lte̱.

Kaviyak wak Abunna Ta̱mu̱ta̱dde̱no̱ eher Joni 17:5

I̱yo̱ko̱ zin Baba, anyik zar cigannik ku̱bu̱lte̱ ngu̱me̱ cunne bu̱le̱nte̱ bali kanyak ki i̱nne̱ta̱ la̱du̱n baling ngen keteehenye looci ke̱.

Kaviyak wak Abunna Ta̱mu̱ta̱dde̱no̱ eher Joni 20:22

Baling u̱du̱wa̱ zoz necu, otovongik nogo kar zin kizek ne, “A̱gga̱mtta̱ Vongiz ci A̱li̱le̱.

Kaviyak wak Abunna Ta̱mu̱ta̱dde̱no̱ eher Joni 6:14

Baling icinnet ol kaal cik a̱vu̱la̱ u̱tu̱gu̱ Ye̱su̱ ko̱, izeto ne, “De̱de̱, een e̱e̱ti̱ necu a̱ri̱to̱i̱t ci bali azi ne a̱kku̱nna̱k atin lo̱o̱c ke̱ nenen necu.”

Kaviyak wak Abunna Ta̱mu̱ta̱dde̱no̱ eher Joni 7:12

Ongongonet zin koole neci zo̱ze̱ ci Ye̱su̱, azi uggak ne, “Een enne e̱e̱t ci abunna.” Ovvo bo̱do̱k uggak azi ne, “A̱zze̱to̱, een Ye̱su̱ e̱e̱t ci a̱lu̱t ol.”

Kaviyak wak Abunna Ta̱mu̱ta̱dde̱no̱ eher Joni 8:54

O̱bo̱de̱k Ye̱su̱ nogo, a̱nne̱k ne, “Ming ka̱di̱ngdi̱nga̱ni̱ anna ele cinanni, i̱llo̱i̱ gi̱i̱ imma. Baatanni ci a̱di̱ngdi̱nga̱na̱n ci awuyyu niga kize Ta̱mu̱ta̱dde̱n cunno̱ng ko̱.

Buk wa To̱ni̱a̱u̱ 19:2

kar ki̱jji̱n nogo, a̱nne̱k ne, “Baling ming a̱tu̱we̱nu̱ ke̱, urubtau Vongiz ci A̱li̱le̱?” O̱bo̱dde̱k zin nege, a̱nne̱k ne, “I̱llo̱i̱, iróng ka̱gga̱yya̱ ming anyak Vongiz ci A̱li̱le̱.”

Buk wa To̱ni̱a̱u̱ 2:17

“‘Azi Ta̱mu̱ta̱dde̱n i̱i̱nya̱we̱ cik vu̱rrta̱k ne, ka̱du̱te̱k atin anna Vongiz cinanni ol do̱o̱k. A̱du̱wa̱k atin dooli cigunnek macik ki cik nga̱a̱ye̱k ol zoz cinanni. Ovvo atin logoz cigunnek acin kaal cik meelek o̱no̱zo̱we̱, kar bo̱do̱k ol wak macik ciggo̱k a̱ddi̱ki̱re̱ ko̱ kanyait o̱no̱zzo̱k.

Buk wa To̱ni̱a̱u̱ 2:33

Uwe Ta̱mu̱ta̱dde̱n nonno ta̱mu̱-kenga, kar karik nonno a̱zzi̱t cinne a̱zzo̱, uruba zin enne ngati Baatinne zoz bali u̱du̱wa̱ enne ke̱, een Vongiz ci A̱li̱le̱ kar ku̱du̱ta̱k lo̱o̱c kaal cik acinnu ko̱ ki cik aziknnu ko̱.

Buk wa To̱ni̱a̱u̱ 2:38

Iizek zin Peturu nogo ne, “Uturtta mu̱nye̱n cuggo̱k do̱o̱k kar a̱gga̱mi̱t ba̱ti̱ti̱mo̱ zare wak Ye̱su̱ Ki̱ri̱sto̱, kar atin Ta̱mu̱ta̱dde̱n kalaleung mu̱nye̱n cuggo̱k. Kar atin niga u̱mu̱dda̱ muci ci Vongiz ci A̱li̱le̱.

Buk wa To̱ni̱a̱u̱ 2:4

Iddera Vongizi ci A̱li̱le̱ ko̱ nogo do̱o̱k kar zin nege kozozit u̱tu̱ge̱tti̱ne̱ cik aavtte do̱ do̱ ki i̱yo̱ko̱ ming aanyik Vongizi nogo komiz ci ozoze nege ko̱.

Buk wa To̱ni̱a̱u̱ 3:13

Eci Ta̱mu̱ta̱dde̱n ci Aburahami, ki I̱sa̱ko̱ ki Ya̱ko̱bo̱ ki ji̱ji̱ti̱gga̱c nenen wa aanyik Ye̱su̱ wa een du̱ca̱i̱t cinne di̱ngdi̱ngo̱n wa ta̱mwo̱. Abarik zin ba̱li̱ye̱ a̱gga̱me̱kku̱ nonno gaala, utuburtu nonno ngu̱me̱ ci Pilato ddi̱ki̱ryo̱i̱t ci gaala cik Romi, bak bali nu̱nu̱n ming orong Pilato koog kar kutung nonno ke̱.

Buk wa To̱ni̱a̱u̱ 4:31

Baling alayo nege, otomowe ce̱e̱z bali arumene nege ke̱. Kar Vongizi ci A̱li̱le̱ ki̱ta̱k nogo do̱o̱k kar zin nege kozozit zoz ci Ta̱mu̱ta̱dde̱n mazeta.

Roma 8:9

Imma niga ol ne̱k anyakku Vongiz ci Ta̱mu̱ta̱dde̱no̱ zi̱nze̱tti̱nne̱ ciggo̱k ko̱, iróng zin niga ngen aballu e̱le̱tti̱ kaale cik gerzek irez zi̱nze̱tti̱ cuggo̱k, iróng ucca bo̱do̱k annuyu kaal ne̱ke̱. Ovvo ol wak iróng anyak Vongiz ci A̱li̱le̱ iróng nege e̱e̱ggi̱n ol cik Ki̱ri̱sto̱.

2 Ko̱ri̱nto̱ 3:8

Anyak zoz ci lo̱ti̱nno̱k cik Musesi gool ci u̱tu̱ri̱, imma lo̱ti̱nno̱wa̱ cik een jor anyaha Vongizi ci A̱li̱le̱ ko̱, okkomi kommog lo̱ti̱nno̱k balik reentik ke̱.

Evesos 4:30

Ma anyikku Vongiz ci A̱li̱le̱ Ta̱mu̱ta̱dde̱no̱ komoze, nonno ci a̱a̱nyu̱ng a̱gga̱c i̱i̱te̱n imma, ovvo atin niga abakku labak ki̱zze̱c mu̱nye̱na̱ ming okko Ye̱su̱ obodak lo̱o̱c.