Kaviyak wak Abunna Ta̱mu̱ta̱dde̱no̱ eher Joni 7:31 - Tennet

³¹ Ma̱i̱je̱ bo̱do̱k ngatu, anyak ol cik meelek ngen a̱tu̱ nonno dee, kar kizeto ne, “Ming okko Ki̱ri̱sto̱ wa een ti̱ri̱zo̱i̱ti̱ a̱kku̱, okko atin enne ogon kaal cik meelek a̱vu̱la̱ kommog cik ogon e̱e̱ti̱ necu?”

Kaviyak wak Abunna Ta̱mu̱ta̱dde̱no̱ eher Joni 7:31 ပူးပေါင်းရင်းမြစ်များ

Ma̱te̱yo̱ 12:23

U̱ku̱lte̱k zin ol do̱o̱k je̱e̱n, kar kizeto ne, “Een necu de̱de̱ Ngerrti Da̱vi̱de̱?”

Lu̱ka̱ 8:13

Imma i̱nyo̱mo̱na̱ ne̱k i̱i̱na̱k biyen ko̱, ogon nege ki ol wak a̱gga̱ma̱ zoz talninta ming ovvo nege aziye, ma̱i̱je̱ ngatu iróng nege anyak egero. A̱tu̱we̱ arrak nege do̱yo̱i̱t, imma i̱i̱te̱n ci amuda nege timaninet, utungtek zin zoz neci lo̱o̱c.

Kaviyak wak Abunna Ta̱mu̱ta̱dde̱no̱ eher Joni 11:45

Baling icinnet olli Ya̱u̱d balik ovvo a̱gga̱m a̱zzi̱t ci Ma̱ri̱ya̱ u̱lu̱wa̱ne̱ ci gotononi ko̱ kaal cik ogon Ye̱su̱, u̱tu̱we̱t zin nonno.

Kaviyak wak Abunna Ta̱mu̱ta̱dde̱no̱ eher Joni 12:11

eci olli Ya̱u̱do̱ cik meelek ovvo ngati Ye̱su̱ bak a̱tu̱ nonno zo̱ze̱ ci Lazaru bali ingane enne daiza ke̱.

Kaviyak wak Abunna Ta̱mu̱ta̱dde̱no̱ eher Joni 12:42

Imma i̱i̱te̱ne̱ neci eliya anyak lo̱ddi̱ki̱re̱ cik Ya̱u̱do̱ elemtta Ye̱su̱. Abarik nege o̱ngo̱o̱le̱ eci ol cik een Varacis, iróng zin abung ming a̱tu̱ nege Ye̱su̱ kiziyet ol cik een Varacis, gerza ming ottok nogo Ce̱e̱ze̱ wa Lawinto.

Kaviyak wak Abunna Ta̱mu̱ta̱dde̱no̱ eher Joni 2:11

Een zin ba̱li̱ye̱ necu gool ci i̱ye̱la̱ Ye̱su̱ gi̱i̱ ci a̱vu̱la̱ een oo o̱rge̱ ci een Kana lo̱o̱ce̱ ci Ga̱li̱li̱. I̱ye̱la̱ zin enne komiz wainne kar zin nuyaha waginnek ku̱tu̱we̱t nonno.

Kaviyak wak Abunna Ta̱mu̱ta̱dde̱no̱ eher Joni 3:2

I̱ki̱ya̱k zin enne ba̱a̱li̱n imma Ye̱su̱, kar zin kizek ne, “De̱me̱zo̱i̱t, ka̱gga̱yya̱ niko ming e̱e̱ni̱ i̱nna̱ de̱me̱zo̱i̱t ci a̱kku̱nni̱ Ta̱mu̱ta̱dde̱na̱. Iróng wo̱ye̱ e̱e̱ti̱ imma ogon kaal cik a̱vu̱la̱ ming iróng a̱kku̱ Ta̱mu̱ta̱dde̱na̱.”

Kaviyak wak Abunna Ta̱mu̱ta̱dde̱no̱ eher Joni 4:29

“I̱vi̱ta̱ icinnet e̱e̱t ci a̱du̱wa̱ka̱ kaal balik ku̱tu̱gu̱ anna ke̱. Iróng i̱yo̱ko̱ enne een Ki̱ri̱sto̱?”

Kaviyak wak Abunna Ta̱mu̱ta̱dde̱no̱ eher Joni 4:39

Elemtta olli Samariyo cik meelek zoz ci Ye̱su̱ baling iziyyet zoz ci a̱du̱wa̱k ngaa nogo zoz ci Ye̱su̱, azi ne, “U̱du̱wa̱ enne kaal cik da̱ kogonni anna do̱o̱k.”

Kaviyak wak Abunna Ta̱mu̱ta̱dde̱no̱ eher Joni 6:2

kar zin koole ci a̱ppwe̱ kunuwet nonno eci acin nege kaal cik a̱vu̱la̱ u̱tu̱gu̱we̱k enne ol wak omori.

Kaviyak wak Abunna Ta̱mu̱ta̱dde̱no̱ eher Joni 7:26

Icinnet da̱ ming ozozik koole, i̱llo̱i̱ zin rok e̱e̱t imma ci a̱ppu̱k utug. A̱gga̱c bong ette lo̱ddi̱ki̱re̱ ming een enne Ki̱ri̱sto̱ wa een ti̱ri̱zo̱i̱t de̱de̱?

Kaviyak wak Abunna Ta̱mu̱ta̱dde̱no̱ eher Joni 9:16

Izeto ol ne̱k e̱e̱ggi̱n Varacis uggak ne, “Iróng e̱e̱ti̱ ci a̱ti̱ri̱z ol ko̱ a̱kku̱ Ta̱mu̱ta̱dde̱na̱, ma̱rri̱t enne ming iróng azunne I̱i̱te̱ne̱ wa Yu̱bze̱nto̱.” Ma̱i̱je̱ uggak i̱jji̱nto̱ izeto ne, “Ogon wo̱ye̱ e̱e̱ti̱ ci mu̱nye̱nu̱ kaal cik a̱vu̱la̱ ki ne̱ko̱ ku̱?” Engertto ol ne̱k e̱e̱ggi̱n Varacis ke̱ orgena.

Buk wa To̱ni̱a̱u̱ 8:13

Elema Si̱mo̱ne̱ eliya bu̱k Ye̱su̱, kar zin enne a̱gga̱ma̱ ba̱ti̱ti̱mo̱ bu̱k. A̱vvu̱ ngati Vilipi ojonun, u̱ku̱le̱k je̱e̱n oroot kaale cik a̱vu̱la̱ acin enne ogon Vilipi.

Je̱mi̱s 2:26

Ogon zin bo̱do̱k ki i̱yo̱ko̱, ming aave ele ci e̱e̱to̱ ki̱zzi̱ vongizi to, a̱da̱k enne, ogon bo̱do̱k niko, ming anyak e̱e̱ti̱ tu̱we̱ne̱t kar ngatu iróng a̱li̱ngli̱ngi̱, ogon tu̱we̱ne̱t cinne ki ci a̱da̱ha̱.