Kaviyak wak Abunna Ta̱mu̱ta̱dde̱no̱ eher Joni 7:28 - Tennet

²⁸ Baling ngen Ye̱su̱ edemez ol reena Ce̱e̱ze̱ wa Ta̱mu̱ta̱dde̱no̱, egereny zin oroot, ize ne, “A̱gga̱yya̱ng de̱de̱, a̱gga̱yyu̱ nginti ka̱kku̱ne̱? Iróng anna ka̱kku̱ni̱ ngintu do̱ o̱o̱we̱ cinanni, ma̱i̱je̱ e̱e̱ti̱ ci i̱tto̱na̱na̱ a̱du̱wa̱ zoz ci een de̱de̱. Iróng zin niga a̱gga̱yyu̱ nonno.

Kaviyak wak Abunna Ta̱mu̱ta̱dde̱no̱ eher Joni 7:28 ပူးပေါင်းရင်းမြစ်များ

Ma̱te̱yo̱ 11:27

“Aanya Baba komiz kaale do̱o̱k. I̱llo̱i̱ rok e̱e̱t co̱de̱ ci a̱gga̱ya̱n, Baba do̱ ci a̱gga̱ya̱ annita, kar bo̱do̱k i̱llo̱i̱ rok e̱e̱t co̱de̱ ci a̱gga̱ Baatanni, annit Ngerinne ki ol wak katahala anna ko̱ cik ka̱gga̱yya̱ Baba.

Ma̱te̱yo̱ 2:23

Oot zin nege a̱vvu̱to̱ o̱rge̱ ci een Nazeret. Ize ne, ize zoz bali u̱du̱wa̱ Ta̱mu̱ta̱dde̱n ke̱, de̱de̱, ki baling a̱du̱wa̱ a̱ri̱to̱i̱ti̱ azi ne, “Akanonik atin do̱le̱c zara cik azi ne, Nazarene.”

Ma̱te̱yo̱ 26:55

Iizek zin Ye̱su̱ koole ne, “Ke̱e̱ni̱ anna ddi̱ki̱ryo̱i̱t ci kokkoye ol zara koorto ki gaala, a̱vvu̱nnu̱ ilanyai ki co̱o̱li̱te̱ ovvo a̱gga̱mnya̱ng annita? Kaave gon anna odohize reene ci Ce̱e̱z wa Ta̱mu̱ta̱dde̱no̱, kedemze, ngen zin a̱gga̱mta̱ng.

Lu̱ka̱ 10:22

“Anyoziya annita kaala do̱o̱k ngati Baba. I̱llo̱i̱ e̱e̱t co̱de̱ ci a̱gga̱ Ngerinne, Baba do̱ ci a̱gga̱, kar bo̱do̱k i̱llo̱i̱ e̱e̱t co̱de̱ ci a̱gga̱ Baba, Ngerinne do̱ ci a̱gga̱ ki ol wak atahala enne, kar ki̱ye̱le̱k nogo zoz ci Baba.”

Lu̱ka̱ 2:11

Wazin necu o̱rge̱ ci Da̱vi̱de̱ a̱rri̱ta̱i̱ Ti̱ri̱zo̱i̱ti̱ kize cunno̱ng; een enne Ki̱ri̱sto̱ Manyi.

Lu̱ka̱ 2:39

Baling u̱tu̱gu̱zzo̱ Ma̱ri̱ya̱ ki Yosevo kaal cik orong lo̱ti̱nno̱wa̱ cik Manyi ko̱, i̱mi̱rrte̱ zin oot rok Ga̱li̱li̱ o̱rge̱ cinne̱ng, Nazereta.

Lu̱ka̱ 2:4

Itinga Yosevo o̱rge̱ ci azi zar ne Nazeret, Ga̱li̱li̱ya̱, uk rok lo̱o̱c ci een Ju̱de̱ya̱, Betelema orog ci Da̱vi̱de̱, eci Yosevo a̱kku̱ tatuge ci Da̱vi̱de̱.

Lu̱ka̱ 2:51

Uk zin enne rok Nazareth ki nogo kar kelema zoz cinne̱ng. Ma̱i̱je̱ yaatinne azunne kaal ne̱ke̱ do̱o̱k zinine cinne.

Kaviyak wak Abunna Ta̱mu̱ta̱dde̱no̱ eher Joni 1:46

I̱jji̱n zin Nathanaeli Vilip izek ne, “A̱kku̱ wo̱ye̱ gi̱i̱ imma ci abunna o̱rge̱ ci een Nazeret?” O̱bo̱de̱k zin Vilipi nonno, a̱nne̱k ne, “I̱jja̱ kar cin eberene cigunnek.”

Kaviyak wak Abunna Ta̱mu̱ta̱dde̱no̱ eher Joni 10:36

imma anna, atahala Baba, kar ki̱tto̱na̱ ki̱ki̱ya̱k lo̱o̱c. Nya zin ci a̱du̱wa̱nnu̱ a̱nnu̱ ne odomi anna nonno zo̱ze̱ ci kazi ne, ‘Ke̱e̱ni̱ anna Ngerrti Ta̱mu̱ta̱dde̱no̱’?

Kaviyak wak Abunna Ta̱mu̱ta̱dde̱no̱ eher Joni 12:49

Een zin zoz necu de̱de̱, eci iróng anna kozozi oowe cinanni do̱, abarik Baba wa i̱tto̱na̱na̱ ci i̱lo̱ti̱ka̱ zoz ci ka̱du̱wa̱ ko̱ ki gool ci ka̱du̱wa̱ne̱.

Kaviyak wak Abunna Ta̱mu̱ta̱dde̱no̱ eher Joni 14:10

Vilip iróng i̱nna̱ elemna a̱tu̱ zoz ci azi ne kaave anna ngati Baba, okko Baba aave ngatinanni? Okko zoz ci ka̱du̱wa̱ki̱ ko̱ iróng ci kocoma anna, a̱kku̱ doize ci Baba ci abak ngatinanni ko̱ ci ogon li̱ngli̱ngo̱n cinne.

Kaviyak wak Abunna Ta̱mu̱ta̱dde̱no̱ eher Joni 14:31

abunna zin ming a̱gga̱ ol cik lo̱o̱ta̱ ko̱ ming kirezi anna Baba, kar bo̱do̱k ku̱tu̱gu̱ kaal wak i̱lo̱ti̱ka̱ Baba ku̱tu̱gu̱. “I̱vi̱ta̱ i̱yo̱ko̱ niko, kotozzo zin naga.

Kaviyak wak Abunna Ta̱mu̱ta̱dde̱no̱ eher Joni 16:3

Ogonekku̱ng atin kaal ne̱ko̱ eci nege iróng a̱gga̱ Baba, iróng a̱gga̱ya̱ annit bu̱k.

Kaviyak wak Abunna Ta̱mu̱ta̱dde̱no̱ eher Joni 17:25

“Baba wa abunna, ming iróng ol cik lo̱o̱tu̱ a̱gga̱yi̱ i̱nne̱t nu̱nu̱n, ka̱gga̱yi̱ anna, a̱gga̱ zin demezyaha cigannik niko ming i̱tto̱na̱na̱ i̱nna̱.

Kaviyak wak Abunna Ta̱mu̱ta̱dde̱no̱ eher Joni 17:3

A̱gga̱yi̱ atin nege i̱nne̱t rugete wa aave udut, ize Ta̱mu̱ta̱dde̱n wa een de̱de̱ kar zin bo̱do̱k ka̱gga̱yya̱ annit Ye̱su̱ Ki̱ri̱sto̱ wa bali i̱tto̱na̱i̱ ke̱ nenen necu.

Kaviyak wak Abunna Ta̱mu̱ta̱dde̱no̱ eher Joni 3:2

I̱ki̱ya̱k zin enne ba̱a̱li̱n imma Ye̱su̱, kar zin kizek ne, “De̱me̱zo̱i̱t, ka̱gga̱yya̱ niko ming e̱e̱ni̱ i̱nna̱ de̱me̱zo̱i̱t ci a̱kku̱nni̱ Ta̱mu̱ta̱dde̱na̱. Iróng wo̱ye̱ e̱e̱ti̱ imma ogon kaal cik a̱vu̱la̱ ming iróng a̱kku̱ Ta̱mu̱ta̱dde̱na̱.”

Kaviyak wak Abunna Ta̱mu̱ta̱dde̱no̱ eher Joni 3:33

Ma e̱e̱ti̱ ci elemi zoz cinne, i̱ye̱la̱ zoz ci azi ne een Ta̱mu̱ta̱dde̱n de̱de̱.

Kaviyak wak Abunna Ta̱mu̱ta̱dde̱no̱ eher Joni 5:32

Aave e̱e̱ti̱ imma ci ibbac zoz cinanni, ka̱gga̱ niko ming een zoz ci a̱du̱wa̱ enne obod ki annit ko̱ een de̱de̱.

Kaviyak wak Abunna Ta̱mu̱ta̱dde̱no̱ eher Joni 5:43

Ka̱kku̱na̱ku̱ng komize ci Baba, iróng zin niga elemannang; ma̱i̱je̱ ming a̱kku̱ e̱e̱ti̱ imma doize cinne, elemannu̱ng enne.

Kaviyak wak Abunna Ta̱mu̱ta̱dde̱no̱ eher Joni 6:42

Izeto zin ne, “Iróng dim necu een Ye̱su̱ ngerrti Yosevo wa ka̱gga̱ naga do̱o̱k baatinne ki yaatinne ko̱? Azi wo̱ye̱ enne bo̱do̱k ne, ‘Ka̱kku̱na̱k lo̱o̱c ta̱mu̱-kenga ku̱ niko?’”

Kaviyak wak Abunna Ta̱mu̱ta̱dde̱no̱ eher Joni 7:14

Baling ngen ol adak kwo̱o̱r, uk Ye̱su̱ Ce̱e̱ze̱ wa Ta̱mu̱ta̱dde̱no̱ kar kakate de̱mzi̱ne̱t.

Kaviyak wak Abunna Ta̱mu̱ta̱dde̱no̱ eher Joni 8:14

O̱bo̱de̱k Ye̱su̱ nogo, a̱nne̱k ne, “Ming nu̱nu̱n kozozi zoz ci obod ki ele cinanni do̱, een zoz neci de̱de̱, eci ka̱gga̱ nginti ka̱kku̱ne̱ ki ci kokkoye. Ma abarik niga iróng a̱gga̱yyu̱ nginti ka̱kku̱ne̱ anna icima nginti kokkoye.

Kaviyak wak Abunna Ta̱mu̱ta̱dde̱no̱ eher Joni 8:16

Ming kettedi lo̱ki̱ko̱ ci e̱e̱t imma, ka̱du̱wa̱ zoz ci een de̱de̱, eci amire ki annit do̱ ci kettedi zoz, kettedda lo̱ki̱ko̱ nga̱to̱de̱ ki Baba bali i̱tto̱na̱na̱ ke̱.

Kaviyak wak Abunna Ta̱mu̱ta̱dde̱no̱ eher Joni 8:19

I̱jji̱nne̱t zin nege nonno, a̱nne̱k ne, “Aave Baatunne nga?” O̱bo̱de̱k zin Ye̱su̱ nogo, ize ne, “Iróng niga a̱gga̱yya̱ng, iróng bo̱do̱k a̱gga̱yyu̱ Baba bu̱k, ming a̱gga̱yya̱ng, a̱gga̱yyu̱ Baba bu̱k.”

Kaviyak wak Abunna Ta̱mu̱ta̱dde̱no̱ eher Joni 8:26

Kar bo̱do̱k kize ne, “Kanyai anna zoz ci a̱ppwe̱ zo̱ze̱ cunno̱ng, ki zoz ci kettede lo̱ki̱ko̱ cunno̱ng. Imma e̱e̱ti̱ ci i̱tto̱na̱na̱ ko̱ een de̱de̱. Ma̱i̱je̱ enne e̱e̱ti̱ wa i̱tto̱na̱na̱ annit een de̱de̱, ka̱du̱wa̱k olli lo̱o̱tu̱ zoz ci kiziya anna ngatinne.”

Kaviyak wak Abunna Ta̱mu̱ta̱dde̱no̱ eher Joni 8:42

Izek zin Ye̱su̱ nogo ne, “Ming een Ta̱mu̱ta̱dde̱n ci een Be̱e̱ti̱nno̱ng, irezang wo̱ye̱ ette niga annita, eci anna ka̱kku̱ni̱ ngati Ta̱mu̱ta̱dde̱no̱, i̱yo̱ko̱ ka̱vvu̱ ngatinno̱ng ngatu. Iróng anna ka̱kku̱ni̱ o̱o̱we̱ cinanni do̱, nonno ci i̱tto̱na̱na̱n.

Kaviyak wak Abunna Ta̱mu̱ta̱dde̱no̱ eher Joni 9:29

Ka̱gga̱yya̱ niko ozozik ba̱li̱ye̱ Ta̱mu̱ta̱dde̱n Muses, imma e̱e̱ti̱ cu, iróng ka̱gga̱yya̱ nginti a̱kku̱nne̱.”

Buk wa To̱ni̱a̱u̱ 17:23

Baling kowo anna ngintu do̱o̱k ke̱, kacinni ta̱mu̱ta̱dde̱ne̱t cuggo̱k, karuba i̱te̱le̱ ci e̱he̱rye̱ zoz cu: NGATI TA̱MU̱TA̱DDE̱N CI IRÓNG NAGA KA̱GGA̱. I̱yo̱ko̱ zin, korongi ku̱du̱wa̱u̱ng zoz ci Ta̱mu̱ta̱dde̱n cu, ci iróng niga a̱gga̱yyu̱ ko̱.

Roma 1:28

Imma go̱o̱le̱ ci iróng ol ne̱ke̱ orong ka̱gga̱c Ta̱mu̱ta̱dde̱n, icinnek zin enne nogo kabalit e̱le̱tti̱ cigge̱k zi̱nze̱tti̱nne̱ cik vangvangik ko̱, zoz zin ci ogon nege kaal cik gerzek ko̱ necu.

Roma 3:4

Iróng een niko! A̱du̱wa̱ Ta̱mu̱ta̱dde̱n zoz ci een de̱de̱, ming nu̱nu̱n ovolong ol do̱o̱k, aalna zoz cinne een de̱de̱ udut. E̱he̱rye̱ Warage ci Ta̱mu̱ta̱dde̱no̱ zoz ci obod ki Ta̱mu̱ta̱dde̱n, azi ne, “I̱ye̱la̱i̱ atin zoz cunne een de̱de̱ ming ozozi i̱nna̱, ommogi atin i̱nna̱ ol wak orong kadayi i̱nne̱t lo̱ki̱ka̱.”

2 Ko̱ri̱nto̱ 1:18

Ki i̱yo̱ko̱ ming ka̱tu̱ Ta̱mu̱ta̱dde̱n eci ogon kaal cik een de̱de̱, iróng zin anna kanyai zi̱nze̱tti̱ ram, ming ku̱du̱wa̱ zoz iróng bo̱do̱k kuhu zoz neci.

2 Ko̱ri̱nto̱ 4:6

Azi zoz ci Ta̱mu̱ta̱dde̱no̱ ne, “Anyik koor kataran nginti mu̱hu̱ri̱.” Ta̱mu̱ta̱dde̱n ci adiman zoz cinne obod ki Ye̱su̱, ogon ki vooriten ci alanyit zi̱nze̱tti̱nne̱ cigga̱c. U̱tu̱gu̱we̱t Ta̱mu̱ta̱dde̱n zoz necu agit do̱o̱k wak a̱tu̱ Ki̱ri̱sto̱. Ogon niko abunna a̱gga̱yyu̱ ming ovvo acinnu Ye̱su̱, i̱ye̱la̱ bunnat ci Ta̱mu̱ta̱dde̱no̱ ele.

Ti̱to̱ 1:2

Aave tu̱we̱ne̱t ki gga̱we̱ne̱t zoz ngati zoz ci karike naga zi̱nze̱tti̱ ko̱, a̱kku̱ zo̱ze̱ ci baiz ci aave udut, nonno ci een Ta̱mu̱ta̱dde̱n, iróng enne ovolongi, u̱du̱wa̱ zoz neci ming ngen enne kidiman ta̱mu̱-keng ki lo̱o̱c,

I̱bu̱ru̱ 6:18

U̱tu̱gu̱ Ta̱mu̱ta̱dde̱n niko kar zin kaale cik e̱e̱ggi̱n rama, iróng enne uhu eci iróng Ta̱mu̱ta̱dde̱n ovolongi zo̱ze̱ wa u̱du̱wa̱ enne, imma naga ol cik ki̱vi̱re̱t ko̱, kar kurubta zoz ci karike naga zi̱nze̱tti̱ ko̱, anyazoita kar izoccet wo̱ye̱ agit oroot.

1 Jon 5:10

I̱yo̱ko̱ zin, ming a̱tu̱ e̱e̱ti̱ zoz ci Ngerrti Ta̱mu̱ta̱dde̱no̱, anyak enne zoz ci ibbace enne ko̱ zinine cinne. Imma e̱e̱ti̱ ci iróng elemi zoz ci Ta̱mu̱ta̱dde̱no̱, angany enne Ta̱mu̱ta̱dde̱n azi ne een volongnyoit, eci iróng enne elemi zoz ci ibbace Ta̱mu̱ta̱dde̱n Ngerinne.